Sai Pallavi| ഈ കൂട്ടത്തിൽ സായ് പല്ലവിയുമുണ്ട്; പൊരിവെയിലത്ത് പാടത്ത് പണിയെടുത്ത് തെന്നിന്ത്യൻ നായിക

തെന്നിന്ത്യയിൽ ഏറ്റവും കൂടുതൽ ആരാധകരുള്ള നായികയാണെങ്കിലും സായ് പല്ലവിയുടെ (Sai Pallavi)രീതികൾ വ്യത്യസ്തമാണ്. സിനിമയ്ക്ക് പുറത്ത് വളരെ ലളിതമായാണ് സായ് പല്ലവിയുടെ ജീവിതം. (image: Instagram)

താരത്തിന്റെ ഇൻസ്റ്റഗ്രാം പോസ്റ്റുകളും ശ്രദ്ധേയമാണ്. മറ്റ് താരങ്ങളെ പോലെ ദിവസവും പുതിയ ഫോട്ടോകളോ പോസ്റ്റുകളോ സായ് പല്ലവി പങ്കുവെക്കാറില്ല. സോഷ്യൽമീഡിയയിൽ അത്ര സജീവമല്ലാത്ത താരം സ്വന്തം സിനിമകളെ കുറിച്ചുള്ള ചിത്രങ്ങളാണ് കൂടുതൽ പങ്കുവെക്കാറ്. (Image: Instagram)

സിനിമയെ കുറിച്ചല്ലെങ്കിൽ സായ് പല്ലവിയുടെ ഫീഡിൽ കാണാനാകുക കൂട്ടുകാർക്കോ വീട്ടുകാർക്കോ ഒപ്പമുള്ള ചിത്രങ്ങളോ യാത്രയുടെ ചിത്രങ്ങളും ആയിരിക്കും. (Image: Instagram)

സായ് പല്ലവിയുടെ ഇൻസ്റ്റഗ്രാമിൽ പങ്കുവെച്ച പുതിയ ചിത്രം കണ്ടാലും ഇത് വ്യക്തമാണ്. പാടത്ത് ചിരിച്ചു കൊണ്ടിരിക്കുന്ന ഒരു കൂട്ടം സ്ത്രീകളുടെ ചിത്രമാണ് സായ് പല്ലവി പങ്കുവെച്ചിരിക്കുന്നത്. കൂട്ടത്തിൽ തെന്നിന്ത്യൻ നായിക കൂടിയുണ്ടെന്ന് രണ്ടാമത് നോക്കിയാലേ തിരിച്ചറിയൂ. (image: Instagram)

ആന്ധ്രയിലെ ആഘോഷമായ ഉഗഡി സ്പെഷ്യലാണ് താരത്തിന്റെ പുതിയ ഇൻസ്റ്റഗ്രാം പോസ്റ്റ്. മഞ്ഞൾ കർഷകർക്കൊപ്പമാണ് സായ് പല്ലവി ചിത്രമെടുത്തിരിക്കുന്നത്. വിളവെടുത്ത മഞ്ഞളിന്റെ ചിത്രങ്ങളും പല്ലവി ഇൻസ്റ്റഗ്രാമിൽ പങ്കുവെച്ചിട്ടുണ്ട്. (Image: Instagram)

ആന്ധ്രയിലെ വർഷാരംഭമാണ് ഉഗഡി. ഏപ്രിൽ രണ്ടിനാണ് ആഘോഷം. തെലുങ്കിലെ പ്രധാന താരങ്ങളെല്ലാം തന്നെ ഉഗഡി ആശംസകൾ സോഷ്യൽമീഡിയയിലൂടെ അറിയിച്ചിട്ടുണ്ട്.