ഉലകനായകാ, പെങ്ങടെ മോൻ എടുത്ത പടമാ, എങ്ങനുണ്ട്? കമൽ ഹാസന് ഫോട്ടോ സമ്മാനിച്ച് രാഹുൽ ഗാന്ധി

അടുത്തിടെ ഒരു രാഷ്ട്രീയ ചർച്ചാ പരിപാടിയിൽ രാഹുൽ ഗാന്ധിയും (Rahul Gandhi) ഉലകനായകൻ കമൽ ഹാസനും (Kamal Haasan) പങ്കെടുക്കുകയുണ്ടായി. രാഹുൽ ഗാന്ധി യൂട്യൂബിൽ അപ്‌ലോഡ് ചെയ്ത വീഡിയോയിൽ അദ്ദേഹം കമലിന് ഒരു ചിത്രം സമ്മാനിക്കുന്നുമുണ്ട്. വലിയ പോർട്രെയ്റ്റിൽ ഒരു കടുവ നദിക്കരയിൽ വെള്ളം കുടിക്കുന്ന രംഗമാണ് ഉള്ളത്. രാഹുലിന് ഏറ്റവും പ്രിയപ്പെട്ടൊരാൾ ക്ലിക്ക് ചെയ്ത ചിത്രമാണിത്

സഹോദരി പ്രിയങ്ക ഗാന്ധിയുടെയും റോബർട്ട് വാദ്രയുടെയും മകൻ റെയ്‌ഹാൻ വാദ്ര ഒരു ഫോട്ടോഗ്രാഫറാണ് എന്ന് വീഡിയോയുടെ തുടക്കത്തിൽ പറയുന്നുണ്ട്. അത് കമലിന് നൽകണം എന്ന് താൻ നിർബന്ധം പിടിച്ചെന്ന് രാഹുൽ (തുടർന്ന് വായിക്കുക)

'എന്റെ അനന്തരവൻ ഒരു ഫോട്ടോഗ്രാഫറാണ്. എന്റെ സുഹൃത്ത് കമൽഹാസന് എനിക്ക് ഒരു സമ്മാനം നൽകണം. നിന്റെ ചിത്രങ്ങളിലൊന്ന് തരൂ എന്ന് ഞാൻ പറഞ്ഞു.' എന്താണ് കൊണ്ടുവന്നതെന്ന് ഊഹിക്കാമോ എന്ന് രാഹുൽ

അറിയില്ല എന്ന് പറഞ്ഞതും, എന്നാൽ അതൊന്നു നോക്കാമെന്നായി രാഹുൽ. ഉടൻ തന്നെ കടുവ വെള്ളം കുടിക്കുന്ന ചിത്രമുള്ള ക്യാൻവാസ് രാഹുൽ അനാവരണം ചെയ്തു. ഈ ചിത്രത്തിൽ ഒരു സന്ദേശമുണ്ടെന്നും രാഹുൽ

ജീവിതത്തോടുള്ള നിങ്ങളുടെ സമീപനത്തെക്കുറിച്ചും മനോഭാവത്തെക്കുറിച്ചും ഇത് പറയുന്നു. നിങ്ങൾ ഒരു മികച്ച ഇന്ത്യക്കാരനും മികച്ച ചാമ്പ്യനുമാണെന്ന വസ്തുതയാണ് ചിത്രത്തിൽ അടങ്ങിയിട്ടുള്ളത് എന്ന് രാഹുൽ

2018ൽ മക്കൾ നീതി മയ്യം എന്ന പാർട്ടി രൂപീകരിച്ചാണ് കമൽഹാസൻ രാഷ്ട്രീയത്തിലേക്ക് പ്രവേശിച്ചത്. ലോകേഷ് കനകരാജ് സംവിധാനം ചെയ്ത വിക്രം എന്ന ചിത്രത്തിലാണ് കമൽ ഹാസൻ അവസാനമായി വേഷമിട്ടത്. ഇത് അഭിനയ ലോകത്തേക്കുള്ള അദ്ദേഹത്തിന്റെ തിരിച്ചുവരവ് അടയാളപ്പെടുത്തിയ ചിത്രമായിരുന്നു