Actor Bala | നടൻ ബാലയ്ക്ക് മുൻഭാര്യ അമൃത കരൾ നൽകുമോ? വിചിത്ര വാദവുമായി പെല്ലിശ്ശേരി വീഡിയോയിലൂടെ രംഗത്ത്

നടൻ ബാലയെ (Actor Bala) ആശുപത്രിയിൽ പ്രവേശിപ്പിച്ച വാർത്ത ആരാധകരും പ്രേക്ഷകരും അടങ്ങുന്ന സമൂഹം ഞെട്ടലോടെയാണ് കേട്ടത്. നടന് കരൾ രോഗമുള്ളതായി റിപ്പോർട്ട് വന്നിരുന്നു. കരൾ മാറ്റിവെക്കേണ്ട സാഹചര്യത്തെക്കുറിച്ച് ദേശീയ മാധ്യമങ്ങൾ ഉൾപ്പെടെ വാർത്ത നൽകിക്കഴിഞ്ഞു. കൊച്ചിയിലെ ആശുപത്രിയിലാണ് ബാല ചികിത്സ തേടിയത്

വിവരമറിഞ്ഞ് ബാലയുടെ സഹോദരനും തമിഴ് സംവിധായകനുമായ ശിവ കേരളത്തിലെത്തിയിരുന്നു. മകളെ കാണണം എന്ന ആഗ്രഹം പറഞ്ഞതും മുൻഭാര്യ അമൃതയും കുടുംബവും ഏക മകൾ അവന്തികയുമായി ആശുപത്രിയിൽ എത്തുകയും ചെയ്‌തു. എന്നാൽ ബാലയുടെ കരൾ മാറ്റിവയ്ക്കലിനെക്കുറിച്ച് വിചിത്ര പരാമർശവുമായി ചലച്ചിത്ര നിരീക്ഷകനും വിമർശകനുമായ പെല്ലിശ്ശേരി രംഗത്തെത്തി (തുടർന്ന് വായിക്കുക)

ബാലയ്ക്കു കരൾ മാറ്റിവെക്കേണ്ട ആവശ്യമുണ്ടാകും എന്ന വാർത്ത വന്നതും അതേസംബന്ധിച്ച വാർത്തകൾക്ക് പിന്നാലെ പെല്ലിശ്ശേരി യൂട്യൂബ് ചാനൽ വഴി നൽകിയ വീഡിയോ ചർച്ചചെയ്യപ്പെടുകയാണ്

മുൻഭാര്യ അമൃത ബാലയ്ക്കു കരൾ നൽകാൻ സന്നദ്ധയായേക്കും എന്നാണ് വീഡിയോയിലെ പരാമർശം. 'നടൻ ബാലയ്ക്ക് കരൾ കൊടുക്കാൻ പലരും തയാർ. മുൻ ഭാര്യ അമൃത സുരേഷും?' എന്നാണ് പെല്ലിശ്ശേരിയുടെ വീഡിയോയുടെ ക്യാപ്‌ഷൻ

ഇതിനെക്കുറിച്ച് ഇദ്ദേഹം ദീർഘമായി വീഡിയോയിൽ സംസാരിക്കുന്നുമുണ്ട്. ഇക്കാര്യം അമൃത സുരേഷ് സമ്മതിക്കുകയോ വിസമ്മതിക്കുകയോ ആവാം എന്നും വീഡിയോയിൽ പരാമർശമുണ്ട്. എന്നാൽ അമൃത ഇക്കാര്യത്തെക്കുറിച്ച് ഒന്നും തന്നെ സോഷ്യൽ മീഡിയയിൽ എവിടെയും പറഞ്ഞിട്ടില്ല

ഈ വിഷയത്തെക്കുറിച്ച് പറഞ്ഞ പെല്ലിശ്ശേരിയുടെ യൂട്യൂബ് വീഡിയോ

ബാല ആശുപത്രിയിലായതും ഭാര്യ എലിസബത്തിന്റെ കുടുംബവും ബാലയുടെ അമ്മയുമാണ് തുടക്കത്തിൽ ആശുപത്രിയിൽ എത്തിയത്. വിഷയം യൂട്യൂബ് വ്ലോഗർ സൂരജ് പാലാക്കാരൻ ഉൾപ്പെടുന്നവരാണ് ആദ്യം പുറത്തുവിട്ടത്

സംഭവം വാർത്തയായതിൽ ബാലയ്ക്കു വിഷമം ഉണ്ടെന്ന് ഭാര്യ എലിസബത്ത് ഒരു ഫേസ്ബുക്ക് കുറിപ്പിൽ പിന്നീട് രേഖപ്പെടുത്തുകയുണ്ടായി. ഐ.സി.യുവിലായിരുന്നു ബാല ചികിത്സ തേടിയത്

ബാലയെ സന്ദർശിക്കാൻ നടൻ ഉണ്ണി മുകുന്ദനും നിർമാതാവ് ബാദുഷയും കൂട്ടരും ആശുപത്രിയിൽ എത്തിയിരുന്നു