Samantha | സമാന്ത എളിമയുടെ പ്രതിരൂപം; വീട്ടിലെ വളർത്തുനായ്ക്കളുടെ വിസർജ്യം സ്വന്തമായി വൃത്തിയാക്കുമെന്ന് താരസുന്ദരി

ചുരുങ്ങിയ നാളുകൾ കൊണ്ട് പാൻ- ഇന്ത്യൻ താരം എന്ന നിലയിൽ പ്രശസ്തിയിലേക്കുയർന്ന നടിയാണ് സമാന്ത റൂത്ത് പ്രഭു (Samantha Ruth Prabhu). അടുത്ത ചിത്രം 'ശാകുന്തളം' തിയേറ്ററിലെത്താൻ ഇനി ദിവസങ്ങൾ മാത്രം ബാക്കി. മലയാള താരം ദേവ് മോഹനാണ് ഈ ചിത്രത്തിലെ നായകൻ. പ്രൊമോഷൻ വേളയിൽ സമാന്ത തന്റെ ജീവിതത്തിലെ ചില കാര്യങ്ങളും ചർച്ചയുടെ ഭാഗമായി വെളിപ്പെടുത്തി

ഡിസ്നി ചിത്രങ്ങളോടുള്ള ഇഷ്ടത്തെക്കുറിച്ചും ശകുന്തളയുടെ വേഷത്തെക്കുറിച്ചും സാമന്ത തുറന്നുപറഞ്ഞു. കുട്ടിക്കാലത്ത് ആ വേഷം ചെയ്യുന്നത് സ്വപ്നം കണ്ടിരുന്നു എന്ന് സമാന്ത പറഞ്ഞു. ശാകുന്തളത്തിലെ രാജകുമാരിയുടെ വേഷം സവിശേഷമാണെന്നും അത് പൂർണതയുടെ പ്രതീകമാണെന്നും അവർ പറഞ്ഞു (തുടർന്ന് വായിക്കുക)

തുടക്കത്തിൽ ഈ വേഷം ചെയ്യുന്നത് പേടിച്ചിരുന്നുവെന്നും, കഴിഞ്ഞ കുറച്ച് വർഷങ്ങളായി താൻ വെല്ലുവിളികൾ ഏറ്റെടുക്കുകയായിരുന്നുവെന്നും അവർ പറയുന്നു. ലളിതമായ ഒരു പ്രണയകഥയല്ലാത്ത ഈ തിരക്കഥയിൽ നിർമ്മാതാവ് ദിൽ രാജുവിന് നല്ല വിശ്വാസമുണ്ടെന്നും അവർ പറഞ്ഞു

പ്രണയം, വീണ്ടെടുപ്പ്, വഞ്ചന തുടങ്ങിയ ഘടകങ്ങൾ ഈ കഥയിലുണ്ടെന്ന് സമാന്ത മാധ്യമങ്ങളോട് പറഞ്ഞു. അതേസമയം, ഇത്രയും വലിയ താരപ്രഭയിൽ നിൽക്കുമ്പോൾ തന്നെ ജീവിതത്തിൽ താൻ എങ്ങനെയാണെന്നും സമാന്ത വെളിപ്പെടുത്തി

പാൻ-ഇന്ത്യൻ താരമായതില്പിന്നെ ജീവിതം മാറിമറിഞ്ഞതെങ്ങനെ എന്ന ചോദ്യത്തിനായിരുന്നു മറുപടി. 'ഞാനൊരു പാൻ-ഇന്ത്യ താരമാണെന്ന് ആരെങ്കിലും എന്റെ വളർത്തുനായ്ക്കളോട് പറയണം, കാരണം ഞാൻ ഇപ്പോഴും അവരുടെ വിസർജ്യം വൃത്തിയാക്കാറുണ്ട്' എന്ന് ചിരിച്ചുകൊണ്ട് സമാന്ത പറഞ്ഞു

'ഞാൻ വൈകുന്നേരം ആറ് മണിവരെയാണ് താരം. അത് കഴിഞ്ഞാൽ, കുറഞ്ഞ പക്ഷം, എന്റെ തലയ്ക്കുള്ളിലെങ്കിലും, എല്ലാം പഴയതുപോലെയാവും' എന്ന് സമാന്ത