അമ്മായി ആയിട്ട് കുറയ്ക്കുന്നില്ല; നടിയും ആലിയയുടെ ഭർത്തൃമാതാവുമായ നീതു ആഡംബര ഫ്‌ളാറ്റിനായി പൊടിച്ചത് കോടികൾ

നടി ആലിയ ഭട്ടിന്റെ (Alia Bhatt) വിലയേറിയ ബാഗും വസ്ത്രവും ആഭരണവും മറ്റും പലപ്പോഴും വാർത്തകളിൽ ഇടം നേടാറുണ്ട്. എന്നാൽ ആഡംബരത്തിന്റെ കാര്യത്തിൽ അമ്മായി നീതു സിംഗ് (Neethu Singh) ഒട്ടും പിറകിലല്ല എന്ന് ഏറ്റവും പുതിയ റിപ്പോർട്ട് വിരൽചൂണ്ടുന്നു. രൺബീറിന്റെ മാതാവ് നീതു അടുത്തിടെ ഒരു പുതിയ അപ്പാർട്ട്മെന്റ് വാങ്ങി മുംബൈയിലെ റിയൽ എസ്റ്റേറ്റിൽ വമ്പൻ നിക്ഷേപം നടത്തി എന്ന വിവരം പുറത്തുവന്നു കഴിഞ്ഞു

കഴിഞ്ഞ വർഷം 'ജഗ്‌ജഗ്ഗ് ജീയോ' എന്ന ചിത്രത്തിലെ തിരിച്ചുവരവിന് ശേഷം, പ്രശസ്തമായ ബാന്ദ്ര കുർള കോംപ്ലക്‌സിൽ ആഡംബരപൂർണമായ നാല് കിടപ്പുമുറികളുള്ള ഒരു വീട് നീതു സ്വന്തമാക്കി. മുംബൈയിലെ ബിസിനസ്സ് ഏരിയയിലെ ഒരു പ്രധാന ലൊക്കേഷനിലാണ് വീട്. ഇതിനായി ചിലവഴിച്ച തുകയുടെ കാര്യവും പുറത്തുവന്നു കഴിഞ്ഞു (തുടർന്ന് വായിക്കുക)

പ്രശസ്തമായ സോഫിടെൽ ഹോട്ടലിന് എതിർവശത്തായി സ്ഥിതി ചെയ്യുന്ന നീതു സിംഗിന്റെ പുതിയ വസതി 3,387 ചതുരശ്ര അടിയിൽ വ്യാപിച്ചുകിടക്കുന്നു. വസതിയിൽ ആഡംബര സൗകര്യങ്ങളുടെ ഒരു നിരയുണ്ട്. റിപ്പോർട്ടുകൾ അനുസരിച്ച്, ആഡംബര കിടപ്പുമുറികളും വിശാലമായ ഡെക്കും അടങ്ങിയിരിക്കുന്നു

നീതു സിംഗിന്റെ പുതിയ അപ്പാർട്ട്‌മെന്റ് വിശാലമാണ്. നിറയെ സ്ഥലമുള്ള സ്വീകരണമുറി, ഡൈനിംഗ് റൂം, ഒന്നിലധികം കിടപ്പുമുറികൾ എന്നിവയുണ്ട്. ആഡംബര വസ്‌തുവിൽ മൂന്ന് കാർ പാർക്കിംഗ് ഏരിയകളുടെ സൗകര്യവും ഉൾപ്പെടുന്നു

IndexTap.com പങ്കിട്ട രജിസ്ട്രേഷൻ രേഖകൾ അനുസരിച്ച്, വാങ്ങലിന്റെ നിയമപരമായ നടപടിക്രമങ്ങൾ പൂർത്തിയാക്കി നീതു 1.04 കോടി രൂപ സ്റ്റാമ്പ് ഡ്യൂട്ടി അടച്ച് മെയ് 10 ന് വസ്തു രജിസ്റ്റർ ചെയ്തുവെന്നും റിപ്പോർട്ടുകൾ സൂചിപ്പിക്കുന്നു

മരുമകൾ ആലിയ ഭട്ട് തന്റെ നിർമാണ കമ്പനിയായ എറ്റേണൽ സൺഷൈൻ പ്രൊഡക്ഷൻസ് പ്രൈവറ്റ് ലിമിറ്റഡ് എന്ന പേരിൽ ഒരു വീട് ഏറ്റെടുത്ത് വാർത്തകളിൽ ഇടം നേടി ഒരു മാസത്തിന് ശേഷമാണ് നീതു കപൂറിന്റെ വസ്തു വാങ്ങൽ. ആലിയ വാങ്ങിയ വീടുകളിൽ രണ്ടെണ്ണം സഹോദരി ഷഹീൻ ഭട്ടിന് സമ്മാനിച്ചിരുന്നു

നീതു സിംഗ് വാങ്ങിയ വസ്തുവിന് 17.4 കോടി രൂപയോളം വിലയുണ്ട്. ആലിയ വാങ്ങിയ മുംബൈയിലെ ജുഹുവിലെ എബി നായർ റോഡിലെ പ്രശസ്തമായ ജിജി അപ്പാർട്ടുമെന്റിൽ സ്ഥിതി ചെയ്യുന്ന അപ്പാർട്ടുമെന്റുകളുടെ വിപണി മൂല്യം ഏകദേശം 7.68 കോടി രൂപയാണ്