Pornstar jailed സ്വന്തം സ്വകാര്യഭാഗങ്ങളുടെ ചിത്രങ്ങൾ ഇന്റർനെറ്റ് പ്ലാറ്റ്ഫോമിൽ; പോൺസ്റ്റാർ ജയിലിൽ

സോഷ്യൽ നെറ്റ്‌വർക്കിംഗ് സൈറ്റുകൾ ജാഗ്രതയോടെ ഉപയോഗിക്കണം. വലിയ ആരാധകരുള്ള താരങ്ങളാണെങ്കിൽ പ്രത്യേകിച്ചും. ഞാൻ എന്താണ് പോസ്റ്റ് ചെയ്യേണ്ടത്? എന്തുചെയ്യരുത് എന്നതിനെക്കുറിച്ചുള്ള പൊതുവായ ജ്ഞാനം ഉണ്ടായിരിക്കേണ്ടത് പ്രധാനമാണ്. സോഷ്യൽ നെറ്റ്‌വർക്കിംഗ് സൈറ്റ് ഉപയോഗിക്കുന്ന സമ്പന്നരായ താരങ്ങൾക്ക് പോലും ചിലപ്പോൾ അത്തരം അബദ്ധങ്ങൾ പറ്റാറുണ്ട്. അതിരുവിട്ടാൽ ചിലപ്പോൾ ജയിലിലും കിടക്കേണ്ടിവരും.

സിംഗപ്പൂരുകാരനായ പോൺസ്റ്റാർ ടൈറ്റസ് ലോയ്ക്ക് ഒട്ടേറെ ആരാധകരാണുള്ളത്. മോശം പ്രവൃത്തി ഇപ്പോൾ താരത്തെ എത്തിച്ചിരിക്കുന്നത് ജയിലിലാണ്. ഒൺലി ഫാൻസ് ഓൺലൈൻ പ്ലാറ്റ്ഫോമിൽ സ്വന്തം സ്വകാര്യ ഭാഗങ്ങൾ പങ്കുവെച്ചുവെന്ന് കണ്ടതിനെ തുടർന്നാണ് അധികൃതർ നടപടിയെടുത്തത്.

ദി വൈസിന്റെ റിപ്പോർട്ട് പ്രകാരം 22 വയസുകാരനായ താരം തന്റെ സ്വകാര്യ ഭാഗങ്ങളുടെ ചിത്രം ഒൺലി ഫാൻസ് പേജിൽ അപ്ലോഡ് ചെയ്യുകയായിരുന്നു. ഏപ്രിലിനും ഒക്ടോബറിനും ഇടയിലാണ് സംഭവം. ഇക്കാലയളവിൽ 32 അശ്ലീല ചിത്രങ്ങളും 29 വീഡിയോകളുമാണ് ഒൺലി ഫാൻസ് പേജിൽ താരം പങ്കുവെച്ചത്. പിന്നാലെ പൊലീസിന്റെ നോട്ടീസും ലഭിച്ചു.

എന്നാൽ, തന്റെ അക്കൗണ്ടിൽ മറ്റാരെങ്കിലും ചിത്രങ്ങൾ അപ്ലോഡ് ചെയ്തതാകാമെന്നായിരുന്നു താരം പൊലീസിനോട് പറഞ്ഞത്. ഈ സംഭവത്തിന് ശേഷം ഇതേ അക്കൗണ്ടിൽ അശ്ലീല ചിത്രങ്ങളും വീഡിയോകളും അപ്ലോഡ് ചെയ്തതായി കണ്ടതോടെയാണ് പൊലീസ് താരത്തെ അറസ്റ്റ് ചെയ്തത്.

ആദ്യം തെറ്റ് ചൂണ്ടിക്കാട്ടിയതിന് ശേഷവും താരം അതേ തെറ്റ് ആവർത്തിക്കുകയായിരുന്നുവെന്നും ഇത് കടുത്ത ക്രിമിനൽ കുറ്റമാണെന്നും പൊലീസ് വാർത്താക്കുറിപ്പിൽ പറഞ്ഞു. ആയിരക്കണക്കിന് പേരാണ് ടൈറ്റസ് ലോയെ ഫോളോ ചെയ്യുന്നത്. ഇതിവഴി അഞ്ചക്ക വരുമാനമാണ് താരത്തിന് പ്രതിമാസം ലഭിക്കുന്നത്. മാസം 20 ഡോളർ ചെലവാക്കിയാൽ ഇരുന്നൂറിൽ അധികം ചിത്രങ്ങളും വീഡിയോകളുമാണ് പ്ലാറ്റ്ഫോം വഴി കാണാനാകുക.

 ആറു മാസം വരെ ജയിൽ ശിക്ഷ ലഭിക്കാവുന്ന കുറ്റമാണ് താരം ചെയ്തിരിക്കുന്നത്. സിംഗപൂരിൽ ഇലക്ട്രോണിക് മാധ്യമങ്ങൾ വഴി അശ്ലീല ദൃശ്യങ്ങൾ കൈമാറ്റം ചെയ്യപ്പെടുന്നതും അതുവഴി പരസ്യവരുമാനം നേടുന്നതും നിയമവിരുദ്ധമാണ്. ഈ മാസം 20ന് സംഭവത്തിൽ കോടതി വിധി പറയും.