Samantha | അരിച്ചാക്കിനോളം ഭാരമുള്ള സാരി, കോടികളുടെ ആഭരണം; സമാന്ത 'ശാകുന്തളത്തിന്' വേണ്ടി ധരിച്ചത് എന്തെല്ലാം?

ആരോഗ്യകരമായി അത്രനല്ല കാലഘട്ടത്തിലൂടെയല്ല സമാന്ത റൂത്ത് പ്രഭു (Samantha Ruth Prabhu) ഇപ്പോൾ സഞ്ചരിക്കുന്നത്. എന്നാൽ സിനിമാ ലോകത്ത് സാമന്തയെ തേടി അവസരങ്ങൾ കുമിഞ്ഞു കൂടുകയുമാണ്. താരറാണി പദവിയിലേക്ക് സമാന്തയെ പിടിച്ചുയർത്തിയ ചിത്രമായ 'യശോദയ്ക്ക്' ശേഷം അടുത്തതായി മലയാള നടൻ ദേവ് മോഹൻ നായകനായ 'ശാകുന്തളം' റിലീസിന് തയാറെടുക്കുകയാണ്

യശോദയ്ക്ക് മുൻപ് 'കാത്തുവാക്കുലെ രണ്ട് കാതൽ' എന്ന സിനിമയിൽ സമാന്ത ശ്രദ്ധേയമായ പ്രകടനം നടത്തിയിരുന്നു. അടുത്ത ചിത്രമായ ശാകുന്തളത്തിലെ സമാന്തയുടെ അതിമനോഹരമായ ലുക്കുകൾ ഇതിനോടകം ചർച്ചയായിട്ടുണ്ട്. എന്നാൽ ഇതിനായി സമാന്ത സഹിച്ച ത്യാഗങ്ങളും ഇപ്പോൾ വാർത്തയാവുകയാണ് (തുടർന്ന് വായിക്കുക)

ഫെബ്രുവരി 17നാണ് ശാകുന്തളം തിയേറ്ററിൽ റിലീസാവുക. ഇതിൽ ദുഷ്യന്ത മഹാരാജാവിന്റെ വേഷമാണ് ദേവ് മോഹൻ ചെയ്യുക. ഇവർ തമ്മിലെ കെമിസ്ട്രി എങ്ങനെ വർക്ക്ഔട്ട് ആകും എന്ന കാത്തിരിപ്പിലാണ് ആരാധകർ

സിനിമയ്ക്കായി സമാന്ത 30 കിലോഗ്രാം ഭാരമുള്ള സാരി ധരിച്ചു എന്ന് പുതിയ റിപ്പോർട്ടിൽ പരാമർശമുണ്ട്. ഒരു വലിയ അരിച്ചാക്കിനോളം ഭാരമുള്ള ഈ സാരി ധരിച്ച് സമാന്ത ഷൂട്ട് ചെയ്തത് ഒരാഴ്ചക്കാലമാണത്രെ

ഈ സിനിമയിലെ സമാന്തയുടെ ആഭരണങ്ങളുടെ വിലയും പുറത്തുവന്നു കഴിഞ്ഞു. മൂന്നു കോടി രൂപ വിലമതിക്കുന്ന ആഭരണങ്ങളാണ് സമാന്ത ധരിച്ചതത്രെ. വസുന്ധര ഡയമണ്ട് റൂഫ് ഡിസൈൻ ചെയ്ത ആഭരണങ്ങളാണ് ഇവർ ധരിച്ചതത്രേ

വളരെയധികം ഭാരമുള്ള സാരി ധരിച്ച് ഷൂട്ട് ചെയ്യുക എന്നത് സമാന്തയെ സംബന്ധിച്ച് ഏറ്റവും വലിയ വെല്ലുവിളി കൂടിയായിരുന്നു എന്ന് സിനിമയുമായി ബന്ധപ്പെട്ട വൃത്തങ്ങൾ സൂചിപ്പിക്കുന്നു

ശാകുന്തളം സിനിമയിലെ ദുഷ്യന്ത മഹാരാജാവായുള്ള ദേവ് മോഹന്റെ ലുക്ക്