ഇന്നും നീ ഇത്രയും നിഷ്കളങ്കൻ ആയിരുന്നെങ്കിൽ! തന്നെ പോലെ നായസ്നേഹിയായ അനുജന് പിറന്നാൾ ആശംസയുമായി ചേച്ചി

നായസ്നേഹത്തിന്റെ കാര്യത്തിൽ ഒരുപോലെയുള്ള ഒരു ചേച്ചിയും അനുജനും. കുഞ്ഞായിരിക്കുമ്പോൾ തെരുവിൽ നിന്നുമെടുത്ത് അച്ഛൻ സമ്മാനിച്ച നായക്കുട്ടിയെ പരിപാലിച്ചാണ് ഇവരുടെ മൃഗസ്നേഹം ആരംഭിച്ചത്. അവരിൽ അനുജന്റെ ജന്മദിനമാണ്. കുട്ടിക്കാലത്ത് ഒരു വെളുത്ത പട്ടികുട്ടിക്കൊപ്പം ഇരിക്കുന്ന തന്റെ അനുജന്റെ ചിത്രം പോസ്റ്റ് ചെയ്തുകൊണ്ടാണ് ചേച്ചിയുടെ ആശംസ

ഈ പിറന്നാളിന് കുടുംബത്തിൽ ഒരാൾകൂടിയുണ്ട് എന്ന ബോധ്യവുമുണ്ട് ആ പോസ്റ്റിന് പിന്നിൽ. അനുജന്റെ ഭാര്യയെക്കൂടി ടാഗ് ചെയ്താണ് പിറന്നാൾ ആശംസ. അന്ന് അച്ഛൻ സമ്മാനിച്ച ആ നായക്കുട്ടിക്കൊപ്പമുള്ള ഇവരുടെ കുട്ടിക്കാല ചിത്രമാണിത് (തുടർന്ന് വായിക്കുക)

കുറച്ചുവര്ഷങ്ങൾക്ക് മുൻപ് 'എന്റെ തോളിൽ തൂങ്ങുന്ന കുട്ടിക്കുരങ്ങൻ' എന്നാണ് അനുജൻ ശ്രീപ്രിയന് ലഭിച്ച വിശേഷണമെങ്കിൽ, ഇക്കുറി 'അന്നത്തെപ്പോലെ ഇന്നും നീ നിഷ്കളങ്കൻ ആയിരുന്നെങ്കിൽ' എന്നാണ് രഞ്ജിനി ഹരിദാസ് നൽകുന്ന വിശേഷണം

രഞ്ജിനിയുടെ ജന്മദിനാഘോഷം പലപ്പോഴും അമ്മയ്ക്കും അനിയനുമൊപ്പമാകും. പോയ വർഷം ഡിസംബറിൽ രഞ്ജിനി കാരണവരുടെ സ്ഥാനത്തു നിന്നുകൊണ്ട് അനുജന്റെ വിവാഹം നടത്തിക്കൊടുത്തിരുന്നു

കൊറിയോഗ്രഫറായ ബ്രീസ് ജോർജ് ആണ് രഞ്ജിനിയുടെ അനുജൻ ശ്രീപ്രിയന്റെ ഭാര്യ. കൂട്ടുകാരൻ ശരത് പുളിമൂടും, അടുത്ത സുഹൃത്തായ രഞ്ജിനി ജോസിനുമൊപ്പം ഈ ചിത്രത്തിൽ ശ്രീപ്രിയനെയും ബ്രീസ് ജോർജിനെയും കാണാം

രഞ്ജിനി ഹരിദാസിന്റെ സഹോദരൻ ശ്രീപ്രിയനും സഹോദര ഭാര്യ ബ്രീസ് ജോർജും വിവാഹവേളയിൽ. ഇവർ ഹിന്ദു, ക്രിസ്ത്യൻ ആചാരങ്ങൾ പ്രകാരം വിവാഹ ചടങ്ങുകൾ നടത്തിയിരുന്നു