Salman Khan | ക്ഷണക്കത്ത് വരെ തയാറാക്കി, സൽമാൻ ഖാൻ വിവാഹത്തിൽ നിന്നും പിന്മാറി; കാരണം പുറത്ത്

'സൽമാൻ ഖാൻ (Salman Khan) എപ്പോഴാണ് വിവാഹം കഴിക്കുക?' ഈ ചോദ്യം വളരെ വർഷങ്ങളായി ആവർത്തിച്ചു കേൾക്കുകയാൽ, ആരാധകർക്ക് ഇപ്പോഴിതൊരു തമാശയായി മാറിയിരിക്കുന്നു. ഏതാനും വർഷങ്ങൾ മുൻപ് വരെ താരം വിവാഹിതനാകും എന്ന തരത്തിൽ ഉറപ്പിച്ച പോലത്തെ വാർത്തകളും വന്നിരുന്നു. എന്നിരുന്നാലും, സൽമാൻ ഏതാണ്ട് വിവാഹമുറപ്പിച്ച ഒരു കാലമുണ്ടായിരുന്നു

കല്യാണത്തിന്റെ ക്ഷണക്കത്തുകൾ വരെ പ്രസിദ്ധീകരിച്ച്‌ പണിപ്പുരയിലായ സമയത്താണ്, വിവാഹം നടക്കാൻ കേവലം അഞ്ചാറ് ദിവസങ്ങൾക്കു മുമ്പ് താരം മനസ്സ് മാറ്റിയത്. സുഹൃത്തും സിനിമാ നിർമ്മാതാവുമായ സാജിദ് നദിയാദ്‌വാലയാണ് സംഭവം വെളിപ്പെടുത്തിയത്. സൽമാൻ കല്യാണത്തിൽ നിന്നും പിൻവാങ്ങാനുള്ള കാരണവും അദ്ദേഹം വ്യക്തമാക്കി (തുടർന്ന് വായിക്കുക)

2019 ലെ കപിൽ ശർമ്മ ഷോയിൽ പ്രത്യക്ഷപ്പെട്ടപ്പോൾ, സാജിദ് താനും സൽമാനും ഒരേ ദിവസം വിവാഹിതരാകാൻ പദ്ധതിയിട്ടിരുന്നുവെന്നതിനെക്കുറിച്ച് വ്യക്തമായി. പക്ഷെ അവസാന നിമിഷം താരം മനസ്സ് മാറ്റി. 'സൽമാന് നേരത്തെ ഒരു പെൺകുട്ടിയുണ്ടായിരുന്നു. പക്ഷെ എനിക്കാണെങ്കിൽ ഒരാളെ കണ്ടെത്തണമായിരുന്നു...

എനിക്കും ഒരു പെണ്ണിനെ കണ്ടുപിടിക്കാൻ ഞാൻ അമ്മയോടും വീട്ടുകാരോടും പറഞ്ഞു. സൽമാനും ഞാനും ഒരേദിവസം വിവാഹം നടത്താനും പദ്ധതിയിട്ടിരുന്നു. അദ്ദേഹത്തിന്റെ അച്ഛൻ സലിം സാറിന്റെ വാർഷികം നവംബർ 18 നാണ്. അതിനാൽ ഞങ്ങൾക്ക് അതേ തീയതിയിൽ തന്നെ വിവാഹം ചെയ്യാം എന്നായിരുന്നു പ്ലാൻ,' സാജിദ് പങ്കുവെച്ചു

25 പേരടങ്ങുന്ന ഒരു ചെറിയ ചടങ്ങിന് വിവാഹ കാർഡുകൾ പോലും പ്രിന്റ് ചെയ്ത് നൽകി. പക്ഷേ, ഇത് അപ്രതീക്ഷിത വഴിത്തിരിവായി. വിവാഹ 'തിയതിക്ക് 5-6 ദിവസം മുമ്പ്, അദ്ദേഹം വിവാഹത്തിന് 'മൂഡ് ഇല്ല' എന്ന് പറഞ്ഞു. മനസ്സ് മാറി. എന്നിട്ട് എന്റെ കല്യാണം നടക്കുമ്പോൾ സ്റ്റേജിൽ വന്ന് 'പുറത്ത് ഒരു വണ്ടി കാത്ത് കിടപ്പുണ്ട്, നീയും മനസ്സ് മാറ്റി ഓടിപ്പോകൂ,' എന്ന് എന്റെ കാതുകളിൽ സ്വകാര്യമായി പറഞ്ഞു

2000-ൽ വാർധ ഖാനുമായുള്ള തന്റെ രണ്ടാം വിവാഹത്തെക്കുറിച്ചാണ് സാജിദ് സംസാരിച്ചത്. ഇദ്ദേഹത്തിന്റെ സത്യസന്ധമായ ഏറ്റുപറച്ചിൽ എല്ലാവരേയും ചിരിപ്പിച്ചു. ഒപ്പം ഹൗസ്ഫുൾ 4 എന്ന സിനിമയുടെ പ്രമോഷനായി സാജിദിനൊപ്പം എത്തിയ അക്ഷയ് കുമാറും സഹതാരങ്ങളായ കൃതി സനോൻ, പൂജ ഹെഗ്‌ഡെ, കൃതി എന്നിവരും ഉണ്ടായിരുന്നു

സൽമാൻ വിവാഹം കഴിക്കാൻ പദ്ധതിയിട്ടിരുന്ന പെൺകുട്ടിയുടെ പേര് സാജിദ് പരാമർശിച്ചില്ലെങ്കിലും സംഗീത ബിജ്‌ലാനിയെ വിവാഹം കഴിക്കാൻ ആയിരുന്നു പ്ലാൻ എന്ന് സംസാരമുണ്ട്. 'ഞാൻ ശരിക്കും വിവാഹം കഴിക്കാൻ ആഗ്രഹിച്ച ഒരു സമയമുണ്ടായിരുന്നു, അത് നടന്നില്ല,' മുൻപ് ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിൽ സൽമാൻ അനുസ്മരിച്ചു