എഞ്ചിനീയറിംഗ് കോളേജ് വഴി മലയാള സിനിമയ്ക്ക് ലഭിച്ച പ്രതിഭ ഈ കുട്ടിക്കാല ചിത്രത്തിലുണ്ട്

അഞ്ച് കുട്ടികൾ ചേർന്നുള്ള അസുലഭ ബാല്യകാലത്തിന്റെ ചിത്രമാണ് നിങ്ങൾക്ക് മുന്നിൽ. കൂട്ടത്തിൽ ഒരാൾ മലയാള സിനിമയ്ക്ക് ലഭിച്ച പ്രതിഭയാണ്. എഞ്ചിനീയറിംഗ് പഠനം വഴി മലയാള സിനിമയ്ക്ക് ലഭിച്ച അനവധിപ്പേരിൽ ഒരാളാണ് ഇദ്ദേഹം. കുട്ടികളുടെ കൂട്ടത്തിൽ നിൽക്കുന്ന ഉയരമുള്ള ആ ആൺകുട്ടി പിൽക്കാലത്ത് മലയാള സിനിമയ്ക്ക് ഓർക്കാവുന്ന ഒരുപിടി ചിത്രങ്ങൾ സമ്മാനിച്ചു

ജയസൂര്യയുമായുള്ള ഇദ്ദേഹത്തിന്റെ കൂട്ടുകെട്ടാണ് ഇതിൽ ശ്രദ്ധേയം. കോതമംഗലത്തെ മാർ അത്തനേഷ്യസ് കോളേജിലാണ് ഇദ്ദേഹം പഠനം പൂർത്തിയാക്കിയത്. ഇവിടെ നിന്നും ബി.ടെക് സിവിൽ എഞ്ചിനീയറിംഗ് ബിരുദം നേടുകയുണ്ടായി (തുടർന്ന് വായിക്കുക)

പഠിച്ച കോളേജിലെ വിദ്യാർത്ഥി ജീവിതം പ്രമേയമാക്കി രഞ്ജിത്ത് ശങ്കർ 'ഫോർ ഇയേഴ്സ്' എന്ന സിനിമ ഒരുക്കി. ഇതിൽ സർജാനോ ഖാലിദ്, പ്രിയ പ്രകാശ് വാര്യർ എന്നിവർ നായികാ നായകന്മാരായി

2009ൽ പുറത്തിറങ്ങിയ 'പാസഞ്ചർ' എന്ന ത്രില്ലർ ചിത്രത്തിലൂടെയാണ് അദ്ദേഹം തന്റെ സിനിമാ ജീവിതം ആരംഭിച്ചത്. അർജുനൻ സാക്ഷി (2011), മോളി ആന്റി റോക്ക്‌സ് (2012), പുണ്യാളൻ അഗർബത്തീസ് (2013), വർഷം (2014), സു.. സു... സുധി വാത്മീകം (2015), പ്രേതം (2016) തുടങ്ങിയ സിനിമകൾ പിന്നീടുണ്ടായി

രാമന്റെ ഏദൻ തോട്ടം (2017), പുണ്യാളൻ പ്രൈവറ്റ് ലിമിറ്റഡ് (2017), ഞാൻ മേരിക്കുട്ടി (2018) പ്രേതം 2 (2018), കമല (2019), സണ്ണി (2021) തുടങ്ങിയ സിനിമകളും അദ്ദേഹത്തിന്റേതായുണ്ടായി. ഇതിൽ 'സണ്ണി' ലോക്ക്ഡൗൺ നാളിലെ ഒ.ടി.ടി. റിലീസ് ആയിരുന്നു

അതിനു ശേഷം അദ്ദേഹം തന്റെ പ്രൊഡക്ഷൻ ഹൗസ് ആയ ഡ്രീംസ് എൻ ബിയോണ്ടും പുണ്യാളൻ സിനിമാസും ആരംഭിച്ചു