Ritika Singh | 16 ദിവസത്തേക്ക് കുളിക്കരുത് എന്ന് നിർദേശം, ഒടുവിൽ സംഭവിച്ചത്; നടി റിതിക സിംഗിന്റെ വെളിപ്പെടുത്തൽ

മലയാളം ഉൾപ്പെടെ ഒന്നിലേറെ ഭാഷകളിൽ റിലീസ് ചെയ്യാൻ തയാറെടുക്കുന്ന ചിത്രം 'ഇൻകാർ' അടുത്ത മാസം തിയേറ്ററുകളിലെത്തും. സിനിമയുടെ ട്രെയ്‌ലർ അടുത്തിടെ പുറത്തിറങ്ങിയിരുന്നു. യഥാർത്ഥ സംഭവത്തെ അധികരിച്ചിറങ്ങിയ ചിത്രം തീർത്തും ഉദ്വേഗം നിറയുന്ന മുഹൂർത്തങ്ങളാണ് ട്രെയിലറിൽ ഉൾപ്പെടുത്തിയത്. സിനിമയിലെ പ്രധാന കഥാപാത്രം ചെയ്യുന്നത് നടി റിതിക സിംഗ് (Ritika Singh) ആണ്

ഒരു കാർ കേന്ദ്രീകരിച്ചു നടക്കുന്ന ക്രൈമാണ് സിനിമയ്ക്ക് പ്രതിപാദ്യം. എന്നാൽ സിനിമ റിലീസിനോടടുക്കുമ്പോൾ, നായിക അതീവ പരമരഹസ്യമായി കാത്തുവച്ച ഒരു കാര്യം വെളിപ്പെടുത്തുന്നു. ചിത്രീകരണവേളയിൽ റിതിക കുളിക്കാതിരുന്നത് ഒന്നും രണ്ടുമല്ല, നീണ്ട 16 ദിവസമാണ്. കാരണം എന്തെന്നറിയേണ്ടേ? (തുടർന്ന് വായിക്കുക)

സാക്ഷി ഗുലാത്തി എന്നാണ് റിതികയുടെ കഥാപാത്രത്തിന് പേര്. സിനിമയുടെ ഷൂട്ടിങ്ങിലെ കാഠിന്യമേറിയ കാര്യവും ഈ കഥാപാത്രം ചെയ്യുക എന്നതായിരുന്നു. തെലുങ്ക് ഭാഷയിലാണ് സിനിമ അടിസ്ഥാനപരമായി നിർമ്മിക്കുന്നത്

16 ദിവസം കുളിക്കാതിരുന്നതിനെക്കുറിച്ച് റിതിക പറയുന്നതിങ്ങനെ. 'ഞാനും ഹർഷവർധൻ സാറും എന്റെ തലമുടി നനയ്ക്കേണ്ട എന്ന് തീരുമാനം കൈക്കൊള്ളുകയായിരുന്നു. എന്റെ കഥാപാത്രത്തിന് കണ്ടിന്യൂയിറ്റി അത്യാവശ്യമായിരുന്നു. ഒരു ദിവസം നടക്കുന്ന കഥയെന്ന നിലയിലാണ് പ്രമേയാവതരണം'

അതിനാൽ തലമുടി പാറിപ്പറന്ന ലുക്ക് നിർബന്ധമായിരുന്നു. യഥാർത്ഥ സമയത്തു നടക്കുന്ന രണ്ട് മണിക്കൂർ നീണ്ട കഥയെന്നാണ് നായിക പറയുന്നത്. തലമുടി, മേക്കപ്പ്, വസ്ത്രങ്ങൾ ഇവയെല്ലാം ഒരേപോലിരിക്കണമായിരുന്നു. ഒടുവിൽ എന്ത് സംഭവിച്ചെന്നും റിതിക തന്നെ പറയട്ടെ

ഒടുവിൽ ഷൂട്ടിംഗ് കഴിഞ്ഞതും, തന്റെ തലമുടി മുഴുവനും അഴുക്കുപിടിച്ച്, കെട്ടുപിണഞ്ഞു കിടക്കുന്ന നിലയിലായിരുന്നു. ശേഷം അത് തന്നെക്കൊണ്ട് കൈകാര്യം ചെയ്യാം എന്ന നിലയിൽ നിന്നും കൈവിട്ടു പോയി എന്നും റിതിക

തലമുടി വൃത്തിയാക്കാൻ താൻ സലൂണിന്റെ സഹായം തേടേണ്ടി വന്നുവെന്ന് റിതിക. തലമുടി ഈ നിലയിലാകാൻ എന്താണ് സംഭവിച്ചത് എന്നായിരുന്നു അവരുടെ ചോദ്യം. ഒരു മലകയറൽ സാഹസികത നടത്തി എന്നായിരുന്നു നടിയുടെ പ്രതികരണം. മനീഷ് ജാഞ്ജോലിയ, സന്ദീപ് ഗോയത്, സുനിൽ സോണി, ഗ്യാൻ പ്രകാശ് എന്നിവരാണ് മറ്റഭിനേതാക്കൾ