Rakhi Sawant | നടി രാഖി സാവന്ത് ആദിൽ ഖാനുമായുള്ള വിവാഹത്തിനായി മതം മാറിയോ?

എന്നും വിവാദങ്ങളിൽ ആറാടുന്ന താരമാണ് ബോളിവുഡ് നടിയും നർത്തകിയുമായ രാഖി സാവന്ത് (Rakhi Sawant). രാഖിയുടെ വിവാഹം, പ്രണയം എല്ലാം തന്നെ ചൂടുപിടിച്ച ചർച്ചകൾക്ക് വഴിയൊരുക്കിയിട്ടുണ്ട്. ബിസിനെസ്സ്കാരനുമായി വിവാഹം ചെയ്തു എന്ന് മുൻപൊരിക്കൽ പ്രഖ്യാപിച്ച രാഖി, ഒരിക്കലും ഭർത്താവിന്റെ മുഖം കാണിച്ചിട്ടില്ല. ടി.വി. ഷോയിലെത്തിയ ശേഷം അദ്ദേഹവുമായി ബന്ധം പിരിഞ്ഞു എന്നും രാഖി പറയുകയുണ്ടായി

വീണ്ടും വിവാഹിതയായി എന്ന് രാഖി ഇൻസ്റ്റഗ്രാം പോസ്റ്റിലൂടെ വ്യക്തമാക്കി. കാമുകനായിരുന്ന ആദിൽ ഖാനാണ് രാഖിയുടെ ഭർത്താവെന്നും, വിവാഹം 2022 മെയ് മാസത്തിൽ നടന്നിരുന്നു എന്നും രാഖി വിവാഹ രജിസ്‌ട്രേഷൻ സർട്ടിഫിക്കറ്റ് ഉൾപ്പെടെ പോസ്റ്റ് ചെയ്തുകൊണ്ട് അറിയിച്ചു. എന്നാൽ ആദിലിനെ വിവാഹം ചെയ്യാൻ രാഖി മതം മാറിയോ എന്നാണ് മറ്റൊരു ചർച്ച (തുടർന്ന് വായിക്കുക)

നിക്കാഹ് കഴിഞ്ഞ ശേഷം നിയമപരമായുള്ള കോർട്ട് വെഡ്ഡിംഗും നടത്തി എന്നാണ് വിവരം. മുതിർന്നവരുടെ സാന്നിധ്യത്തിൽ, രാഖിയും ആദിലും പരസ്പരം ഹാരം ചാർത്തി. വിവാഹം നടന്ന വിവരം പരസ്യമാക്കേണ്ട എന്ന് ആദിലിന് നിർബന്ധമായിരുന്നു എന്നും രാഖി

വിവാഹ സർട്ടിഫിക്കറ്റിൽ രാഖി അനന്ത് സാവന്ത് എന്നാണ് നടിയുടെ പേര് കാണാവുന്നത്. എന്നാലിവർ രാഖി സാവന്ത് ഫാത്തിമ എന്ന് പേര് മാറ്റി എന്നാണ് ചില റിപ്പോർട്ടുകളിലെ പരാമർശം

തന്റെ വിവാഹത്തെക്കുറിച്ചറിഞ്ഞാൽ, ആദിലിന്റെ സഹോദരിയുടെ വിവാഹത്തിന് വരനെ കണ്ടുപിടിക്കാൻ പ്രയാസമാകും എന്ന നിലപാടിലായിരുന്നത്രേ ആദിൽ. ഇപ്പോൾ വിവാഹം നടന്ന വിവരം ആദിൽ നിഷേധിക്കുകയാണ് എന്നും രാഖി പറഞ്ഞു

'അടുത്തിടെ ബിഗ് ബോസ് മറാത്തി 4 ഹൗസിനുള്ളിൽ പൂട്ടിയിട്ടിരിക്കുമ്പോൾ പലതും സംഭവിച്ചു. സമയമാകുമ്പോൾ ഞാൻ സംസാരിക്കും. ഈ ഘട്ടത്തിൽ, എന്റെ ദാമ്പത്യം സംരക്ഷിക്കാൻ ഞാൻ ആഗ്രഹിക്കുന്നു...

'ഞാൻ ആദിലിനെ വിവാഹം കഴിച്ചുവെന്ന് ലോകം അറിയണമെന്ന് ഞാൻ ആഗ്രഹിക്കുന്നു,' രാഖി ഇ-ടൈംസിനോട് പറഞ്ഞു