Salman Khan | സൽമാൻ ഖാന് അച്ഛനാവണം, പക്ഷേ... നടന്റെ വിചിത്രമായ ആഗ്രഹം ഇങ്ങനെ

ഇന്ന് നടൻ സൽമാൻ ഖാന്റെ (Salman Khan) 57-ാം ജന്മദിനം. ഇത്രയും നാളായി വിവാഹം ചെയ്യാതെ ബോളിവുഡിന്റെ 'മോസ്റ്റ് എലിജിബിൾ ബാച്ചിലറായി' തുടരുകയാണ് താരം. ഈ ജന്മദിനത്തിന് നടന്റെ ഒരു പ്രധാന ആഗ്രഹം എങ്ങും ശ്രദ്ധ നേടുകയാണ്. സൽമാൻ ഖാൻ എന്നാൽ കുട്ടികളോട് ഏറെ സ്നേഹവും അടുപ്പവും കാത്തുസൂക്ഷിക്കുന്ന വ്യക്തി കൂടിയാണ്

ഇദ്ദേഹത്തിന് പിതാവാകാൻ ഏറെ ആഗ്രഹമുണ്ട് താനും. മുംബൈ മിററിനു നൽകിയ ഒരു അഭിമുഖത്തിന്റെ ശകലങ്ങൾ ഇപ്പോൾ സോഷ്യൽ മീഡിയയിൽ വൈറലായി മാറുകയാണ്. അച്ഛനാവാൻ ആഗ്രഹം ഉണ്ടെങ്കിലും അതിനൊരു നിബന്ധന സൽമാൻ മുന്നോട്ടുവച്ചിട്ടുണ്ട് (തുടർന്ന് വായിക്കുക)

സഹോദരങ്ങളുടെ മക്കളുമായും സൽമാൻ വളരെ അടുത്ത ബന്ധം സൂക്ഷിക്കുന്നുണ്ട്. പലപ്പോഴും അവരെ കയ്യിലെടുത്തും ഓമനിക്കുകയും ചെയ്യുന്ന ചിത്രങ്ങൾ സോഷ്യൽ മീഡിയയിൽ ഉയർന്നു വരാറുണ്ട്. പലരുമായും പ്രണയം ഉണ്ടായിരുന്നുവെങ്കിലും അതൊന്നും വിവാഹത്തിലെത്തിയില്ല

1991 മുതൽ 1999 വരെ നടൻ സോമി അലിയുമായി പ്രണയത്തിലായിരുന്നു. മോഡൽ സംഗീത ബിജിലാനിയുമായി പ്രണയത്തിലെന്നും വാർത്ത പരന്നു. ഐശ്വര്യ റായ്, കത്രീന കൈഫ് എന്നിവരുമായും നടൻ പ്രണയബന്ധത്തിൽ ഏർപ്പെട്ടു എന്ന് ഗോസിപ് കോളങ്ങൾ നിറഞ്ഞു

'എനിക്ക് കുട്ടികൾ വേണം. എന്നാൽ കുട്ടികൾക്കൊപ്പം അവരുടെ അമ്മയും വരും. എനിക്ക് കുട്ടികളുടെ അമ്മയെ ആവശ്യമില്ല. പക്ഷേ അവർക്കു വേണം. അവരെ വളർത്താൻ എനിക്കൊരു ഗ്രാമം തന്നെയുണ്ട്. എല്ലാർക്കും വേണ്ടി ഒരു വിൻ-വിൻ സാഹചര്യം ഒരുപക്ഷെ സൃഷ്‌ടിക്കാൻ സാധിക്കും,' സൽമാൻ പറഞ്ഞു

ലൂലിയ വന്തുർ എന്ന മോഡലുമായി സൽമാൻ പ്രണയത്തിലാണെന്ന് വിവരമുണ്ട്. ഇവർ വിവാഹം ചെയ്യും എന്ന് വളരെ വർഷങ്ങൾക്ക് മുൻപേ വാർത്ത വന്നിരുന്നെങ്കിലും, അത് നടക്കാതെ പോയിരുന്നു

സഹോദരി അർപ്പിത ഖാന്റെ വീട്ടിലായിരുന്നു ഇക്കുറി സൽമാൻ ഖാന്റെ ജന്മദിനാഘോഷം. സുഹൃത്തായ ഷാരൂഖ് ഖാൻ ഉൾപ്പെടെയുള്ളവർ ജന്മദിനാഘോഷത്തിൽ പങ്കുകൊണ്ടു. ടൈഗർ 3, 'കിസി കാ ഭായ്, കിസി കി ജാൻ' എന്ന ചിത്രങ്ങൾ സൽമാൻ ഖാന്റേതായി വരാനുണ്ട്