Rakhi Sawant | മാധ്യമങ്ങൾക്കു മുന്നിൽ പൊട്ടിക്കരഞ്ഞ് രാഖി; ഭർത്താവിന്റെ വീട്ടിൽ പ്രശ്നമെന്ത്?

നടി രാഖി സാവന്തും (Rakhi Sawant) ആദിൽ ഖാൻ ദുറാനിയും തമ്മിലെ വിവാഹം നടന്ന വിവരം കഴിഞ്ഞ കുറച്ചു ദിവസങ്ങളായി വാർത്തകളിൽ നിറഞ്ഞിട്ടുണ്ട്. വിവാഹം ചെയ്യാനായി രാഖി മതം മാറി എന്നും, ഫാത്തിമ എന്ന് പേര് സ്വീകരിച്ചതായും വിവരം പുറത്തുവന്നിരുന്നു. കുറച്ചു നാളുകളായി ആദിലും രാഖിയും പ്രണയത്തിലാണ്. 2022ലായിരുന്നു ഇവരുടെ വിവാഹം

എന്നാൽ വിവാഹം കഴിഞ്ഞതിന്റെ സന്തോഷത്തിലല്ല രാഖി. മാധ്യമങ്ങൾക്കു മുൻപിൽ നടി പൊട്ടിക്കരഞ്ഞുകൊണ്ട്‌ രംഗത്തെത്തിയിരിക്കുകയാണ്. വിവാഹജീവിതം അത്ര സുഖകരമല്ല എന്ന സൂചനയാണ് ഈ വീഡിയോ നൽകുന്നത്. വിവാഹശേഷമുള്ള രാഖിയുടെ അവസ്ഥയെന്തെന്ന് റിപോർട്ടുകൾ പുറത്തുവന്നു കഴിഞ്ഞു (തുടർന്ന് വായിക്കുക)

ഭർത്താവ് ആദിൽ തങ്ങളുടെ വിവാഹം കഴിഞ്ഞു എന്ന് അംഗീകരിക്കുന്നില്ല എന്നായിരുന്നു രാഖിയുടെ ആദ്യത്തെ ആരോപണം. അതിനു ശേഷം താരം വിവാഹം രജിസ്റ്റർ ചെയ്ത രേഖയും, വിവാഹ വീഡിയോയും സഹിതം സോഷ്യൽ മീഡിയയിൽ പോസ്റ്റ് ചെയ്‌തു

തന്റെയും രാഖിയുടെയും വിവാഹം കഴിഞ്ഞ വിവരം അറിഞ്ഞാൽ, സഹോദരിയുടെ കല്യാണാലോചന മുന്നോട്ടു പോകില്ല എന്നായിരുന്നു രാഖിയുടെ ഭർത്താവ് ആദിൽ പറഞ്ഞതത്രെ. എന്നാൽ ഇപ്പോൾ പ്രശ്നം അതിനേക്കാളുമേറെ സങ്കീർണമായിരിക്കുകയാണ്

രാഖിയെ വിവാഹം ചെയ്തതായി ആദിൽ സമ്മതിച്ചു കഴിഞ്ഞു. “രാഖിയും ഞാനും വിവാഹിതരാണ്. ഞങ്ങൾ ഒരുമിച്ചു, സന്തോഷത്തോടെയാണ് ജീവിക്കുന്നത്." തന്റെ കുടുംബം രാഖിയെ സ്വീകരിച്ചോ എന്ന ചോദ്യത്തിന് ആദിൽ നൽകിയ മറുപടിയുമുണ്ട്

'ആ പ്രക്രിയ നടന്നുകൊണ്ടിരിക്കുകയാണ്. കുറച്ച് സമയമെടുക്കും,' ആദിൽ പറഞ്ഞു. തന്റെ ബന്ധത്തെക്കുറിച്ച് കുടുംബത്തിന് അറിയാമെങ്കിലും രാഖിയെ സ്വീകരിക്കാൻ അവരെ പ്രേരിപ്പിക്കുക എന്നത് ഇപ്പോഴും നടന്നു വരുന്ന കാര്യമാണെന്ന് അദ്ദേഹം പ്രതികരിച്ചു

വിവാഹ ശേഷം വിഹാഹ സർട്ടിഫിക്കറ്റുമായി രാഖി സാവന്തും ഭർത്താവും