Samantha | സമാന്തയുടെ രോഗാവസ്ഥയുടെ മറുപുറം; ഓടിക്കൂടിയ ക്യാമറകൾക്ക് മുന്നിൽ അസ്വസ്ഥയായി താരം

സിനിമയെക്കാളേറെ ജീവിതത്തിൽ വെല്ലുവിളികൾ നേരിട്ട നടിയാണ് സമാന്ത റൂത്ത് പ്രഭു (Samantha Ruth Prabhu). മയോസിറ്റിസ് എന്ന രോഗാവസ്ഥയോട് മല്ലിട്ടാണ് സമാന്ത ഓരോ ദിവസവും തള്ളിനീക്കുന്നത്. വിവാഹമോചനം എന്ന വലിയ കടമ്പ നേരിട്ടതിനു ശേഷമാണ് ദിവസങ്ങളോളം ആശുപത്രി വാസം വേണ്ടിവന്ന രോഗാവസ്ഥയിലൂടെ താൻ കടന്നുപോകുന്നത് എന്ന് സമാന്ത വെളിപ്പെടുത്തിയത്. കഴിഞ്ഞ ദിവസം നടന്ന ഒരു സംഭവം ഇതിന്റെ നേർക്കാഴ്ചയായി മാറി

നിലവിൽ പുതിയ ചിത്രം ശാകുന്തളം പ്രൊമോഷന്റെ ഭാഗമായി ഓടിനടന്ന് ജോലിയെടുക്കുന്ന തിരക്കിലാണ് സമാന്ത. കഴിഞ്ഞ ദിവസം പുത്തൻ ഹെയർസ്റ്റൈലുമായി സമാന്ത പ്രത്യക്ഷപ്പെട്ടിരുന്നു. ഇത് പകർത്താൻ കൂടെക്കൂടിയ പാപ്പരാസികൾക്ക് മുന്നിൽ നടന്നു നീങ്ങാൻ ബുദ്ധിമുട്ടുന്ന സമാന്തയെയാണ് ഏവരും കണ്ടത് (തുടർന്ന് വായിക്കുക)

വീഡിയോ പോസ്റ്റ് ചെയ്യപ്പെട്ടതും ആരാധകർ പലരും രോഷം പൂണ്ടു. ഇത്രയും നിസാരമായാണോ അവരുടെ അവസ്ഥയെ ഫോട്ടോഗ്രാഫർമാർ കൈകാര്യം ചെയ്തത് എന്ന് പലരും വിമർശിച്ചു. മയോസിറ്റിസ് രോഗാവസ്ഥയുടെ മറുപുറമാണ് ഈ കണ്ടത്. ഇതേക്കുറിച്ച് സമാന്ത തന്നെ പറഞ്ഞിട്ടുമുണ്ട്

കഴിഞ്ഞ വർഷമാണ് സമാന്ത മയോസിറ്റിസിനെ കുറിച്ച് തുറന്ന് പറഞ്ഞത്. അടുത്തിടെ ഒരു അഭിമുഖത്തിൽ, നടി രോഗവുമായുള്ള തന്റെ പോരാട്ടത്തെക്കുറിച്ച് സംസാരിക്കുകയും തന്റെ കണ്ണുകൾ പ്രകാശത്തോട് സെൻസിറ്റീവ് ആണെന്ന് വെളിപ്പെടുത്തുകയും ചെയ്തു

'ഒരു അഭിനേതാവെന്ന നിലയിൽ കണ്ണുകൾ വികാരങ്ങൾ പ്രകടിപ്പിക്കാനുള്ള ഒരു മാധ്യമമാണ്. എല്ലാ ദിവസവും ഞാൻ എന്റെ കണ്ണുകളിൽ സൂചി കുത്തുന്ന പോലുള്ള വേദനയുമായാണ് ഉണരുന്നത്. എന്റെ കണ്ണുകൾ പ്രകാശത്തോട് സെൻസിറ്റീവ് ആണ്...

വിനോദത്തിനോ സ്റ്റൈലിനോ വേണ്ടി ഞാൻ കണ്ണട ധരിക്കാറില്ല. വെളിച്ചം യഥാർത്ഥത്തിൽ എന്റെ കണ്ണുകളെ ബാധിക്കുന്നു. എനിക്ക് തീവ്രമായ മൈഗ്രേൻ ഉണ്ട്, എന്റെ കണ്ണുകളിൽ തീവ്രമായ വേദനയുണ്ട്, വേദന കാരണം അവ വീർക്കാറുണ്ട്. കഴിഞ്ഞ 8 മാസമായി ഇതാണ് സ്ഥിതി. ഒരു അഭിനേതാവിന് സംഭവിക്കുന്ന ഏറ്റവും മോശമായ കാര്യമാണിത്,” സമാന്ത ബോളിവുഡ് ബബിളിനോട് പറഞ്ഞു

ദേവ് മോഹൻ നായകനാകുന്ന 'ശാകുന്തളം' റിലീസിന് തയ്യാറെടുക്കുകയാണ് സമാന്ത. മഹാഭാരതത്തിലെ ശകുന്തളയുടെയും ദുഷ്യന്ത മഹാരാജാവിന്റെയും ഇതിഹാസ പ്രണയകഥയാണ് 'ശാകുന്തളം' അവതരിപ്പിക്കുന്നത്. ചിത്രം ഏപ്രിൽ 14ന് തിയേറ്ററുകളിലെത്തും