Ranveer Singh | കോടികൾ പൊടിച്ച് മുംബൈയിലെ ഏറ്റവും വിലകൂടിയ ഫ്ലാറ്റ് സ്വന്തമാക്കി രൺവീർ സിംഗ്

‘പത്മാവത്’, ‘ഗല്ലി ബോയ്’ തുടങ്ങിയ ചിത്രങ്ങളുടെ വിജയത്തിളക്കത്തിലാണ് നടൻ രൺവീർ സിംഗ് (Ranveer Singh). കുറച്ച് വർഷങ്ങൾക്ക് മുമ്പ് ദീപിക പദുകോണിനെ (Deepika Padukone) വിവാഹം കഴിച്ച താരത്തിന് ഭാര്യ ഒരു ഭാഗ്യമായെത്തി എന്നും പലരും അവകാശപ്പെടുന്നു. തന്റെ ജീവിതത്തിലെ ‘ലക്ഷ്മി’യാണ് ദീപിക പദുക്കോണെന്ന് താരം അടുത്തിടെ ഒരു പരിപാടിയിൽ പറഞ്ഞിരുന്നു. ഇപ്പോൾ മറ്റൊരു വലിയ സന്തോഷത്തിലാണ് ഈ താരദമ്പതികൾ

മുംബൈയിലെ ഏറ്റവും വിലപിടിപ്പുള്ള വീട് രൺവീർ വാങ്ങിയതായി റിപ്പോർട്ട് ചെയ്യപ്പെട്ടിട്ടുണ്ട്. ബാന്ദ്ര വെസ്റ്റിലെ ബാൻഡ്‌സ്റ്റാൻഡിലെ സാഗർ രേഷം എന്ന കെട്ടിടത്തിൽ രൺവീർ സിംഗ് പിതാവിനൊപ്പം 16, 17, 18, 19 നിലകൾ വാങ്ങിയിട്ടുണ്ട്. ഇതിന്റെ വിലയാണ് ഇപ്പോഴത്തെ ചർച്ചാ വിഷയം (തുടർന്ന് വായിക്കുക)

നിലവിൽ രൺവീർ സിംഗ് ഭാര്യ ദീപിക പദുകോണിനൊപ്പം മുംബൈയിലെ പ്രഭാദേവി പ്രദേശത്താണ് താമസം. ദമ്പതികൾ നടന്റെ കുടുംബത്തോടൊപ്പം ഈ വിലയേറിയ അപ്പാർട്ട്മെന്റിലേക്ക് താമസിയാതെ മാറുമെന്ന് തോന്നുന്നു. ബോളിവുഡ് താരം ഷാരൂഖ് ഖാന്റെ അപ്പാർട്ട്മെന്റ് നടന്റെ ബംഗ്ലാവിന് സമീപമായതിനാൽ താരം ഉടൻ തന്നെ അയൽവാസിയായി മാറും

രൺവീർ സിംഗും പിതാവും ഡയറക്ടർമാരായ ഓ ഫൈവ് ഓ മീഡിയ വർക്ക്‌സ് എൽഎൽപി എന്ന കമ്പനിയാണ് ബാന്ദ്രയിൽ ഈ വിലകൂടിയ ക്വാഡ്രപ്ലെക്‌സ് വാങ്ങിയത്

അവർ അടച്ച സ്റ്റാമ്പ് ഡ്യൂട്ടി 7.13 കോടി രൂപയാണെന്നും ടൈംസ് ഓഫ് ഇന്ത്യ വെളിപ്പെടുത്തി

റിപ്പോർട്ടുകൾ പ്രകാരം, എനോർം നാഗ്പാൽ റിയാൽറ്റി LLP ആണ് വിൽപ്പനക്കാരൻ. അതേസമയം, സാഗർ ദിവാനും അമിത് അമർലാൽ നാഗ്പാലും എനോർം നാഗ്പാൽ റിയാൽറ്റി LLP യുടെ നിയുക്ത പങ്കാളികളാണ്. 2022 ജൂലൈ 8-നാണ് വസ്തു രജിസ്റ്റർ ചെയ്തത്

റിപ്പോർട്ടുകൾ പ്രകാരം രൺവീർ സിംഗ് 119 കോടി രൂപയുടെ ഫ്ലാറ്റ് വാങ്ങി എന്നാണ് സൂചിപ്പിക്കുന്നത്