Ravi Kishan | പ്രമുഖ നടി രാത്രിയിൽ മുറിയിലേക്ക് വിളിപ്പിച്ചു; അതിന് പ്രതിഫലമായി അഭിനയിക്കാൻ അവസരവും: രവി കിഷൻ

നടനും എം.പിയുമായ രവി കിഷൻ (Ravi Kishan) തനിക്കുണ്ടായ ദുരനുഭവത്തെക്കുറിച്ച് വെളിപ്പെടുത്തലുമായി രംഗത്ത്. ഹിന്ദി, ഭോജ്പുരി സിനിമാ മേഖലയിലെ ജനപ്രിയ നടന്മാരിൽ ഒരാളാണ് രവി കിഷൻ. ബിഗ് ബോസ് മത്സരത്തിയുമായിരുന്നു. 1992-ൽ 'പീതാംബർ' എന്ന ഹിന്ദി ചിത്രത്തിലൂടെയാണ് അദ്ദേഹം അഭിനയരംഗത്തേക്ക് എത്തുന്നത്. ബോളിവുഡിലെ ചില ജനപ്രിയ ചിത്രങ്ങളിൽ രവി അഭിനയിച്ചിട്ടുണ്ട്

ഹിന്ദി ബിഗ് ബോസ് സീസൺ 1 ലും രവി കിഷൻ പങ്കെടുത്തിരുന്നു. ഇന്ത്യൻ സിനിമയിലെ ശ്രദ്ധേയ താരങ്ങളിൽ ഒരാളാണ് അദ്ദേഹം, എന്നാൽ തന്റെ കരിയറിന്റെ ആദ്യ നാളുകളിൽ നടന് കാസ്റ്റിംഗ് കൗച്ച് നേരിടേണ്ടിവന്നുവെന്നറിഞ്ഞാൽ പലരും ഞെട്ടും. അതും ഒരു 'പ്രമുഖയിൽ' നിന്നുമാണ് അദ്ദേഹത്തിന് ദുരനുഭവം ഉണ്ടായത് (തുടർന്ന് വായിക്കുക)

'ആപ് കി അദാലത്ത്' എന്ന ഷോയിൽ പങ്കെടുത്താണ് രവി കിഷൻ അതേക്കുറിച്ച് പറഞ്ഞത്. "അങ്ങനെ സംഭവിച്ചു. ഇത് സിനിമാ ലോകത്തിൽ നടക്കുന്ന കാര്യമാണ്. പക്ഷേ ഞാൻ എങ്ങനെയോ രക്ഷപ്പെട്ടു. എന്റെ ജോലിയെ സത്യസന്ധതയോടെ സമീപിക്കണമെന്ന് അച്ഛൻ എന്നെ പഠിപ്പിച്ചിരുന്നു...

ഞാൻ ഒരിക്കലും ഒരു കുറുക്കുവഴി സ്വീകരിക്കാൻ ആഗ്രഹിച്ചില്ല. ഞാൻ കഴിവുള്ളവനാണെന്ന് എനിക്കറിയാമായിരുന്നു. ആ 'പ്രമുഖ'യുടെ പേര് ചോദിച്ചപ്പോൾ രവി കിഷൻ നൽകിയ മറുപടി ഇങ്ങനെ:

"എനിക്ക് അവരുടെ പേര് പറയാൻ കഴിയില്ല. അവർ ഇപ്പോൾ പ്രശസ്തയായി മാറിയിരിക്കുന്നു. 'ഇന്ന് രാത്രി ഒരു കപ്പ് കാപ്പി കുടിക്കാൻ വരൂ' എന്നായിരുന്നു അവരുടെ ക്ഷണം. കാപ്പി ആളുകൾ പകൽ സമയത്ത് കഴിക്കാൻ ഇഷ്ടപ്പെടുന്ന കാര്യമെന്ന് കരുതി, ഞാൻ ആ ഓഫർ നിരസിച്ചു

ഹിന്ദി, ഭോജ്പുരി, തമിഴ്, തെലുങ്ക് സിനിമകളിൽ രവി കിഷൻ അഭിനയിച്ചിട്ടുണ്ട്. ഹിന്ദിയിൽ, തേരേ നാം, കീമത്ത്, ഫിർ ഹെരാ ഫേരി, തനു വെഡ്‌സ് മനു തുടങ്ങി നിരവധി ബ്ലോക്ക്ബസ്റ്ററുകളിൽ അദ്ദേഹം ഭാഗമായി. നെറ്റ്ഫ്ലിക്സ് വെബ് സീരീസായ 'കാക്കി: ദി ബീഹാർ ചാപ്റ്ററിലാണ്' അദ്ദേഹം അവസാനമായി അഭിനയിച്ചത്