Ranbir Kapoor | ഇത്രേം വിലയുള്ള വാച്ച് ഉണ്ടോ! രൺബീറിന് അമ്മായിയമ്മയുടെ വക സമ്മാനം

മഹേഷ് ഭട്ട്, സോണി റസ്ദാൻ ദമ്പതികളുടെ മകൾ ആലിയ ഭട്ടും (Alia Bhatt), ഋഷി കപൂർ, നീതു സിംഗ് ദമ്പതികളുടെ പുത്രൻ രൺബീർ കപൂറും (Ranbir Kapoor) തമ്മിലെ ആര്ഭാടപൂർവ്വമായ വിവാഹത്തിനാണ് കഴിഞ്ഞ ദിവസം ബോളിവുഡ് സാക്ഷ്യം വഹിച്ചത്. രാജകീയ പ്രൗഢിയോടെയായിരുന്നു വിവാഹം. വിവാഹത്തിൽ വധൂവരന്മാരുടെ തയ്യാറെടുപ്പും, ഭക്ഷണവും ഒരുക്കങ്ങളുമെല്ലാം അതീവ ആര്ഭാടത്തോട് കൂടിയായിരുന്നു

ഫെറാസിന് പുറമേ, ആലിയയും രൺബീറും മോതിരം കൈമാറി. കപൂറിന് ഒരു ബാൻഡ് ലഭിച്ചപ്പോൾ ഭട്ടിന് ഒരു ഡയമണ്ട് മോതിരം ലഭിച്ചു. കൂടാതെ, ആലിയയുടെ അമ്മ നടി സോണി റസ്ദാൻ തന്റെ മരുമകൻ രൺബീർ കപൂറിന് വളരെ വിലയേറിയ വാച്ച് സമ്മാനമായി നൽകി, അത് എളുപ്പത്തിൽ ലഭ്യമല്ലാത്ത ഒരു ബ്രാൻഡിൽ നിന്നുള്ളതാണ്. ഇതിന്റെ വിലയാണ് ഇപ്പോൾ സോഷ്യൽ മീഡിയയെ അമ്പരപ്പിച്ചത് (തുടർന്ന് വായിക്കുക)

ആചാരങ്ങളും പാരമ്പര്യങ്ങളും അനുസരിച്ച്, വിവാഹത്തിൽ പങ്കെടുത്ത അതിഥികൾക്ക് വധു പ്രത്യേകം തിരഞ്ഞെടുത്ത കാശ്മീരി ഷാളുകളുടെ രൂപത്തിൽ സമ്മാനങ്ങൾ നൽകുകയും ചെയ്‌തു. "ഈ ഷാളുകളുടെ മെറ്റീരിയൽ അവിശ്വസനീയമാംവിധം മികച്ചതായിരുന്നു, എല്ലാവരും അതുകണ്ട് അതിശയിച്ചു," ഹിന്ദുസ്ഥാൻ ടൈംസ് റിപ്പോർട്ടിൽ പറയുന്നു

സോണി മരുമകന് നൽകിയ വാച്ചിന് ഏകദേശം 2.50 കോടി രൂപ ചിലവാകും എന്ന്  റിപ്പോർട്ടിൽ പറയുന്നു

കപൂറിൽ നിന്ന് 11.5 കോടി രൂപ ആവശ്യപ്പെട്ട ഭട്ടിന്റെ സുഹൃത്ത് സംഘവുമായി ജൂട്ട ചുപൈ ആചാരം തികച്ചും രസകരമായ ഒരു കാര്യമായി മാറിയെന്ന് മറ്റൊരു സ്ത്രോതസ് പങ്കിടുന്നു. "ഒടുവിൽ ഒരു ലക്ഷം രൂപ അടങ്ങിയ ഒരു കവർ അവർക്ക് നൽകി," എന്ന് റിപ്പോർട്ടിൽ പറയുന്നു

ആലിയയുടെ ഹൽദി ചടങ്ങ് വ്യാഴാഴ്ച രാവിലെ നടന്നിരുന്നു. എന്നാൽ താരം പരമ്പരാഗത ചൂഡ ആചാരം ഒഴിവാക്കി. വധു കുറഞ്ഞത് 40 ദിവസം മുതൽ ഒരു വർഷം വരെ ചൂഡ ധരിക്കേണ്ടതുണ്ട്. അതിനുള്ള കാരണവും വ്യക്തമാണ്

“ആലിയ ഉടൻ തന്നെ അടുത്ത സിനിമയുടെ ചിത്രീകരണം ആരംഭിക്കും. അത് മിക്കവാറും ഹോളിവുഡ് താരം ഗാൽ ഗാഡോട്ടിനൊപ്പമുള്ള ഹോളിവുഡ് അരങ്ങേറ്റമായിരിക്കും. അതിനാൽ അവർക്ക് തൽക്കാലം ചൂഡ ധരിക്കാൻ കഴിയില്ല,” ഉറവിടം വ്യക്തമാക്കി