Rakhi Sawant | ആ ബന്ധം കഴിഞ്ഞു; രാഖി സാവന്ത് വിവാഹമോചിതയാവുന്നു

നടി രാഖി സാവന്തും (Rakhi Sawant) ഭർത്താവ് ആദിൽ ഖാൻ ദുറാനിയും (Adil Khan Durrani) വിവാഹമോചിതരാവുന്നു. ഭർത്താവും താനും ഒരിക്കലും വിവാഹമോചനം ചെയ്യില്ല എന്ന് പറഞ്ഞ് ഒരു മാസം പിന്നിടുമ്പോഴാണ് രാഖി ഇങ്ങനെ ഒരു തീരുമാനം എടുത്തത്. ആരുടേയും പേരെടുത്തു പരമാർശം നടത്തിയില്ലെങ്കിലും, ആദിൽ അയാൾക്കിഷ്‌ടമുള്ള ആരെ വേണമെങ്കിലും വിവാഹം ചെയ്യട്ടെ എന്ന് രാഖി

'എന്റെ സന്തോഷത്തിന്റെ രഹസ്യം എന്തെന്നറിയുമോ? ഞാൻ വിവാഹമോചനം നേടുകയാണ്, ഞാൻ ഇപ്പോൾ സ്വതന്ത്രയാണ്. ജീവിതത്തിൽ ചില കാര്യങ്ങൾ ഉപേക്ഷിച്ച് മുന്നോട്ട് പോകേണ്ടതായുണ്ട്,' എന്തുകൊണ്ടാണ് സന്തോഷവതിയായി കാണപ്പെടുന്നതെന്ന് ചോദിച്ചപ്പോൾ രാഖി മുംബൈയിൽ മാധ്യമങ്ങളോട് പറഞ്ഞ മറുപടിയാണിത് (തുടർന്ന് വായിക്കുക)

ഈ വർഷമാദ്യം രാഖി ആദിലുമായുള്ള വിവാഹം നടന്നതായി പ്രഖ്യാപിച്ചു. കഴിഞ്ഞ വർഷമായിരുന്നു വിവാഹം എന്നാണ് രാഖി പറഞ്ഞത്. ഏതാനും ആഴ്ചകൾക്ക് ശേഷം, ആദിൽ പണം ദുരുപയോഗം ചെയ്‌തെന്നും തന്നെ ഗാർഹിക പീഡനം നടത്തിയെന്നും ആരോപിച്ച് രാഖി ആദിലിനെതിരെ എഫ്‌ഐആർ ഫയൽ ചെയ്തു

തന്നെ വഞ്ചിച്ചെന്നും അവർ അവകാശപ്പെട്ടു. ഫെബ്രുവരിയിലാണ് ആദിൽ അറസ്റ്റിലായത്. ഒട്ടേറെ ആരോപണങ്ങളുമായി രാഖി പലപ്പോഴായി മാധ്യമങ്ങൾക്കു മുന്നിലെത്തി

വൈറലായ ഒരു പാപ്പരാസി വീഡിയോയിൽ രാഖി തന്റെ ഫോണിൽ ആദിലിനെ വിവാഹമോചനം ചെയ്യില്ലെന്ന് ഉച്ചത്തിൽ വിളിച്ചുപറയുന്ന രംഗമുണ്ട്. ആദിലുമായി ഒരു കോളിലാണെന്ന് തോന്നിക്കുന്ന വീഡിയോ ആയിരുന്നു അത്

രാഖിയുടെ ആരോപണങ്ങൾ മാത്രമല്ല ആദിൽ നേരിടുന്നത്. കഴിഞ്ഞ മാസം മൈസൂരിൽ ഒരു ഇറാനിയൻ വിദ്യാർത്ഥി ബലാത്സംഗം ചെയ്തു എന്ന് ആരോപിച്ചതിനെ തുടർന്ന് ഇയാൾക്കെതിരെ എഫ്‌ഐആർ രജിസ്റ്റർ ചെയ്തിരുന്നു

ഒരു വെബ് സീരീസ് ചിത്രീകരണത്തിനായി താൻ ഉടൻ ലഖ്‌നൗവിലേക്ക് പോകുമെന്നും, തനിക്കും ടീമിനും സബ്‌സിഡി നൽകാനും സുരക്ഷ നൽകാനും ഉത്തർപ്രദേശിലെ സംസ്ഥാന സർക്കാരിനോട് ആവശ്യപ്പെട്ടതായും രാഖി മാധ്യമങ്ങളോട് പറഞ്ഞു. വെബ് സീരീസിൽ അഭിനയിക്കുന്ന രവി കിഷനുമായി തന്റെ ആവശ്യങ്ങൾ ചർച്ച ചെയ്തിട്ടുണ്ടെന്നും അവർ കൂട്ടിച്ചേർത്തു