Samantha | വിവാഹമോചന പോസ്റ്റ് പിൻവലിച്ച് സാമന്ത, നാഗചൈതന്യയുമായി ഒന്നിക്കുമോ എന്ന് ആരാധകർ; യഥാർത്ഥ കാരണം മറ്റൊന്ന്

നാഗ ചൈതന്യയിൽ നിന്ന് വേർപിരിയൽ പ്രഖ്യാപിച്ച തെന്നിന്ത്യൻ നടി സാമന്ത റൂത്ത് പ്രഭു (Samantha Ruth Prabhu) അടുത്തിടെ വിവാഹമോചനം പ്രഖ്യാപിച്ചുകൊണ്ടുള്ള പോസ്റ്റ് ഡിലീറ്റ് ചെയ്തു. സാധ്യമായ ഒരു ഒത്തുചേരൽ ഉണ്ടാവുമെന്ന് ആരാധകർ ആകാംക്ഷാഭരിതരായി. കഴിഞ്ഞ വർഷം ഒക്ടോബറിൽ സാമന്തയും നാഗ ചൈതന്യയും സമാനമായ പോസ്റ്റുകൾ പങ്കുവെച്ച് സോഷ്യൽ മീഡിയയിൽ തങ്ങളുടെ വേർപിരിയൽ പ്രഖ്യാപിച്ചിരുന്നു

2010-ൽ ഗൗതം മേനോന്റെ 'യേ മായ ചെയ്‌സാവേ' എന്ന സിനിമയുടെ സെറ്റിൽ വെച്ചാണ് സാമന്തയും നാഗ ചൈതന്യയും കണ്ടുമുട്ടിയത്. 2017 ഒക്ടോബർ 6 ന് ഗോവയിൽ വെച്ച് ഇരുവരും വിവാഹിതരായി, തുടർന്ന് ഒക്ടോബർ 7, 2017 ന് ക്രിസ്ത്യൻ വിവാഹവും നടന്നു. സാമന്ത പോസ്റ്റ് പിൻവലിച്ചത് നാഗചൈതന്യയുമായി ഇതുചേരാനാണോ എന്ന ചോദ്യത്തിന് ഇപ്പോൾ ലഭിക്കുന്ന മറുപടി ഇതാണ് (തുടർന്ന് വായിക്കുക)

'ഇൻസ്റ്റഗ്രാമിലെ തന്റെ വിവാഹമോചന പോസ്റ്റ് സാമന്ത ഡിലീറ്റ് ചെയ്തു. എന്താണ് നടക്കുന്നത് എന്നതിലേക്ക് കടക്കുന്നതിന് മുമ്പുതന്നെ, സാമന്ത തന്റെ ഇൻസ്റ്റയിൽ കെട്ടിക്കിടക്കുന്ന പോസ്റ്റുകൾ ഒഴിവാക്കുകയും തന്റെ ജീവിതവുമായി ബന്ധമില്ലാത്ത പോസ്റ്റുകൾ ഇല്ലാതാക്കുകയാണെന്നും അറിയുന്നു. ഖേദകരമെന്നു പറയട്ടെ, ഇരുവരും ജീവിതത്തിൽ മുന്നോട്ട് പോയതിനാൽ ചായ്, സാം വീണ്ടും ഒന്നിച്ചേക്കില്ല!' തെലുങ്ക് വെബ്‌സൈറ്റ് ആയ Gulte ട്വീറ്റിൽ ഇങ്ങനെ പറഞ്ഞു

പല അവസരങ്ങളിലും തന്റെ വേർപിരിയലിനെക്കുറിച്ച് സാമന്ത പറഞ്ഞപ്പോൾ, ചൈതന്യ പരസ്യമായി ഒന്നും പറയാതിരിക്കാൻ തീരുമാനിക്കുകയായിരുന്നു. എന്നിരുന്നാലും, ബോൾഡ് വേഷങ്ങൾ ചെയ്യാനുള്ള സാമന്തയുടെ തീരുമാനത്തിൽ നാഗ ചൈതന്യ അതൃപ്തി പ്രകടിപ്പിച്ചുവെന്നാണ് റിപോർട്ടുകൾ പുറത്തുവന്നിരിക്കുന്നത്

