Viral | ആരാധകർക്ക് സ്വന്തം 'വിസർജ്യം' കുപ്പിയിലാക്കി നൽകുന്ന ടി.വി. താരം ശ്രദ്ധ നേടുന്നു

അധോവായു (fart) കുപ്പിയിലാക്കി വിറ്റ മോഡലിന്റെ കഥ വൈറലായതിനു പിന്നാലെ സ്വന്തം വിസർജ്യം human poop) ആരാധകർക്ക് സമ്മാനിക്കുന്ന നടിയുടെ വിചിത്രമായ കഥ പുറത്ത്. പിന്നീട് ഡിലീറ്റ് ചെയ്ത വീഡിയോയിൽ, ടീൻ മോം ഫാൻ അക്കൗണ്ടിൽ പ്രത്യക്ഷപ്പെടുന്ന, 30 കാരിയായ ഫറാ എബ്രഹാം, 'ഒരു ഭാഗ്യപാത്രത്തിൽ' തന്റെ 'ആശീർവാദങ്ങൾ' ആരാധകർക്ക് അയയ്ക്കുന്നതായി പ്രഖ്യാപിച്ചു

അയ്യേ! എന്ന് പറഞ്ഞ് മൂക്കത്തു വിരൽ വെക്കാൻ വരുന്നവർക്ക് താൻ ഇങ്ങനെ ചെയ്യുന്നതിന്റെ രീതി അവർ വിശദീകരിക്കുക കൂടി ചെയ്തിട്ടുണ്ട്. ഏകദേശം ഒരു മിനിറ്റ് ദൈർഘ്യമുള്ള ക്ലിപ്പിൽ, ബാത്ത്റൂമിലെ തന്റെ ടോയ്‌ലറ്റിനോട് ചേർന്ന് നിൽക്കുമ്പോൾ താൻ എങ്ങനെ 'ഒരു കാര്യം ചെയ്തു' എന്ന് അവർ വിശദീകരിച്ചു (തുടർന്ന് വായിക്കുക)

സംഗതി ഒരു ഡപ്പിയിൽ നിറച്ച ശേഷം, അതിനു മുകളിൽ കോർക്ക് കൊണ്ട് മൂടും. ഒരു കഷണം പഞ്ഞി ആയിരിക്കും ഇത്. അതിനു ശേഷം ഒരു പ്ലാസ്റ്റിക് ക്ലിങ് റാപ്പ് കൊണ്ട് ചുറ്റും. പഞ്ഞിക്കട്ട 'ഗന്ധം നിലനിർത്തുന്നു' എന്ന് ഫറാ. പിന്നീട് 'ഒരു പ്രത്യേക സന്ദേശത്തോടെ' ഫോളോവറിന്റെ പേരിനൊപ്പം അയക്കും

'ടീൻ മോം' പരിപാടിയിലൂടെ ശ്രദ്ധ നേടിയ ഫറയുടെ ആരാധകർ കമന്റ് വിഭാഗത്തിൽ ഞെട്ടൽ രേഖപ്പെടുത്തി. താരം തമാശ പറഞ്ഞതാണോ അല്ലയോ എന്ന് വിശ്വസിക്കാൻ കഴിയാത്ത അവസ്ഥയിലായിരുന്നു അവർ

കണ്ണാടിക്കുപ്പികളിൽ അധോവായു നിറച്ച് വിറ്റ് ലക്ഷങ്ങൾ സമ്പാദിച്ച മോഡലിന്റെ കഥ സോഷ്യൽ മീഡിയയിൽ വൈറലായിരുന്നു. എന്നാൽ അമേരിക്കൻ റിയാലിറ്റി ടിവി താരം കൂടിയായ സ്റ്റെഫാനി മാറ്റോ (Stephanie Matto) എന്ന  മോഡലിനെ ആശുപത്രിയിൽ പ്രവേശിപ്പിച്ച വിവരമാണ് പിന്നീട് പുറത്തുവന്നത്. ആശുപത്രിയിലെത്തിയ ശേഷം ജാറിൽ അധോവായു വിൽക്കുന്ന തന്റെ കരിയർ ഉപേക്ഷിച്ചു എന്ന് അവർ പറഞ്ഞു

തനിക്ക് അസാധാരണമായ തിരക്കുണ്ടെന്ന് സ്റ്റെഫാനി മാറ്റോ അടുത്തിടെ ഒരു ടിക് ടോക്ക് വീഡിയോയിൽ വെളിപ്പെടുത്തിയിരുന്നു. അവർ തന്റെ അധോവായു കുപ്പിയിലാക്കി ഒരു കുപ്പിക്ക് 1,000 ഡോളർ വരെ വിലയിട്ടു വിൽക്കുമായിരുന്നു. എന്നാൽ ഗുരുതരമായ ആരോഗ്യ പ്രശ്നത്തോടെയാണ് ഇവരെ ആശുപത്രിയിൽ പ്രവേശിപ്പിച്ചത് 

