'എന്റെ കുടുംബം, എന്റെ ലോകം, എന്റെ സ്വർഗ്ഗരാജ്യം'; കുടുംബത്തോടൊപ്പം പേളിയും ശ്രീനിഷും

ബിഗ്ബോസ് മലയാളം സീസൺ 2-ലൂടെ മലയാളികളുടെ പ്രിയ താരമായി മാറിയവരാണ് നടിയും അവതാരകയുമായ പേളി മാണിയും ഭര്‍ത്താവും നടനുമായ ശ്രീനിഷ് അരവിന്ദും.

സോഷ്യൽമീഡിയയിൽ സജീവമായ ഇരുവരും കുടുംബത്തോടൊപ്പമുളള വിശേഷങ്ങളും ചിത്രങ്ങളും പങ്കുവയ്ക്കാറുണ്ട്. ഇപ്പോഴിതാ ശ്രീനിഷിന്റെ അച്ചനും അമ്മയും പേളിയുടെ അച്ചനും അമ്മയും ഒന്നിച്ചുള്ള വീഡിയോയാണ് ശ്രീനിഷ് പങ്കുവെച്ചിരിക്കുന്നത്.

നിലു ബേബിയെ കൊഞ്ചിക്കുന്ന തിരക്കിലാണ് എല്ലാവരും. 'എന്റെ കുടുംബം, എന്റെ ലോകം, എന്റെ സ്വർഗ്ഗരാജ്യം' എന്നാണ് വീഡിയോയ്ക്ക് ശ്രീനിഷ് നൽകുന്ന ക്യാപ്ഷൻ. ഒപ്പം ജേക്കബിന്റെ സ്വർഗ്ഗരാജ്യം എന്ന സിനിമയിലെ അടിപൊളി സംഭാഷണവും സന്തോഷ നിമിഷങ്ങളെ എടുത്ത് കാണിക്കാൻ അതിൽ ചേർത്തിട്ടുണ്ട്.

ഈ കുടുംബത്തിന്റെ സന്തോം കാണുമ്പോൾ തന്റെ കുടുംബം മിസ് ചെയ്യുന്നതായാണ് വിഡിയോയ്ക്ക് ഒരാൾ നൽകുന്ന കമ്മന്റ്. ഇങ്ങനെ തന്നെ ഒത്തൊരുമയിൽ തുടരട്ടെയെന്ന ആശംസയാണ് എല്ലാവരും നേരുന്നത്.

ബിഗ് ബോസ് മലയാളം ആദ്യ സീസണിലായിരുന്നു പേളിയും ശ്രീനീഷും പരിചയപ്പെടുന്നതും അടുക്കുന്നതും. ബിഗ് ബോസിൽ മൊട്ടിട്ട പ്രണയം പ്രേക്ഷകരും ആവേശത്തോടെ ആയിരുന്നു സ്വീകരിച്ചിരുന്നത്. 100 ദിവസം ഒന്നിച്ചു താമസിക്കുന്ന പരിപാടിയിൽ ഇരുവരും ഫൈനൽ റൗണ്ട് വരെ എത്തിയിരുന്നു.

ബിഗ് ബോസ് ഷോ പൂർത്തിയായി അധികം വൈകാതെ തന്നെ പേളി മാണിയും ശ്രീനിഷും വിവാഹിതരായി. രണ്ട് മതമായിരുന്നെങ്കിലും വീട്ടുകാരുടെ പൂർണ്ണ പിന്തുണയോടെ രണ്ട് ആചാരങ്ങളിലും വിവാഹം നടത്തിയിരുന്നു.