Priyanka Chopra| ഇൻസ്റ്റഗ്രാമിൽ നിന്ന് ഭർത്താവിന്റെ പേര് നീക്കം ചെയ്ത് പ്രിയങ്ക ചോപ്ര; പ്രതികരണവുമായി അമ്മ

സാമന്തയുടെ (Samantha) വഴി പ്രിയങ്കാ ചോപ്രയും (Priyanka Chopra)പിന്തുടരുകയാണോ എന്നായിരുന്നു താരത്തിന്റെ പുതിയ നീക്കം കണ്ട് ആരാധകർ അമ്പരന്നത്. നാഗചൈതന്യയുമായുള്ള (Naga Chaitanya) വിവാഹമോചനത്തിന് മുന്നോടിയായി സാമന്ത ഇൻസ്റ്റഗ്രാമിൽ നിന്നും ചൈതന്യയുടെ സർനെയിം നീക്കം ചെയ്തിരുന്നു. (image: instagram)

പ്രിയങ്ക ചോപ്രയും ഇൻസ്റ്റഗ്രാമിൽ നിന്ന് ഭർത്താവ് നിക്ക് ജോനാസിന്റെ (Nick Jonas)  പേര് നീക്കം ചെയ്തതോടെയാണ് ആരാധകർ ചോദ്യങ്ങളുമായി എത്തിയത്. നിക്കും പ്രിയങ്കയും തമ്മിലുള്ള ബന്ധത്തിൽ വിള്ളലുകളുണ്ടെന്ന് ഇതോടെ പ്രചരണവും ഉയർന്നു. (image: instagram)

ഇൻസ്റ്റഗ്രാമിൽ പ്രിയങ്ക ചോപ്ര ജോനാസ് എന്നായിരുന്നു പ്രിയങ്ക നൽകിയിരുന്നത്. ഇതിൽ ജോനാസ് എന്ന പേര് ഇപ്പോൾ കാണാനില്ല. ഇതോടെ പല തരത്തിലുള്ള വാർത്തകൾ പ്രചരിച്ചതോടെ പ്രതികരണവുമായി രംഗത്തെത്തിയിരിക്കുകയാണ് പ്രിയങ്കയുടെ അമ്മ മധു ചോപ്ര. (Image: Instagram)

പ്രിയങ്കയുടെ ദാമ്പത്യത്തിൽ വിള്ളലുകളില്ലെന്നും പ്രചരിക്കുന്ന വാർത്തകൾ തെറ്റാണെന്നുമാണ് മധു ചോപ്ര പ്രതികരിച്ചത്. അത്തരം വാർത്തകൾ വ്യാജമാണെന്നും കിംവദന്തികൾ പ്രചരിപ്പിക്കരുതെന്നും മധു ചോപ്ര ന്യൂസ് 18 ഡോട്ട് കോമിനോട് പ്രതികരിച്ചു. 2018 ലാണ് നിക്ക് ജോനാസും പ്രിയങ്ക ചോപ്രയും തമ്മിലുള്ള വിവാഹം നടക്കുന്നത്. സോഷ്യൽമീഡിയയിൽ പരസ്പരം ഒന്നിച്ചുള്ള ചിത്രങ്ങൾ ഇരുവരും പങ്കുവെക്കാറുമുണ്ടായിരുന്നു. (Image: Instagram)

അടുത്തിടെ തന്റെ ഏറ്റവും പ്രിയപ്പെട്ട ആഭരണം വിവാഹമോതിരമാണെന്നും പ്രിയങ്ക പറഞ്ഞിരുന്നു. ഇതിനെല്ലാം പിന്നാലെ താരം എന്തിനാണ് ജോനാസിന്റെ പേര് നീക്കം ചെയ്തത് എന്നാണ് ആരാധകർ ചോദിക്കുന്നത്. (Image: Instagram)

വോഗിന് നൽകിയ അഭിമുഖത്തിലായിരുന്നു തനിക്ക് സമ്മാനമായി ലഭിച്ചവയിൽ ഏറ്റവും പ്രിയപ്പെട്ട ആഭരണം നിക്ക് ജോനാസ് നൽകിയ വിവാഹ നിശ്ചയ മോതിരമാണെന്ന് പ്രിയങ്ക പറഞ്ഞത്. ഏകദേശം 26 ലക്ഷത്തിന് മുകളിലാണ് ഈ മോതിരത്തിന്റെ വില. (Image: Instagram)

അടുത്തിടെ നിക്കിനൊപ്പം ദീപാവലി ആഘോഷിച്ചതിന്റെ ചിത്രങ്ങളും പ്രിയങ്ക ഇൻസ്റ്റഗ്രാമിൽ പങ്കുവെച്ചിരുന്നു. ലോസ് ഏഞ്ചൽസിലെ സ്വന്തം വസതിയിൽ വെച്ചായിരുന്നു ആഘോഷങ്ങൾ. "ഞങ്ങളുടെ ആദ്യത്തെ സ്വന്തം വീട്ടിൽ വെച്ചുള്ള ആദ്യ ദീപാവലി ആഘോഷം" എന്നായിരുന്നു പ്രിയങ്ക അന്ന് ഇൻസ്റ്റയിൽ കുറിച്ചത്. (image: instagram)

ഏറ്റവും നല്ല ഭർത്താവ് എന്നായിരുന്നു നിക്കിനെ പ്രിയങ്ക വിശേഷിപ്പിച്ചിരുന്നത്. സ്വപ്നം യാഥാർത്ഥ്യമായതു പോലെയാണ് ഭർത്താവെന്നും പ്രിയങ്ക പറഞ്ഞിരുന്നു.