അവരുടെ 'തീക്ഷ്ണമായ' ഉൽപ്പന്നത്തിന്റെ ആവശ്യം വളരെ ഉയർന്നതായിരുന്നു. മാറ്റോ ഒരു ഘട്ടത്തിൽ ആഴ്ചയിൽ 50 ജാറുകൾ വിൽക്കുന്നുണ്ടെന്ന് മെട്രോ ന്യൂസ് റിപ്പോർട്ട് ചെയ്യുന്നു. എന്നിരുന്നാലും, 90 ദിവസത്തെ കച്ചവടത്തിനൊടുവിൽ താരത്തിന് ആരോഗ്യ ഭയത്തെത്തുടർന്ന് ലാഭകരമായ സൈഡ് ബിസിനസ്സ് ഉപേക്ഷിക്കേണ്ടിവന്നു

ആശുപത്രിയിലെത്തിച്ചതിന് ശേഷം അധോവായു വിൽക്കുന്നതിൽ നിന്ന് വിരമിക്കുന്നതായി മാറ്റോ പ്രഖ്യാപിച്ചു. "എനിക്ക് സ്ട്രോക്ക് ഉണ്ടെന്നും ഇത് എന്റെ അവസാന നിമിഷങ്ങളാണെന്നും ഞാൻ കരുതി. ഞാൻ അത് അമിതമായി ചെയ്യുകയായിരുന്നു," അവർ പറഞ്ഞതായി ലാഡ്ബൈബിൾ ഉദ്ധരിച്ചു. ഡിമാൻഡ് നിലനിർത്താൻ, സ്റ്റെഫാനി മാറ്റോ ബീൻസ്, മുട്ട, പ്രോട്ടീൻ ഷേക്ക് എന്നിവ അടങ്ങിയ ഉയർന്ന ഫൈബർ ഉൾപ്പെട്ട ഭക്ഷണത്തിലേക്ക് മാറിയിരുന്നു

ആശുപത്രിയിൽ എത്തിച്ച ദിവസം താൻ മൂന്ന് പ്രോട്ടീൻ ഷേക്കുകളും ഒരു വലിയ പാത്രം ബ്ലാക്ക് ബീൻ സൂപ്പും കഴിച്ചുവെന്ന് 31 കാരിയായ യുവതി പറഞ്ഞു. എല്ലാം കൂടുതൽ അധോവായു ഉൽപ്പാദിപ്പിക്കാൻ നടത്തിയ ശ്രമത്തിലാണ് ചെയ്തത് (പ്രതീകാത്മക ചിത്രം)

ശ്വസിക്കാൻ വളരെ ബുദ്ധിമുട്ടായിരുന്നു, ഓരോ തവണയും ശ്വസിക്കാൻ ശ്രമിക്കുമ്പോൾ ഹൃദയത്തിന് ചുറ്റും കുത്തിവലിക്കുന്ന ഒരു അനുഭവം ഉണ്ടാവുമെന്ന് അവർ ഓർത്തെടുത്തു

അത് തീർച്ചയായും എന്റെ ഉത്കണ്ഠ വർദ്ധിപ്പിച്ചു. ഞാൻ എന്റെ സുഹൃത്തിനെ വിളിച്ചു, എനിക്ക് ഹൃദയാഘാതം അനുഭവപ്പെടുന്നുവെന്ന് കരുതിയതിനാൽ എന്നെ ആശുപത്രിയിലേക്ക് കൊണ്ടുപോകാൻ എന്റെയടുത്ത് വരാമോ എന്ന് ചോദിച്ചു

ആശുപത്രിയിൽ എത്തിയപ്പോൾ, തനിക്ക് ഹൃദയാഘാതമോ പക്ഷാഘാതമോ ഇല്ലെന്നറിഞ്ഞപ്പോൾ അവർ ആശ്വസിച്ചു. "ഞാൻ അനുഭവിക്കുന്നത് ഹൃദയാഘാതമോ പക്ഷാഘാതമോ അല്ല. മറിച്ച് വളരെ തീവ്രമായ ഗ്യാസ് മൂലമുള്ള വേദനയാണെന്ന് വ്യക്തമായി," അവർ പറഞ്ഞു

'എന്റെ ഭക്ഷണക്രമം മാറ്റാനും ഗ്യാസ് സപ്രസന്റ് മരുന്ന് കഴിക്കാനും എന്നെ ഡോക്ടർമാർ ഉപദേശിച്ചു. ഇത് എന്റെ ബിസിനസ്സ് അവസാനിപ്പിച്ചു,' അവർ പറഞ്ഞു