Rihanna| ഗായിക റിഹാന അമ്മയായി; ആദ്യത്തെ കൺമണി ആൺകുഞ്ഞ്

പോപ് ഗായിക റിഹാനയ്ക്കും (Rihanna)റാപ്പർ അസാപ് റോക്കിക്കും ( A$AP Rocky) ആൺകുഞ്ഞ് പിറന്നു. മെയ് 13 നാണ് റിഹാന കുഞ്ഞിന് ജന്മം നൽകിയതെന്നാണ് റിപ്പോർട്ടുകൾ. (image: Instagram)

കഴിഞ്ഞ ദിവസമാണ് വാർത്തകൾ പുറത്തു വന്നത്. അസാപ് റോക്കിക്കും റിഹാനയ്ക്കും ആദ്യമായി പിറക്കുന്ന കുഞ്ഞാണ്. നിറവയറുമായുള്ള റിഹാനയുടെ ചിത്രങ്ങൾ പുറത്തു വന്നതിനു പിന്നാലെ ആരാധകർ കാത്തിരുന്ന സന്തോഷവാർത്തയാണിത്. (image: Instagram)

കഴിഞ്ഞ ജനുവരിയിലാണ് ഗർഭിണിയാണെന്ന വാർത്ത റിഹാനയും കാമുകൻ അസാപ് റോക്കിയും ലോകത്തെ അറിയിച്ചത്. അതേസമയം, കുഞ്ഞ് ജനിച്ച വാർത്ത താരങ്ങൾ ഔദ്യോഗികമായി അറിയിച്ചിട്ടില്ല. (image: Instagram)

നിറവയറുമായി സ്റ്റൈലിഷ് ലുക്കിലുള്ള റിഹാനയുടെ ചിത്രങ്ങൾ സോഷ്യൽമീഡിയയിൽ വൈറലായിരുന്നു. 2020 മുതൽ റിഹാനയും അസാപ് റോക്കിയും ഡേറ്റിങ്ങിലാണ്. (image: Instagram)

നിറവയറുമായി മാധ്യമങ്ങൾക്ക് മുന്നിൽ ആദ്യം പ്രത്യക്ഷപ്പെട്ടതു മുതൽ ഫാഷൻ ലോകത്ത് റിഹാനയുടെ ചിത്രങ്ങൾ തരംഗമായിരുന്നു.  (image: Instagram)

എക്കാലത്തേയും മികച്ച പ്രഗ്നൻസി സ്റ്റൈൽ എന്നാണ് കിം കർദാഷിയാൻ റിഹാനയുടെ ചിത്രങ്ങൾ ഇൻസ്റ്റഗ്രാമിൽ പങ്കുവെച്ചുകൊണ്ട് പറഞ്ഞത്.  (image: Instagram)

ലോകത്തെമ്പാടുമായി ഏറ്റവും കൂടുതൽ ആൽബങ്ങൾ വിറ്റഴിച്ചിട്ടുള്ള ഗായികമാരിൽ ഒരാളാണ് റിഹാന. റിഹാനയുടെ 20 കോടി ആൽബങ്ങളാണ് വിറ്റഴിഞ്ഞത്. (image: Instagram)

8 ഗ്രാമി, 12 അമേരിക്കൻ സംഗീത പുരസ്കാരം അടക്കം നിരവധി പുരസ്കാരങ്ങൾ നേടിയ റിഹാനയെ ഫോബ്സ് മാഗനസിനും ടൈം മാഗസിനും ലോകത്തിലെ ഏറ്റവും സ്വാധിനമുള്ള 100 വ്യകതികളുടെ പട്ടികയിലും ഏറ്റവും ശക്തരായ സെലിബ്രിറ്റികളുടെ പട്ടികയിലും ഉൾപ്പെടുത്തിയിരുന്നു. (image: Instagram)