Samantha Ruth Prabhu|ബിഗ് ബോസ് അവതാരകയായി സാമന്ത?നാഗാർജുനയുടെ പകരക്കാരിയായി താരം എത്തുമോ?

ഏറെ ആരാധകരുള്ള റിയാലിറ്റി ഷോ ആണ് ബിഗ് ബോസ് (Bigg Boss). വിവിധ ഭാഷകളിൽ പ്രമുഖ താരങ്ങളാണ് ഈ റിയാലിറ്റി ഷോയിൽ അവതാരകരായി എത്താറ്. ഹിന്ദിയിൽ സൽമാൻ ഖാനാണ് ബിഗ് ബോസ് അവതാരകൻ. മലയാളത്തിൽ മോഹൻലാലും തമിഴിൽ കമൽഹാസനും തെലുങ്കിൽ നാഗാർജുനയുമാണ് പരിപാടിയുടെ അവതാരകർ.

പുതിയ റിപ്പോർട്ടുകൾ അനുസരിച്ച് ബിഗ് ബോസ് തെലുങ്കിന്റെ അടുത്ത സീസണിൽ നിന്ന് നാഗാർജുന പിന്മാറുന്നതായാണ് അറിയുന്നത്. നാഗർജുനയ്ക്ക് പകരം ആരാകും അവതരക സ്ഥാനത്ത് എത്തുക എന്ന ചോദ്യത്തിനുള്ള ഉത്തരമാണ് ഇപ്പോൾ പുറത്തു വന്നിരിക്കുന്നത്.

നാഗാർജുനയുടെ മകൻ നാഗചൈതന്യയുടെ മുൻ ഭാര്യയും തെന്നിന്ത്യയിലെ സൂപ്പർ നായികയുമായ സാമന്തയുടെ പേരാണ് ഉയർന്നു കേൾക്കുന്നത്. നേരത്തേ ബിഗ് ബോസ് തെലുങ്ക് സീസൺ 4 ൽ ഒരു എപ്പിസോഡിൽ സാമന്ത അവതാരകയായി എത്തിയിരുന്നു.

സീസൺ 6 ൽ സാമന്ത അവതാരകയാകുമെന്നാണ് വാർത്തകൾ. സെലിബ്രിറ്റികളാണ് സാധാരണ ബിഗ് ബോസിൽ മത്സരാർത്ഥികളായി എത്തുന്നത്. എന്നാൽ പുതിയ സീസണിൽ സാധാരണക്കാരെ പങ്കെടുക്കുപ്പിക്കാനാണ് തീരുമാനം.

നാഗചൈതന്യയുമായുള്ള വിവാഹമോചനത്തിനു ശേഷവും നാഗാർജുനയുടെ കുടുംബവുമായി സാമന്ത അടുത്ത ബന്ധം പുലർത്തുന്നുണ്ട്. വിഘ്നേഷ് ശിവൻ സംവിധാനം ചെയ്ത കാതുവാക്കുള രെണ്ട് കാതൽ ആണ് സാമന്തയുടെ ഏറ്റവും ഒടുവിൽ പുറത്തിറങ്ങിയ ചിത്രം. വിജയ് സേതുപതിയും നയൻതാരയുമാണ് ചിത്രത്തിലെ മറ്റ് താരങ്ങൾ.

വിജയ് ദേവരകൊണ്ടയും സാമന്തയും പ്രധാന വേഷത്തിലെത്തുന്ന ഖുഷിയും ഉടൻ പുറത്തിറങ്ങാനിരിക്കുകയാണ്.