Samantha | വിലയൊന്നും നോക്കീല; മുൻ ഭർത്താവുമൊന്നിച്ചു താമസിച്ച വീട് പണമെറിഞ്ഞ് സ്വന്തമാക്കി സാമന്ത

കരൺ ജോഹറിന്റെ 'കോഫി വിത്ത് കരൺ' എന്ന പരിപാടിയിൽ ഏറ്റവും അടുത്തായി പ്രത്യക്ഷപ്പെട്ട് തരംഗം സൃഷ്ടിച്ച ടോളിവുഡ് നടി സാമന്ത റൂത്ത് പ്രഭുവിന് (Samantha Ruth Prabhu) സന്തോഷിക്കാൻ കൂടുതൽ കാരണങ്ങളുണ്ട്. 2021ൽ തെലുങ്ക് നടൻ നാഗ ചൈതന്യയുമായി വേർപിരിഞ്ഞ നടി മുൻ ഭർത്താവിനൊപ്പം താമസിച്ചിരുന്ന വീട് തിരികെ വാങ്ങിയതായി റിപ്പോർട്ട് പുറത്തുവന്നുകഴിഞ്ഞു

നടൻ മുരളി മോഹൻ അടുത്തിടെ നൽകിയ ഒരു അഭിമുഖത്തിൽ ദമ്പതികളെ കുറിച്ച് സംസാരിച്ചതിന് ശേഷമാണ് സംഭവവികാസം വെളിച്ചത്ത് വന്നത്. നാഗചൈതന്യയിൽ നിന്ന് ജീവനാംശത്തിന്റെ ഭാഗമായാണ് നടിക്ക് വീട് ലഭിച്ചതെന്ന അഭ്യൂഹങ്ങൾക്ക് അയൽവാസിയായ മോഹനും വിശദീകരണം നൽകി. സാമന്തയും ചൈതന്യയും തങ്ങളുടെ വീട് വിറ്റ് മറ്റൊരു വീട് വാങ്ങിയെന്നാണ് മോഹൻ പറയുന്നത്. പുതിയ വീട് പുതുക്കിപ്പണിയുന്നതു വരെ അവർ പഴയ വീട്ടിൽ തുടർന്നു. എന്നാൽ വിവാഹമോചന ശേഷം പണംവാരിയെറിഞ്ഞ് സാമന്ത ആ വീട് സ്വന്തമാക്കി എന്ന് റിപ്പോർട്ടിൽ പറയുന്നു (തുടർന്ന് വായിക്കുക)

വേർപിരിയലിനെ തുടർന്ന് സാമന്ത തന്നെ സമീപിച്ച് വീട് വാങ്ങാമെന്ന് വാഗ്ദാനം ചെയ്തുവെന്ന് മോഹൻ അഭിമുഖത്തിൽ പറഞ്ഞു. സാമന്തയ്ക്ക് മറ്റൊരിടത്തും സുഖമായി താമസിക്കാനുള്ള സാഹചര്യമില്ലെന്നും, ഉയർന്ന വില നൽകി വീട് തിരികെ വാങ്ങിയെന്നും 82 കാരനായ താരം അഭിമുഖത്തിൽ പറയുന്നത് കേൾക്കാം. അമ്മയ്‌ക്കൊപ്പമാണ് നടി ഈ വീട്ടിൽ ഇപ്പോൾ താമസിക്കുന്നതെന്നും മോഹൻ സൂചിപ്പിച്ചു

തെലുങ്ക് ഫിലിം പ്രൊഡ്യൂസേഴ്‌സ് കൗൺസിലിന്റെ ഒഫീഷ്യൽ യൂട്യൂബ് ചാനലിൽ പങ്കുവെച്ച അഭിമുഖത്തിലാണ് മോഹൻ തന്റെ സഹോദരനും മകനുമൊപ്പം താമസിക്കാൻ ഒരു ബഹുനില വീട് നിർമ്മിച്ചതെന്ന് പറഞ്ഞു. എന്നിരുന്നാലും, ചൈതന്യ വീട് കണ്ടപ്പോൾ അത് തനിക്ക് വാങ്ങണമെന്ന് പറഞ്ഞ് സമീപിച്ചു

രണ്ട് താരങ്ങളുടെയും വേർപിരിയലിൽ നടൻ ഞെട്ടൽ പ്രകടിപ്പിച്ചു. സാമന്തയും ചൈതന്യയും പരസ്പരം അനുയോജ്യരായിരുന്നുവെന്ന് മോഹൻ അഭിപ്രായം പ്രകടിപ്പിച്ചു

ഈ വീടിനായി സാമന്ത 100 കോടി രൂപ ചിലവഴിച്ചു എന്നാണ് റിപോർട്ടുകൾ സൂചിപ്പിക്കുന്നത്

ഫിലിപ്പ് ജോണിന്റെ 'ദ അറേഞ്ച്മെന്റ്സ് ഓഫ് ലവ്' എന്ന ചിത്രത്തിലൂടെ സാമന്ത ഹോളിവുഡിൽ അരങ്ങേറ്റം കുറിക്കുകയാണ്