Kaapa movie | പൃഥ്വിരാജിന്റെ സിനിമയിൽ അഭിനയിക്കാൻ നേരിട്ട സാഹചര്യങ്ങൾ ഇതെല്ലാം; നടൻ സാഗർ സൂര്യ

പൃഥ്വിരാജിനെ (Prithviraj) നായകനാക്കി ഷാജി കൈലാസ് (Shaji Kailas) രണ്ടാമതായി സംവിധാനം ചെയ്ത മലയാള ചിത്രം 'കാപ്പ' (Kaapa) വിജയകരമായി പ്രദർശനം തുടരുകയാണ്. 'കടുവ' സിനിമയ്ക്ക് ശേഷം ഇറങ്ങിയ ചിത്രത്തിനും തരക്കേടില്ലാത്ത പ്രതികരണം തിയേറ്ററുകളിൽ നിന്നും ഉയരുന്നുണ്ട്. ഈ സിനിമയിൽ ബിജു ത്രിവിക്രമൻ എന്ന വേഷം ചെയ്തത് പ്രേക്ഷകർക്ക് പ്രിയങ്കരനായ യുവനടനാണ്

'തട്ടീം മുട്ടീം' എന്ന പരമ്പരയിലൂടെ ശ്രദ്ധ നേടി വെള്ളിത്തിരയിലും അരങ്ങേറ്റം കുറിച്ച നടൻ സാഗർ സൂര്യയാണ് ഗുണ്ടാവിളയാട്ടത്തിൽ കൊല്ലപ്പെടുന്ന ബിജു എന്ന വേഷം ചെയ്തത്. അന്ന ബെൻ കഥാപാത്രത്തിന്റെ സഹോദരന്റെ വേഷമായിരുന്നു ഇത്. സിനിമയിൽ വെട്ടുകൊണ്ട് വീഴുന്ന രംഗമുണ്ട് സാഗറിന്. എല്ലാം മേക്കപ്പും വച്ചുകെട്ടും മാത്രമല്ല എന്നതിനുദാഹരണമാണ്‌ ഇപ്പൊ സാഗർ തന്റെ കഥാപാത്രത്തെക്കുറിച്ച് പറയുന്ന വാക്കുകൾ (തുടർന്ന് വായിക്കുക)

മുതുകിൽ ചുവന്നു തടിച്ച പാടുകളും കൈ ചുവന്നു നീരുവച്ചതുമായ ചിത്രങ്ങളാണ് സാഗർ സൂര്യ പോസ്റ്റ് ചെയ്തത്. പിന്നെയുള്ളത് ഒരു വീഡിയോ പോസ്റ്റാണ്. ഇതിൽ തലയ്ക്കു ചുറ്റും കെട്ടുമായി കണ്ണാടിയിൽ നോക്കി സെൽഫി വീഡിയോ പോസ്റ്റ് ചെയ്യുന്നതുമാണ് കാണാൻ സാധിക്കുക

'മുറിവുകളും കഠിനാധ്വാനവും നിറഞ്ഞ ഒരു നീണ്ട യാത്രയുടെ സന്തോഷകരമായ അന്ത്യമാണ് ഈ ചിത്രങ്ങൾ. ഭാവി സംരംഭങ്ങളിൽ ഏർപ്പെടാൻ എനിക്ക് ഉപകാരപ്പെടുന്ന ഒരുപാട് അനുഭവങ്ങൾ ഇതിൽ നിന്നുമുണ്ടായി...

'കാപ്പ' സിനിമയുടെ ഭാഗമാകാനും ഈ സംഘത്തോടൊപ്പം പ്രവർത്തിക്കാനും സാധിച്ചത് ശരിക്കും ഒരു അനുഗ്രഹമായിരുന്നു.' തന്നെ വിശ്വസിച്ച് ബിജുവിനെ ഏൽപ്പിച്ച പൃഥ്വിരാജിനും ഷാജി കൈലാസിനും സാഗർ നന്ദി അർപ്പിക്കുന്നു. ഇതിൽ അഭിമാനവും സന്തോഷവും തോന്നുന്നു എന്നും സാഗർ

നിർഭാഗ്യവശാൽ അന്നത്തെ നല്ല നിമിഷങ്ങൾ പകർത്താൻ കഴിഞ്ഞില്ല എന്നും സാഗർ പറയാതെയിരുന്നില്ല

ഇന്ദുഗോപൻ രചിച്ച 'ശംഖുമുഖി' എന്ന നോവലിനെ അധികരിച്ചാണ് സിനിമയുടെ നിർമാണം. രചയിതാവ് തന്നെയാണ് സിനിമയുടെ തിരക്കഥാകൃത്തും