Bigg Boss 16| 1000 കോടിയോ! ബിഗ്ബോസ് അവതാരകനാകാൻ സൽമാൻ ഖാന്റെ പ്രതിഫലം?

ഇന്ത്യയിൽ ഏറ്റവും കൂടുതൽ ജനപ്രീതിയുള്ള റിയാലിറ്റി ഷോയാണ് ബിഗ്ബോസ് (Bigg Boss). മലയാളത്തിലടക്കം വൻ സ്വീകാര്യതയാണ് ബിഗ് ബോസിന് ലഭിക്കുന്നത്. വമ്പൻ താരങ്ങളാണ് ഈ റിയാലിറ്റി ഷോയിൽ അവതാരകരായി എത്തുന്നതും. (Image: Instagram)

തെന്നിന്ത്യൻ ഭാഷകളിൽ ഈ റിയാലിറ്റി ഷോ തുടങ്ങിയിട്ട് ഏതാനും വർഷങ്ങൾ മാത്രമേ ആയിട്ടുള്ളൂവെങ്കിലും ബിഗ് ബോസ് ഷോ ഇന്ത്യയിൽ കൂടുതൽ പ്രചാരത്തിലായത് സൽമാൻ ഖാൻ അവതാരകനായി എത്തുന്ന ഹിന്ദി ബിഗ്ബോസിലൂടെയാണ്.

ഹിന്ദി ബിഗ് ബോസ് പുതിയ സീസൺ പ്രഖ്യാപിച്ചതോടെ മത്സരാർത്ഥികളായി ആരൊക്കെ എത്തുമെന്ന കാത്തിരിപ്പിലാണ് ആരാധകർ. ഈ ഷോയെ കൂടുതൽ ജനകീയമാക്കുന്നതിൽ അവതരാകൻ സൽമാൻ ഖാനാണ് മുഴുവൻ ക്രെഡിറ്റും.

ബിഗ് ബോസ് പുതിയ സീസണിൽ ഏറ്റവും കൂടുതൽ ചർച്ചയാകുന്നതും സൽമാൻ ഖാൻ തന്നെ. കളേർസ് ടിവിയിൽ സംപ്രേഷണം ചെയ്യുന്ന ഷോയ്ക്ക് സൽമാൻ ഖാൻ വൻതുകയാണ് പ്രതിഫലമായി വാങ്ങുന്നത്. ഇപ്പോൾ പുതിയ സീസണിലേക്ക് സൽമാൻ ഖാൻ വാങ്ങുന്ന പ്രതിഫലമാണ് ചർച്ചയാകുന്നത്. (Image: Instagram)

കഴിഞ്ഞ പതിമൂന്ന് വർഷമായി സൽമാൻ ഖാനാണ് ഷോയുടെ അവതാരകൻ. പുതിയ റിപ്പോർട്ടുകൾ അനുസരിച്ച് ബിഗ്ബോസ് 16 സീസണിൽ അവതാരകനാകാൻ സൽമാൻ റെക്കോർഡ് തുകയാണ് വാങ്ങുന്നത്. (image: Instagram)

ടെല്ലിചക്കർ എന്ന വെബ്സൈറ്റാണ് ഇതുസംബന്ധിച്ച് വാർത്ത നൽകിയിരിക്കുന്നത്. മുൻ സീസണുകളിൽ പ്രതിഫല തുക കാര്യമായി കൂട്ടാത്തതിനാൽ ഇക്കുറി മൂന്ന് മടങ്ങ് അധികം തുകയാണ് സൽമാൻ ആവശ്യപ്പെട്ടിരിക്കുന്നത്. അതായത് 1000 കോടി പ്രതിഫലമാണ് താരം ആവശ്യപ്പെട്ടിരക്കുന്നതെന്നാണ് റിപ്പോർട്ട്.

പ്രതിഫല തുക കൂട്ടാതെ, അവതാരകനാകാൻ ഒരുക്കമല്ലെന്ന് സംഘാടകരെ സൽമാൻ അറിയിച്ചതായും റിപ്പോർട്ടിൽ പറയുന്നു. എന്നാൽ, ഈ വാർത്തയുടെ സ്ഥിരീകരണവും ഇതുവരെ ഉണ്ടായിട്ടില്ല. (Image: Instagram)

കഴിഞ്ഞ സീസണുകളിൽ 350 കോടിയായിരുന്നത്രേ താരത്തിന് പ്രതിഫലമായി ലഭിച്ചത്. പുറത്തു വരുന്ന വാർത്തകൾ സത്യമാണെങ്കിൽ ഇക്കുറി താരത്തിന്റെ പ്രതിഫലം 1050 കോടിയായിരിക്കും. (image: Instagram)

അതേസമയം, ബിഗ് ബോസ് 16, ബിഗ് ബോസ് ഒടിടി 2 എന്നിവയ്ക്കായി നിർമ്മാതാക്കൾ 17 സെലിബ്രിറ്റികളെ സമീപിച്ചതായും റിപ്പോർട്ടുകളുണ്ട്. അർജുൻ ബിജ്‌ലാനി, ദിവ്യാങ്ക ത്രിപാഠി, ശിവാംഗി ജോഷി, ടീന ദത്ത, ആരുഷി ദത്ത, പൂനം പാണ്ഡെ, ശിവം ശർമ, ജയ് ദുധാനെ, മുൻമുൻ ദത്ത, അസ്മ ഫലാഹ്, കാറ്റ് ക്രിസ്റ്റ്യൻ, ജന്നത്ത്, സുബൈർ, ഫൈസൽ ഷെയ്ഖ്, അൽമാസിഫർ, ബസീർ അലി, എന്നിവരെ സമീപിച്ചതായി റിപ്പോർട്ടുണ്ട്.