Salman Khan | നമ്മൾ 20 കൊല്ലം മുന്നേ കണ്ടിരുന്നെങ്കിൽ ഒരു പക്ഷേ... സൽമാൻ ഖാന്റെ പരസ്യപ്രതികണം വൈറൽ

ബോളിവുഡ് വളരെ സ്നേഹത്തോടെ സല്ലു ഭായ് എന്ന് വിളിക്കുന്ന സൽമാൻ ഖാന്റെ (Salman Khan) വിവാഹം എന്ന് എന്ന ചോദ്യത്തിന് ഒരിക്കലും ആർക്കും വ്യക്തമായ മറുപടി ലഭിച്ചിട്ടില്ല. പലപ്പോഴായി വിവാഹം ഉണ്ടാകും എന്ന് വാർത്തകൾ വന്നെങ്കിലും അതെല്ലാം കേവലം ഊഹാപോഹങ്ങൾ മാത്രമായിരുന്നു എന്ന് അധികം വൈകാതെ തന്നെ തെളിഞ്ഞു. സൽമാനും ഒരിക്കലും അക്കാര്യത്തിൽ വ്യക്തത വരുത്തിയിട്ടില്ല

ലൂലിയ വന്തുർ എന്ന വിദേശ വനിതയുമായുള്ള സൽമാൻ ഖാന്റെ ബന്ധം ഏറെനാൾ ചർച്ചയായിട്ടുണ്ട്. ഇത് വിവാഹത്തിൽ കലാശിക്കും എന്ന് പ്രതീക്ഷയുണ്ടായിരുന്നെങ്കിലും അവിടെയും ആരാധകർക്ക് നിരാശയായിരുന്നു ഫലം. ഇപ്പോഴിതാ ഒരാൾ സൽമാനോട് നേരിട്ട് വിവാഹാഭ്യർത്ഥന നടത്തിയിരിക്കുന്നു (തുടർന്ന് വായിക്കുക)

'സൽമാൻ വിൽ യു മാരി മി' എന്ന് ക്യാമറകൾക്ക് മുൻപാകെയാണ് ഒരു യുവതിയുടെ ചോദ്യം ഉയർന്നത്. ചിരിച്ചുതള്ളാതെ സൽമാൻ ഈ ചോദ്യത്തിന് കൃത്യമായ മറുപടി നൽകി

തനിക്ക് വിവാഹപ്രായം കഴിഞ്ഞു എന്നും, നമ്മൾ ഒരു 20 വർഷം മുൻപേ കാണേണ്ടതായിരുന്നു എന്നുമായിരുന്നു സൽമാൻ പറഞ്ഞത്. ഈ വീഡിയോ ദൃശ്യം സോഷ്യൽ മീഡിയയിലെത്താൻ അധിക താമസമുണ്ടായില്ല. സൽമാന് 57 വയസ് പൂർത്തിയായിക്കഴിഞ്ഞു

പ്രേക്ഷക പ്രിയങ്കരനായ സൽമാൻ ഖാൻ ഹിന്ദി ബിഗ് ബോസിന്റെ രണ്ടാം ഒ.ടി.ടി. സീസണിൽ അവതാരകനായി എത്തുന്നുണ്ട്. നേരത്തെ കരൺ ജോഹറായിരുന്നു ഈ പരിപാടി അവതരിപ്പിച്ചിരുന്നത്. സൽമാനാണ് അവതാരകൻ എന്ന് പ്രഖ്യാപിക്കുന്ന പ്രോമോ വീഡിയോ പുറത്തുവിട്ടുകൊണ്ടാണ് ഈ പ്രഖ്യാപനമുണ്ടായത്

'ടൈഗർ 3' ആണ് സൽമാൻ ഖാന്റേതായി പുറത്തിറങ്ങാനുള്ള അടുത്ത ചിത്രം. ബിഗ് ബോസ് അവതരണത്തിനായി സൽമാന് ഒരു എപ്പിസോഡിൽ 40 കോടി രൂപ പ്രതിഫലം ലഭിക്കുന്നു എന്ന് റിപ്പോർട്ടുകളുണ്ടായിരുന്നു