Priyanka Chopra | പ്രിയങ്ക ചോപ്ര ലോക സുന്ദരിയാകുമ്പോൾ ഭർത്താവ് നിക്കിന് പ്രായം...

ഭൂമിയുടെ രണ്ടു കോണുകളിലായിരുന്നിട്ടും ഒന്നിക്കേണ്ടവർ തന്നെയായിരുന്നു നടി പ്രിയങ്ക ചോപ്രയും (Priyanka Chopra) ഗായകനായ ഭർത്താവ് നിക്ക് ജോനസും (Nick Jonas). 'ദി ജെന്നിഫർ ഹഡ്സൺ ഷോ'യിൽ തന്റെ ഭർത്താവിന്റെ അമ്മ പറഞ്ഞ ചില കാര്യങ്ങൾ പ്രിയങ്ക വെളിപ്പെടുത്തി. 2000ത്തിൽ പ്രിയങ്ക ലോകസുന്ദരി കിരീടം ചൂടുമ്പോൾ ആ നിമിഷം ടി.വിയിലൂടെ വീക്ഷിച്ച ജനലക്ഷങ്ങളുടെ കൂട്ടത്തിൽ ഒരാളായിരുന്നു നിക്ക് ജോനസ്

ടെക്‌സസിൽ ഇരുന്നുകൊണ്ടാണ് നിക്ക് ജോനസ് ചടങ്ങിന് ടി.വിയിലൂടെ സാക്ഷ്യം വഹിച്ചത്. പ്രിയങ്കയുടെയും നിക്കിന്റെയും പ്രായവ്യത്യാസം പലപ്പോഴും ചർച്ചയായിട്ടുണ്ട്. ലോകസുന്ദരി കിരീടം ചൂടുമ്പോൾ പ്രിയങ്കയ്ക്ക് പ്രായം 18 വയസ്സാണ് (തുടർന്ന് വായിക്കുക)

വളരെ വർഷങ്ങൾക്ക് ശേഷം ഇരുവരും പ്രണയത്തിലാവുകയും, വിവാഹം ചെയ്യുകയുമായിരുന്നു. വാടക ഗർഭധാരണത്തിലൂടെ പ്രിയങ്കയും നിക്കും മാൽതി മേരി എന്ന മകളുടെ മാതാപിതാക്കളുമായി മാറി

ലണ്ടനിൽ വച്ചായിരുന്നു പ്രിയങ്ക മിസ് വേൾഡ് ആയി തിരഞ്ഞെടുക്കപ്പെട്ടത്. ഇത് നവംബറിലാണ് സംഭവിച്ചത്. ജൂലൈ മാസത്തിൽ പ്രിയങ്കക്ക് 18 വയസ്സ് പൂർത്തിയായി. ചുറ്റും എന്താണ് നടക്കുന്നത് എന്ന് തിരിച്ചറിയാൻ പോലുമുള്ള പ്രായം തനിക്കായിരുന്നില്ല എന്ന് പ്രിയങ്ക

എന്നാൽ പ്രിയങ്ക കിരീടം അണിഞ്ഞത് കണ്ടു എന്ന കാര്യത്തിൽ അമ്മായിയമ്മയ്ക്ക് തെല്ലും സംശയമില്ല. സൗന്ദര്യ മത്സരങ്ങൾ വീക്ഷിക്കുന്നതിൽ തല്പരനായിരുന്നു നിക്കിന്റെ പിതാവ് കെവിൻ സീനിയർ. അന്ന് നിക്ക് ഒരു ബ്രോഡ്‍വേ ഷോയിൽ പങ്കാളിയായിരുന്നു

അന്ന് നിക്കിന് കേവലം ഏഴ് വയസ്സ് മാത്രം. 2017 ലാണ് നിക്കും പ്രിയങ്കയും കണ്ടുമുട്ടുന്നത്. പിന്നെ പ്രണയത്തിന്റെ നാൾവഴികൾ. ശേഷം 2018 ഡിസംബറിൽ ഇവർ വിവാഹം ചെയ്തു. ആർഭാടം നിറഞ്ഞ വിവാഹമായിരുന്നു ഇവരുടേത്

പ്രിയങ്ക ചോപ്ര ജോനസ് ഒന്നിലധികം പ്രോജക്ടുകളിൽ ഭാഗമാണ്. ഏറ്റവും പുതിയ റൊമാന്റിക്-കോമഡി ചിത്രം, ജെയിംസ് സ്ട്രോസ് സംവിധാനം ചെയ്ത ലവ് എഗെയ്ൻ, മെയ് 12 ന് ഇന്ത്യൻ തിയേറ്ററുകളിൽ എത്തും