മലയാളി സൂപ്പർമോഡൽ പ്രിയങ്ക കരുണാകരന്റെ തുർക്കി അവധിക്കാല ചിത്രങ്ങൾ

കേരളത്തിൽ വേരുകളുള്ള ഇന്ത്യൻ സൂപ്പർ മോഡൽ പ്രിയങ്ക കരുണാകരൻ (Priyanka Karunakaran Supermodel) ദേശീയ, അന്തർദേശീയ മോഡലിംഗ് രംഗത്ത് തന്റേതായ സ്ഥാനം ഉറപ്പിച്ചു കഴിഞ്ഞു. നെറ്റ്ഫ്ലിക്സിലെ ഹീസ്റ്റ്-ഹൈജാക്ക് ത്രില്ലർ 'ചോർ നികൽ കെ ഭാഗ' എന്ന ചിത്രത്തിലാണ് അവർ ആദ്യമായി അഭിനയിച്ചത്. ഇതിലെ പ്രകടനം നിരൂപക പ്രശംസ പിടിച്ചുപറ്റിയിരുന്നു. പ്രിയങ്ക അടുത്തിടെ തുർക്കിയിൽ വെക്കേഷൻ കൊണ്ടാടിയതിന്റെ വിശേഷങ്ങൾ സോഷ്യൽ മീഡിയയിൽ പങ്കിട്ടിരുന്നു

ഒട്ടേറെ പ്രധാന ഇവന്റുകളിൽ ക്യാറ്റ് വാക് ചെയ്ത പ്രിയങ്ക, നിരവധി മാഗസിൻ കവറുകളിൽ പ്രത്യക്ഷപ്പെട്ടിട്ടുണ്ട്. വിവിധ ഉന്നത കോർപ്പറേറ്റ് ബ്രാൻഡുകളുടെ ഭാഗമാണ് പ്രിയങ്ക. കൂടാതെ കിംഗ്ഫിഷർ കലണ്ടറിലും പ്രത്യക്ഷപ്പെട്ടു (തുടർന്ന് വായിക്കുക)

കരിയറിലെ നേട്ടങ്ങൾക്ക് പുറമേ, ജീവകാരുണ്യ പ്രവർത്തനങ്ങൾക്കും പ്രിയങ്ക പ്രശസ്തയാണ്. സമൂഹത്തെ മെച്ചപ്പെടുത്താൻ ശ്രമിക്കുന്ന നിരവധി സംഘടനകളിൽ അവർ സജീവമാണ്

കൂടാതെ സ്ത്രീ ശാക്തീകരണവുമായി ബന്ധപ്പെട്ട കാര്യങ്ങളിൽ പ്രിയങ്ക ശക്തമായ പിന്തുണ നൽകുന്നു

തുർക്കിയിലേക്കുള്ള അവധിക്കാലത്തിനുശേഷം, പ്രിയങ്ക മറ്റുള്ളവർക്കും വെക്കേഷൻ കൊണ്ടാടാൻ പ്രചോദനം നൽകുകയാണ്. തുർക്കിയെക്കുറിച്ച് പ്രിയങ്ക പറയുന്നത് കേൾക്കാം

'തുർക്കി ഒരു വലിയ രാജ്യമാണ്, അതിനാൽ വിവിധ ഭൂപ്രദേശങ്ങൾ പര്യവേക്ഷണം ചെയ്യാൻ ഞാൻ 15 ദിവസമെടുത്തു. പുരാതന വാസ്തുവിദ്യ മുതൽ മറഞ്ഞിരിക്കുന്ന ഭൂഗർഭ വീടുകൾ വരെ, ഗുഹയിലെ ഹോട്ടലുകളിൽ താമസിക്കുന്നത് മുതൽ ഫെയറി ചിമ്മിനികൾ പര്യവേക്ഷണം ചെയ്യുന്നത് വരെ, ടർക്കിഷ് റിവിയേര മുതൽ ഈജിയൻ കടൽ അനുഭവിച്ചറിയുന്നത് വരെ, ഈ രാജ്യം എന്റെ മനസ്സിനെ സ്വാധീനിച്ചു'

ഞാൻ ഇസ്താംബൂളിൽ തുടങ്ങി വിവിധ മസ്ജിദുകളും വാസ്തുവിദ്യകളും കണ്ടു. കൂടാതെ പരമ്പരാഗത ഹമാം കേന്ദ്രവും സന്ദർശിച്ചു. കപ്പഡോഷ്യ ശരിക്കും കാവ്യാത്മകമാണ്. മോശം കാലാവസ്ഥ കാരണം എനിക്ക് ഹോട്ട് എയർ ബലൂൺ നഷ്ടമായെങ്കിലും ഫെയറി ചിമ്മിനികളും ഗുഹകളും ഭൂഗർഭ നഗരങ്ങളും അനുഭവിച്ചറിയാൻ സാധിച്ചു എന്ന് പ്രിയങ്ക

മൊത്തത്തിൽ ഈ യാത്രയിൽ സാഹസികത, ബീച്ചുകൾ, ഗുഹകൾ, ചരിത്രം, പർവതങ്ങൾ എന്നിവയും ഇസ്താംബൂളിൽ നിന്നുള്ള ഷോപ്പിംഗും ചേർന്നതായിരുന്നു എന്ന് പ്രിയങ്ക