Pawan Kalyan | ഒരു ദിവസം അഭിനയിക്കാൻ കോടികൾ വേതനം; പവൻ കല്യാണിന്റെ വരുമാനം

പവർ സ്റ്റാർ എന്ന വിശേഷണത്തോടെ തെന്നിന്ത്യൻ സിനിമയിൽ നിറഞ്ഞു നിൽക്കുന്ന നടനാണ് പവൻ കല്യാൺ (Pawan Kalyan). ടോളിവുഡിൽ മാത്രമല്ല, രാഷ്ട്രീയ മേഖലയിലും പവൻ കല്യാൺ വ്യക്തിമുദ്ര പതിപ്പിച്ചു കഴിഞ്ഞു. തന്റെ ജനസേന പാർട്ടിയുടെ പത്താം വാർഷികം പ്രമാണിച്ച് ആന്ധ്രപ്രദേശിൽ പവൻ കല്യാൺ ഒരു യോഗം വിളിച്ചു ചേർത്തിരുന്നു. ഈ വേളയിൽ തന്റെ ദിവസവേതനം എത്രയെന്നും അദ്ദേഹം പറഞ്ഞു

ഒരു വലിയ ജനക്കൂട്ടത്തെ അഭിസംബോധന ചെയ്ത് പവൻ കല്യാൺ സംസാരിച്ചിരുന്നു. ഒട്ടേറെ വിഷയങ്ങളെക്കുറിച്ച് അദ്ദേഹം സംസാരിച്ചു. അക്കൂട്ടത്തിൽ ഒരു ദിവസം താൻ നേടുന്ന കോടികൾ എത്രയെന്നും അദ്ദേഹം വ്യക്തമാക്കി (തുടർന്ന് വായിക്കുക)

മാച്ചിലിപട്ടണത്തു നടന്ന സമ്മേളനത്തിൽ പവൻ കല്യാൺ ഒരു കാര്യം പ്രത്യേകം എടുത്തുപറഞ്ഞു. സിനിമയിൽ നിന്നും സമ്പാദിക്കാൻ ആഗ്രഹമുണ്ടെങ്കിലും, ആ പണം തന്റെ പൊതുസേവനത്തിന്റെ കാഴ്ചപ്പാടിന് വിലങ്ങുതടിയല്ല എന്നായിരുന്നു അത്

ഒരു ദിവസം ഒരു സിനിമയിൽ നിന്നും രണ്ടു കോടി രൂപ പവൻ കല്യാൺ പ്രതിഫലം പറ്റും. തന്റെ ആരാധകരുടെ സ്നേഹമാണ് ഇതിനു കാരണമെന്ന് നടൻ

എല്ലാ സിനിമയും ഇത്രയും വലിയ തുക തരും എന്ന കാര്യത്തിൽ തനിക്കുറപ്പില്ല. നിലവിൽ അഭിനയിക്കുന്ന സിനിമയുടെ ചിത്രീകരണം 22 ദിവസം നീളും. അതിൽ നിന്നും 45 കോടി രൂപ പ്രതിഫലം ലഭിക്കും എന്ന് പവൻ കല്യാൺ

ഹരിഹര വീര മല്ലു എന്ന സിനിമയുടെ ഭാഗമാണിപ്പോൾ അദ്ദേഹം. സംവിധായകൻ സുജീത്തിനൊപ്പം മറ്റൊരു സിനിമയുടെ പണിപ്പുരയിലുമുണ്ട്. പേരിടാത്ത ചിത്രം ജനുവരി 30-ന് ഷൂട്ടിംഗ് ആരംഭിച്ചു

ഭീംല നായക് എന്ന ചിത്രത്തിലാണ് പവൻ അവസാനമായി അഭിനയിച്ചത്. ചിത്രം നല്ല കളക്ഷൻ നേടിയെങ്കിലും, ടീമിന്റെ പ്രതീക്ഷയ്‌ക്കൊത്ത് പ്രകടനം നടത്തിയില്ല. റാണ ദഗ്ഗുബട്ടി, നിത്യ മേനോൻ, സംയുക്ത മേനോൻ എന്നിവരും ചിത്രത്തിൽ പ്രധാന വേഷങ്ങളിൽ എത്തിയിരുന്നു