ലോകത്തിലെ ഏറ്റവും ഉയരം കുറഞ്ഞ ബോഡി ബിൽഡർ 'സ്വപ്ന വധു'വിനെ സ്വന്തമാക്കി

ലോകത്തിലെ ഏറ്റവും ഉയരം കുറഞ്ഞ ബോഡി ബിൽഡർ എന്ന ഗിന്നസ് വേൾഡ് റെക്കോഡ് മഹാരാഷ്ട്ര സ്വദേശി പ്രതീക് വിത്തല്‍ മൊഹിതെയുടെ പേരിലാണ്. മൂന്ന് അടി 4 ഇഞ്ച് മാത്രമുള്ള പ്രതീക്, നാലടി 2 ഇഞ്ച് ഉയരമുള്ള സ്വപ്ന വധുവായ ജയയെ സ്വന്തമാക്കിയിരിക്കുകയാണ് ഇപ്പോൾ. (Photo- Pratik Vitthal Mohite/ instagram)

ബന്ധുക്കളുടെയും സുഹൃത്തുക്കളുടെയും സാന്നിധ്യത്തിൽ ഈ മാസമാദ്യമായിരുന്നു വിവാഹം. നാലുവർഷം മുൻപാണ് 28കാരനായ പ്രതീക് 22 കാരിയായ ജയയെ കണ്ടുമുട്ടുന്നതെന്ന് ഡെയിലി മെയിൽ റിപ്പോർട്ട് ചെയ്യുന്നു. (Photo- Pratik Vitthal Mohite/ instagram)

ഇൻസ്റ്റാഗ്രാമിൽ സജീവമായ പ്രതീകിന് രണ്ടുലക്ഷത്തിലധികം ഫോളേവേഴ്സുണ്ട്. പ്രതീക് പോസ്റ്റ് ചെയ്യുന്ന ഫിറ്റ്നെസ് വീഡിയോകൾക്ക് ഒട്ടേറെ കാഴ്ചക്കാരാണുള്ളത്. വിവാഹ ഫോട്ടോയും വീഡിയോയും പോസ്റ്റ് ചെയ്തപ്പോൾ ഒട്ടേറെപേരാണ് ആശംസകൾ അറിയിച്ചത്. ഹൽദി മുതൽ വിവാഹ ഘോഷയാത്ര വരെയുള്ള ചിത്രങ്ങളും വീഡിയോകളും പ്രതീക് സോഷ്യൽ മീഡിയയിൽ പോസ്റ്റ് ചെയ്തിട്ടുണ്ട്. (Photo- Pratik Vitthal Mohite/ instagram)

വരന്റെ വേഷത്തിലുള്ള ഒരു വീഡിയോയിൽ പ്രതീക് നൃത്തം ചെയ്യുന്നത് കാണാം. ഭാര്യയ്ക്കൊപ്പം വീട്ടിൽ എടുത്ത ചിത്രമാണ് മറ്റൊന്ന്. 'ജയയെ ആദ്യം കണ്ടപ്പോൾ തന്നെ, ആ സ്വപ്ന വധു അവളായിരിക്കുമെന്ന് എനിക്ക് മനസിലായി'- പ്രതീക് ഡെയ്ലി മെയിലിനോട് പറഞ്ഞു.

വലുപ്പക്കുറവിന്റെ പ്രതിബന്ധങ്ങൾ മറികടന്ന് 2012ലാണ് പ്രതീക് വിത്തൽ മൊഹിതെ ബോഡി ബില്‍ഡർ കരിയർ ആരംഭിച്ചത്. 2016ല്‍ മത്സര രംഗത്തേക്ക് എത്തി. കുടുംബവും സുഹൃത്തുക്കളും എല്ലാവിധ പിന്തുണയുമായി ഒപ്പമുള്ളതാണ് തന്റെ ശക്തിയെന്ന് പ്രതീക് പറയുന്നു.

തന്റെയും ഭാര്യയുടെയും ഭാവി സുരക്ഷിതമാക്കാൻ നല്ലൊരു ജോലി കണ്ടെത്തണമെന്നും പ്രതീക് പറയുന്നു. പരമ്പരാഗത മറാത്തി രീതിയിലായിരുന്നു പ്രതീകിന്റെ വിവാഹം.