Prithvi Shaw | കോടികൾ പൊടിച്ച് ബാന്ദ്രയിൽ ഫ്ലാറ്റ് സ്വന്തമാക്കി ക്രിക്കറ്റ് താരം പൃഥ്വി ഷാ

ക്രിക്കറ്റ് താരം പൃഥ്വി പങ്കജ് ഷാ (Prithvi Shaw) കോടികൾ മുടക്കി മുംബൈയിലെ ബാന്ദ്ര വെസ്റ്റിൽ ഒരു ഫ്ലാറ്റ് വാങ്ങിയതായി Indextap.com കണ്ടെത്തിയ രേഖകൾ കാണിക്കുന്നു. കെസി റോഡിൽ എംജെ ഷായുടെ പ്രൊജക്‌റ്റ് 81 ഓറിയേറ്റിൽ സ്ഥിതി ചെയ്യുന്ന എട്ടാം നിലയിലുള്ള അപ്പാർട്ട്‌മെന്റാണ് ഷാ വാങ്ങിയത്

പിരമിഡ് ഡെവലപ്പേഴ്‌സ് ആണ് വിൽപ്പനക്കാർ. വാങ്ങുന്നയാൾ യൂണിറ്റിനായി 52.50 ലക്ഷം രൂപ സ്റ്റാമ്പ് ഡ്യൂട്ടി അടച്ചതായി രേഖകൾ കാണിക്കുന്നു. 2,209 ചതുരശ്ര അടി കാർപെറ്റ് ഏരിയയും 1,654 ചതുരശ്ര അടി വിസ്തീർണമുള്ള ടെറസുമുള്ള യൂണിറ്റ് ഏപ്രിൽ 28 നാണ് രജിസ്റ്റർ ചെയ്തതായി കാണുന്നത് (തുടർന്ന് വായിക്കുക)

കഴിഞ്ഞ വർഷം ബോളിവുഡ് ചലച്ചിത്ര സംവിധായകനും തിരക്കഥാകൃത്തുമായ അഭിനയ് ദിയോ 10.75 കോടി രൂപയ്ക്കാണ് ബാന്ദ്രയിൽ ഒരു അപ്പാർട്ട്മെന്റ് വാങ്ങിയത്. ഏകദേശം ഈ തുകയുമായി സമാനതയുണ്ട് പൃഥ്വി വാങ്ങിയ അപ്പാർട്മെന്റിനും

മൂന്ന് കാർ പാർക്കിംഗ് സ്ലോട്ടുകളുമായാണ് പൃഥ്വി ഷായുടെ യൂണിറ്റ് വരുന്നത്. 10.5 കോടി രൂപയാണ് വില

2018 ഫെബ്രുവരിയിൽ, ഷാ ഇന്ത്യൻ അണ്ടർ 19 ക്രിക്കറ്റ് ടീമിനെ ലോകകപ്പ് വിജയത്തിലെത്തിച്ചു. അതേ വർഷം നടന്ന ഇന്ത്യൻ പ്രീമിയർ ലീഗ് (ഐ‌പി‌എൽ) ലേലത്തിൽ, ഡൽഹി ഡെയർഡെവിൾസ് പൃഥ്വിയെ 1.2 കോടിക്ക് വാങ്ങി. 1.2 കോടി. നിലവിൽ ഐപിഎല്ലിൽ ഡൽഹി ക്യാപിറ്റൽസിനും ആഭ്യന്തര ക്രിക്കറ്റിൽ മുംബൈയ്ക്കുമായി കളിക്കുന്നു

ഷായുടെ ഓഫീസിലേക്ക് അയച്ച ചോദ്യങ്ങൾക്ക് ഉത്തരം ലഭിച്ചിട്ടില്ല