'ബോളിവുഡ് ലൈഫ്' റിപ്പോർട്ട് പറയുന്നതനുസരിച്ച്, വിവാഹശേഷം തന്റെ സിനിമകളിൽ ബോൾഡ് സീനുകളും ഐറ്റം നമ്പറുകളും ചെയ്യുന്നത് തുടരാനുള്ള സാമന്തയുടെ തീരുമാനത്തിൽ നാഗ ചൈതന്യ മാത്രമല്ല, അദ്ദേഹത്തിന്റെ മാതാപിതാക്കളായ നാഗാർജുന അക്കിനേനിയും മറ്റുള്ളവരും തൃപ്തരല്ലായിരുന്നത്രെ. കൂടാതെ സാമന്തയുടെ ഒരു സെക്സ് രംഗം കുടുംബത്തെയാകെ അതൃപ്തരാക്കി എന്നും റിപ്പോർട്ട് പരാമർശിക്കുന്നു

'ദി ഫാമിലി മാൻ 2' ലെ സാമന്തയുടെ സെക്സ് രംഗം കണ്ട് നാഗ ചൈതന്യയും കുടുംബവും പൂർണ്ണമായും ഞെട്ടിപ്പോയെന്നും തങ്ങൾ വഞ്ചിക്കപ്പെട്ടതായി തോന്നിയെന്നും റിപ്പോർട്ടിൽ പറയുന്നു

അടുത്തിടെ, ആരാധകർ നാഗ ചൈതന്യയുടെ ഒരു വീഡിയോ സോഷ്യൽ മീഡിയയിൽ ഷെയർ ചെയ്തിരുന്നു. അതിൽ തന്റെ വേഷങ്ങൾ തിരഞ്ഞെടുക്കുന്നതിനെക്കുറിച്ച്‌ ഒരു അഭിമുഖത്തിനിടെ ചോദ്യത്തിന് അദ്ദേഹം മറുപടി നൽകുന്നത് കാണാം

“എല്ലാത്തരം വേഷങ്ങൾക്കും ഞാൻ തയാറാണ്. എന്നിരുന്നാലും, ആ വേഷങ്ങൾ എന്റെ കുടുംബത്തെയും ഞങ്ങളുടെ അന്തസ്സിനേയും ബാധിക്കരുത്. എന്റെ കുടുംബാംഗങ്ങൾക്ക് നാണക്കേടുണ്ടാക്കുന്ന വേഷങ്ങൾ ഞാൻ സ്വീകരിക്കില്ല,” അദ്ദേഹം അഭിമുഖത്തിൽ പറഞ്ഞു. ഈയിടെയായി സാമന്ത ഏറ്റെടുത്തിരുന്ന ബോൾഡ് വേഷങ്ങൾ കാരണമാണോ ചൈതന്യ തന്റെ വിവാഹബന്ധം അവസാനിപ്പിക്കാൻ തീരുമാനിച്ചതെന്ന് ആരാധകർ സംശയം പ്രകടിപ്പിക്കുകയാണ്

സാമന്തയുടെയും ചൈതന്യയുടെയും വേർപിരിയൽ നടിയുടെ ബന്ധങ്ങളെക്കുറിച്ചുള്ള അഭ്യൂഹങ്ങൾക്ക് കാരണമായി. സാമന്ത ഒരിക്കലും കുട്ടികളെ ആഗ്രഹിച്ചിരുന്നില്ലെന്നും ഗർഭച്ഛിദ്രം നടത്തിയിട്ടുണ്ടെന്നും ചില റിപ്പോർട്ടുകൾ അവകാശപ്പെടുന്നു. ഇതിനെതിരെ സാമന്ത രംഗത്തെത്തുകയും ചെയ്തിരുന്നു