'കോഹ്ലി സെഞ്ചുറി അടിച്ചദിവസം കരച്ചിലിന്റെ വക്കോളമെത്തി'; സാമന്ത

മുന്‍ ഇന്ത്യന്‍ ക്യാപ്റ്റൻ വിരാട് കോഹ്ലി ആരാധനയെക്കുറിച്ച് തുറന്നു പറഞ്ഞ് തെന്നിന്ത്യന്‍ താരം സാമന്ത. കോഹ്ലിയുടെ 71മാത്തെ സെഞ്ചുറി തനിക്ക് വളരെ സ്പെഷ്യലാണെന്ന് താരം പറയുന്നു. ഒരു അഭിമുഖത്തിനിടെയായിരുന്നു സാമന്തയുടെ വെളിപ്പെടുത്തൽ. വിരാട് കോഹ്ലി എന്നും പ്രചോദനമാണെന്ന് താരം പറയുന്നു.

മൂന്നു വർ‌ഷത്തെ ഇടവേളയ്ക്ക് ശേഷം കോഹ്ലി സെഞ്ചുറി അടിച്ചപ്പോൾ കരച്ചിലിന്റെ വക്കോളമെത്തിയെന്ന് സാമന്ത പറയുന്നു. 022-ലെ ഏഷ്യാ കപ്പിലാണ് കോലി കരിയറിലെ 71-ാം സെഞ്ചുറി നേടിയത്.

‘‘ഒരു ഘട്ടത്തിൽ വിരാടിന് ഫോം നഷ്ടപ്പെട്ടിരുന്നു. വലിയ തോതിൽ വിമർശനവും നേരിടേണ്ടിവന്നു. തുടർന്ന് വമ്പൻ തിരിച്ചുവരവാണ് കോഹ്ലി നടത്തിയത്'' സാമന്ത പറയുന്നു.

കോഹ്ലി ആ സെഞ്ചുറി നേടിയത് അദ്ദേഹത്തിന് വേണ്ടി മാത്രമാണെന്ന് കരുതുന്നില്ലെന്നും ചുറ്റുള്ളവർക്ക് കൂടിയാണെന്നും സാമന്ത ചൂണ്ടിക്കാട്ടി. സമാന്ത വ്യക്തമാക്കി. മഹേന്ദ്ര സിങ് ധോണിയെ ഇഷ്ടമാണെന്നും, അതുകൊണ്ടാണ് ചെന്നൈ സൂപ്പർ കിങ്സ് തന്റെ പ്രിയപ്പെട്ട ടീമായതെന്ന് താരം പറയുന്നു.

ആയിരത്തിലേറെ ദിവസങ്ങളുടെ സെഞ്ചറി ക്ഷാമത്തിനു വിരാമമിട്ടുകൊണ്ടാണ് അഫ്ഗാനിസ്ഥാനെതിരെയാണ് വിരാട് കോഹ്ലി കരിയറിലെ 71-ാമത്തെ സെഞ്ചുറി നേടിയത്. 2022 ജൂലൈ– ഓഗസ്റ്റ് മാസങ്ങളിൽ ക്രിക്കറ്റിൽനിന്നു വിശ്രമമെടുത്ത ശേഷമാണു കോലി അതിഗംഭീര തിരിച്ചുവരവ് നട‌ത്തിയത്.

വിജയ് ദേവരകൊണ്ട നായകനാകുന്ന ഖുശിയാണ് സാമന്തയുടെ റിലീസിനൊരുങ്ങുന്ന ചിത്രം. 'മജിലി', 'ടക്ക് ജഗദീഷ്' തുടങ്ങിയ ചിത്രങ്ങൾ ഒരുക്കിയ ശിവ നിർവാണയാണ് ചിത്രത്തിന്റെ കഥയും തിരക്കഥയും സംവിധാനവും നിർവഹിക്കുന്നത്.