Samantha | മൂന്ന് മിനിറ്റ് ഐറ്റം ഡാൻസിന് സാമന്തയുടെ പ്രതിഫലം കോടികൾ; പ്രേരണയായത് അല്ലു അർജുൻ

'പുഷ്പ: ദ റൈസിന്റെ' (Pushpa The Rise) കിടിലൻ നൃത്ത ഗാനത്തിലൂടെ സാമന്ത റൂത്ത് പ്രഭു (Samantha Ruth Prabhu) ആരാധകരെ ഞെട്ടിച്ചു. ഊ അന്താവാ, ഊ ഊ അന്തവാ... ഗാനത്തിലെ ഹോട്ട് ലുക്കിൽ സാമന്തയെ ആരാധകർ ഏറെ ഇഷ്ടപ്പെടുന്നു. കൃതി സനോൻ, സഞ്ജീദ ഷെയ്ഖ് എന്നിവരുൾപ്പെടെയുള്ള നടിമാരിൽ നിന്നും സാമന്ത പ്രശംസകൾ ഏറ്റുവാങ്ങി. എന്നിരുന്നാലും, പുഷ്‌പ ഗാനത്തിൽ സാമന്തയെ ഉൾപ്പെടുത്താൻ ഒരുപാട് കാര്യങ്ങൾ ബോധിപ്പിക്കേണ്ടി വന്നെന്നാണ് പുതിയ റിപ്പോർട്ട്

പുഷ്പയുടെ നായകൻ അല്ലു അർജുനും സാമന്തയെ ഈ ഉദ്യമം ഏറ്റെടുക്കാൻ വ്യക്തിപരമായി ബോധ്യപ്പെടുത്തിയെന്നാണ് പുതിയ റിപ്പോർട്ട്. കൂടാതെ, മൂന്ന് മിനിറ്റ് ദൈർഘ്യമുള്ള ഗാനത്തിന് സാമന്ത ഈടാക്കിയ പ്രതിഫലവും റിപ്പോർട്ടിൽ പറയുന്നു (തുടർന്ന് വായിക്കുക)

അതേസമയം, ഗാനത്തിന്റെ മ്യൂസിക് വീഡിയോ ഡിസംബറിൽ 100 ​​ദശലക്ഷം വ്യൂസ് കവിഞ്ഞു. പുഷ്പയുടെ റിലീസിന് തൊട്ടുപിന്നാലെ, അല്ലു അർജുനും പുഷ്പ ടീമിനും സാമന്ത ഇൻസ്റ്റഗ്രാമിൽ നന്ദി പറഞ്ഞു. പാട്ടിലെ ഒരു സ്റ്റിൽ അവർ പങ്കുവെച്ചു

IWMBUZZ റിപ്പോർട്ടിൽ സുഭാഷ് കെ ഝായോട് ഒരു സ്രോതസ്സ് പറഞ്ഞതിങ്ങനെ: 'ഊ അന്തവ നൃത്തത്തിന് അവർ വൻതുക ചാർജ്ജ് ചെയ്തു. അവർ തുടക്കത്തിൽ വളരെ മടിച്ചു. ചിത്രത്തിലെ നായകൻ അല്ലു അർജുൻ വ്യക്തിപരമായി അതിനുള്ള ശ്രമം നടത്തി അവരെ ബോധ്യപ്പെടുത്തുകയായിരുന്നു. 3 മിനിറ്റ് ദൈർഘ്യമുള്ള ആ ഡാൻസ് നമ്പറിന് അവർക്ക് ഏകദേശം 5 കോടി രൂപ നൽകേണ്ടി വന്നു'

പുഷ്പ: ദി റൈസിന്റെ തുടർച്ചയായ 'പുഷ്പ 2ൽ' മറ്റൊരു ‘പ്രത്യേക’ ഗാനത്തിനായി സാമന്തയെ പരിഗണിക്കുന്നുണ്ടെന്നും ഈ സ്ത്രോതസ്സ് കൂട്ടിച്ചേർത്തു

നയൻതാരയ്‌ക്കും വിജയ് സേതുപതിക്കുമൊപ്പം 'കാട്ടുവാക്കുള രണ്ടു കാതൽ' ഉൾപ്പെടെയുള്ള ചില പ്രോജക്‌റ്റുകൾ സാമന്തയ്‌ക്ക് മുന്നിലുണ്ട്. ആദ്യ വിദേശ ചിത്രമായ 'അറേഞ്ച്മെന്റ്സ് ഓഫ് ലവും' സാമന്തയുടേതായി വരാനിരിക്കുന്നു