Niranj | 'അച്ഛന്റെ കുലം വരെ മാറ്റി, കോവിലകത്തെ തമ്പുരാട്ടിയല്ല'; മറുപടിയുമായി നിരഞ്ജ് മണിയൻപിള്ളയുടെ ഭാര്യ നിരഞ്ജന

മുതിർന്ന നടനും നിർമാതാവുമായ മണിയൻപിള്ള രാജുവിന്റെ ഇളയ മകനാണ് നടനായ നിരഞ്ജ് മണിയൻപിള്ള രാജു (Niranj Maniyanpillai Raju). 2022 ഡിസംബറിന്റെ തുടക്കത്തിലാണ് നിരഞ്ജ് നിരഞ്ജനയ്ക്കു താലി ചാർത്തിയത്. ചലച്ചിത്ര ലോകത്തെ താരങ്ങൾ അണിനിരന്ന, താരസാന്നിധ്യം നിറഞ്ഞ വിവാഹമായിരുന്നു ഇവരുടേത്. വിവാഹത്തിനും വിവാഹ സ്വീകരണ ചടങ്ങിനും താര സാന്നിധ്യം ഏറെയായിരുന്നു

മമ്മൂട്ടി, ജയറാം തുടങ്ങിയ സൂപ്പർ സ്റ്റാറുകൾ വരെ വിവാഹത്തിന് എത്തിയിരുന്നു. ഒപ്പം മണിയൻപിള്ള രാജുവിന്റെ സിനിമാ സുഹൃത്തുക്കളും പങ്കെടുത്തു. നിരഞ്ജനയെ കുറിച്ച് വന്ന വാർത്തകളിൽ ഏവരും ശ്രദ്ധിച്ച കാര്യമാണ് കൊട്ടാരത്തിലെ തമ്പുരാട്ടിക്കുട്ടി എന്ന പ്രചരണം. എന്നാൽ ഇതിലെ വാസ്തവം എത്രത്തോളമുണ്ടെന്ന് നിരഞ്ജന തന്നെ പറയുന്നു (തുടർന്ന് വായിക്കുക)

പ്ലസ് വൺ, പ്ലസ് ടു കാലം മുതലുള്ള പരിചയമാണ് ഇവരുടേത്. ഇത് പ്രണയത്തിലേക്കും വിവാഹത്തിലേക്കുമെത്തി. ഫാഷൻ ഡിസൈനിങ് കോഴ്സ് പൂർത്തിയാക്കിയ ആളാണ് നിരഞ്ജന. പാലിയം കൊട്ടാരത്തിലെ അംഗമാണ് നിരഞ്ജന എന്നായിരുന്നു പ്രചാരണം

കൊച്ചിയിലെ പാലിയം നാലുകെട്ടാണ് പാലിയം മ്യൂസിയം ആയി പരിണമിച്ചത്. പൂർവകാല കൊച്ചി രാജവംശ കാലത്തെ പ്രബല കുടുംബമായിരുന്നു ഇവിടെ താമസിച്ചിരുന്നത്

പാലിയം നാലുകെട്ടിനെ മ്യൂസിയം ആക്കിയതും ഇംഗ്ലീഷിൽ പാലിയം പാലസ് എന്ന് വിളിക്കാനാരംഭിച്ചു. ഇതാണ് നിരഞ്ജന പാലിയം കൊട്ടാരത്തിലെ തമ്പുരാട്ടി എന്ന പ്രചരണത്തിൽ കൊണ്ടെത്തിച്ചത്. പാലിയം നാലുകെട്ടും നിരഞ്ജനയുമായുള്ള ബന്ധമെന്തെന്നും അവർ 'വെറൈറ്റി മീഡിയക്കു' നൽകിയ അഭിമുഖത്തിൽ പറയുകയുണ്ടായി

നിരഞ്ജനയുടെ അമ്മവഴിയുള്ള ബന്ധമാണ് പാലിയം തറവാടിന്റെത്. അച്ഛന്റെ കുടുംബമല്ല ഇത്. പക്ഷെ വാർത്തകൾ വന്നപ്പോൾ നിരഞ്ജനയുടെ അച്ഛന്റെ തറവാട് എന്ന നിലയിലും കാര്യങ്ങളെത്തി

'എന്റെ കുലം മാറി' എന്ന് നിരഞ്ജനയുടെ അച്ഛൻ പറയുന്നുണ്ടായിരുന്നുവത്രേ. ക്യാപ്‌ഷനിലെ കളികൾ തിരുത്താൻ തങ്ങളും നിന്നില്ല എന്ന് നിരഞ്ജ് മണിയൻപിള്ളയും ഭാര്യയും പറയുന്നു