Prithviraj | ദാമ്പത്യജീവിതത്തിന്റെ 12 സുന്ദരവർഷങ്ങൾ; ദുബായിയിൽ വിവാഹവാർഷികം കൊണ്ടാടി പൃഥ്വിരാജും സുപ്രിയയും

പൃഥ്വിരാജ് സുകുമാരൻ (Prithviraj Sukumaran) സുപ്രിയ മേനോന് (Supriya Menon) താലിചാർത്തിയിട്ട് ഒരു വ്യാഴവട്ടം. 12 വർഷങ്ങളുടെ ദാമ്പത്യജീവിതം പൂർത്തിയാക്കിയ താര ദമ്പതികൾ ദുബായിലാണ് വിവാഹവാർഷികം ആഘോഷിക്കുക. കഴിഞ്ഞ കുറച്ചു ദിവസങ്ങളായി ഇവർ ഇറ്റലി സന്ദർശനത്തിലായിരുന്നു. മാധ്യമപ്രവർത്തകയായ സുപ്രിയയെ പാലക്കാടുള്ള റിസോർട്ടിൽ വച്ച് തീർത്തും ലളിതമായ ചടങ്ങിൽ പൃഥ്വിരാജ് ജീവിതസഖിയാക്കുകയായിരുന്നു

വിവാഹം കഴിക്കുമ്പോൾ സുപ്രിയ മാധ്യമപ്രവർത്തകയാണെങ്കിൽ, ഇന്നവർ മലയാള സിനിമയിലെ കരുത്തയായ വനിതാ ചലച്ചിത്ര നിർമാതാവ് കൂടിയാണ്. പൃഥ്വിരാജിനൊപ്പം പൃഥ്വിരാജ് പ്രൊഡക്ഷൻസ് എന്ന നിർമാണ കമ്പനിയുടെ സാരഥ്യം വഹിക്കുകയാണ് സുപ്രിയ (തുടർന്ന് വായിക്കുക)

ഭാര്യ, ഉറ്റസുഹൃത്ത്, യാത്രാ പങ്കാളി, മനഃസാക്ഷി സൂക്ഷിപ്പുകാരി, കുഞ്ഞിന്റെ അമ്മ, കൂടാതെ എണ്ണമറ്റ മറ്റു പലതുമാണ് തനിക്ക് സുപ്രിയ എന്ന് പൃഥ്വിരാജ് വിവാഹവാർഷികദിനത്തിൽ കുറിക്കുന്നു. പൃഥ്വിരാജ്, സുപ്രിയ മേനോൻ ദമ്പതികൾക്ക് 2014ൽ മകൾ പിറന്നു. അലംകൃത മേനോൻ പൃഥ്വിരാജ് ആണ് ദമ്പതികളുടെ ഏക മകൾ  

2019ൽ ജെനുസ് മുഹമ്മദ് സംവിധാനം നിർവഹിച്ച 'നയൻ' എന്ന സിനിമയിലൂടെയാണ് പൃഥ്വിരാജ് പ്രൊഡക്ഷൻസിന്റെ തുടക്കം. ശേഷം പല പ്രമുഖ ചിത്രങ്ങളുടെയും വിതരണാവകാശം വരെ സ്വന്തമാക്കിയ കമ്പനിയാണിത്

പേട്ട, ബിഗിൽ, മാസ്റ്റർ, KGF ചാപ്റ്റർ 2, 777 ചാർളി, കാന്താര തുടങ്ങിയ സിനിമകളുടെ കേരളത്തിലെ വിതരണാവകാശം പൃഥ്വിരാജ് പ്രൊഡക്ഷന്സിന്റെതായിരുന്നു. ഡ്രൈവിംഗ് ലൈസൻസ് സിനിമയുടെ ഹിന്ദി റീമേക്കിന്റെ നിർമാണ പങ്കാളിയുമായിരുന്നു

പൃഥ്വിരാജ് പ്രൊഡക്ഷൻസ് നിർമാണ പങ്കാളിയാവുന്ന 'ഗുരുവായൂർ അമ്പലനടയിൽ' എന്ന സിനിമ പ്രഖ്യാപിച്ചു കഴിഞ്ഞു