ഓസ്കർ സന്തോഷത്തിനു പിന്നാലെ വിവാഹമോചന നിഴലിൽ രാം ചരൺ കുടുംബം; ആർഭാടപൂർവം നടന്ന വിവാഹത്തിന് അൽപ്പായുസോ?

രാജ്യം മുഴുവൻ കൊണ്ടാടിയ നേട്ടമാണ് 'നാട്ടു നാട്ടു' ഗാനത്തിന് ലഭിച്ച ഓസ്കർ. കീരവാണിയാണ് പുരസ്‌കാരം നേടിയതെങ്കിലും, RRR സിനിമാ കുടുംബം മുഴുവൻ ഒരുപോലെ കൊണ്ടാടിയ നേട്ടമായിരുന്നു അത്. നടൻ രാം ചരണും (Ram Charan) ഭാര്യ ഉപാസന കാമിനി കോനിഡേലയും അവിടെ സന്നിഹിതരായിരുന്നു. എന്നാൽ ഓസ്കർ സന്തോഷം നിറഞ്ഞ വേളയിൽ വിവാഹമോചനത്തിന്റെ നിഴലിലാണ് ഈ കുടുംബം

ഏറെ ആർഭാടപൂർവം ഈ കുടുംബം കൊണ്ടാടിയ വിവാഹമാണ് അകൽച്ചയുടെ വക്കിലെന്നു റിപ്പോർട്ട് പരക്കുന്നത്. ഭാര്യയും ഭർത്താവും ഇൻസ്റ്റഗ്രാമിൽ പരസ്പരം അൺഫോളോ ചെയ്തത് മുതലാണ് വിവാഹമോചനക്കാര്യം പുറത്തറിഞ്ഞത്. അതും വിവാഹം കഴിഞ്ഞ് അധികം നാളാകുന്നതിനും മുൻപ് (തുടർന്ന് വായിക്കുക)

രാം ചരണിന്റെ കസിൻ നിഹാരിക കോനിഡേലയും ഭർത്താവ് ചൈതന്യ ജോനലഗഡയും പിരിയുന്നു എന്ന് സിയാസത്ത് ഡോട്ട് കോം റിപ്പോർട്ട് ചെയ്യുന്നു. നടൻ ചിരഞ്ജീവിയുടെ അനന്തരവൾ കൂടിയാണ് നികാരിക. 2020ൽ ഉദയ്‌പൂരിൽ വച്ചായിരുന്നു രാജകീയ വിവാഹം

നിഹാരികയുമായുള്ള ചിത്രങ്ങൾ ചൈതന്യ ഡിലീറ്റ് ചെയ്തു എന്നും റിപ്പോർട്ടിൽ പറയുന്നു. ഇതിനുശേഷം ഇരുവരും വിവാഹമോചനത്തിന്റെ മാർഗം തേടാനുള്ള സാധ്യത ഏറെയെന്ന് പറയപ്പെടുന്നു

സംഭവത്തെക്കുറിച്ച് നിഹാരികയോ ചൈതന്യയോ പ്രതികരിച്ചിട്ടില്ല. ഒ.കെ. മനസു, ഹാപ്പി വെഡ്ഡിംഗ് തുടങ്ങിയ തെലുങ്ക് ചിത്രങ്ങളിലെ അഭിനയത്തിന് പേരുകേട്ട നിഹാരിക, 2020 ഓഗസ്റ്റിൽ ഒരു സ്വകാര്യ ചടങ്ങിൽ ചൈതന്യയുമായി വിവാഹനിശ്ചയം നടത്തി. ദമ്പതികളുടെ അടുത്ത കുടുംബാംഗങ്ങൾ മാത്രമാണ് ചടങ്ങിൽ പങ്കെടുത്തത്

ഹൈദരാബാദിലെ എംഎൻസിയിൽ ബിസിനസ് സ്ട്രാറ്റജിസ്റ്റായി ജോലി ചെയ്യുന്ന, ബിറ്റ്സ് പിലാനിയുടെയും ഇന്ത്യൻ സ്കൂൾ ഓഫ് ബിസിനസ്സിന്റെയും (ഐഎസ്ബി) പൂർവ്വ വിദ്യാർത്ഥിയാണ് ചൈതന്യ

അതേസമയം, രാം ചരണും ഭാര്യ ഉപാസനയും അവരുടെ ആദ്യത്തെ കുഞ്ഞിനെ സ്വീകരിക്കാനുള്ള തയാറെടുപ്പിലാണ്. ഗർഭിണിയായ ഭാര്യയെയും കൊണ്ടാണ് രാം ചരൺ ഓസ്കർ വേദിയിലെത്തിയത്