Sanju and Lakshmy | ഇളയകുഞ്ഞിന്റെ നൂലുകെട്ട് കഴിഞ്ഞു; സകുടുംബം സഞ്ജുവും ലക്ഷ്മിയും

സോഷ്യൽ മീഡിയയുടെ സ്ഥിരം പ്രേക്ഷകർക്ക് ചിരപരിചിതരാണ് സഞ്ജുവും ലക്ഷ്മിയും (Sanju and Lakshmy). ജീവിതഗന്ധിയായ നർമം അപ്പാടെ ഒപ്പിയെടുത്ത് വീഡിയോസ് ചെയ്താണ് തിരുവനന്തപുരം സ്വദേശികളായ ഈ ദമ്പതികൾ പ്രേക്ഷകർക്ക് പ്രിയപ്പെട്ടവരായത്. അടുത്തിടെയാണ് ലക്ഷ്മി ഇളയ കുഞ്ഞിന് ജന്മം നൽകിയത്. മൂത്തയാൾ മകളും രണ്ടാമത്തെയാൾ മകനുമാണ്

മകന്റെ നൂലുകെട്ട് കഴിഞ്ഞ വിശേഷവുമായി ദമ്പതികൾ ഫേസ്ബുക്കിലെത്തി. മകൾ അമ്മയുടെ മടിയിലും മകൻ അച്ഛന്റെ കയ്യിലുമിരിക്കുന്ന ചിത്രമാണ് പോസ്റ്റ് ചെയ്തത്. മകൾ ശ്രേഷ്ഠ അൽപ്പം പരിഭവത്തിലാണെന്നു ക്യാപ്‌ഷനിൽ പറഞ്ഞിട്ടുണ്ട്. ജനിച്ച് 28 ദിവസം പിന്നിടുമ്പോൾ പേരിടീൽ ചടങ്ങ് നടത്താറുണ്ട് (തുടർന്ന് വായിക്കുക)

ചിത്രം കണ്ടതും കുഞ്ഞിന്റെ പേരെന്താണ് എന്നറിയാൻ ആരാധകർ ആഗ്രഹം പ്രകടിപ്പിച്ചിട്ടുണ്ട്. പലരും കമന്റുകളിൽ ചോദ്യവുമായെത്തി

നൂലുകെട്ട് ചടങ്ങിന്റെ ഫുൾ വീഡിയോ യൂട്യൂബ് ചാനലിൽ വരും എന്ന് സഞ്ജുവും ലക്ഷ്മിയും പറഞ്ഞിട്ടുണ്ട്. അവിടെയാകും ഒരുപക്ഷെ മകന്റെ പേര് വെളിപ്പെടുത്തുക

ഇവരുടെ വീഡിയോസ് എന്നാൽ ആരാധകർക്കിടയിൽ സൂപ്പർഹിറ്റാണ്. 'മോഹം കൊണ്ട് ഞാൻ' എന്ന വീഡിയോ ആണ് ഏറ്റവും പുതിയതായി പോസ്റ്റ് ചെയ്തിട്ടുള്ളത്

ഗർഭിണിയായ നാളുകളിലും കുഞ്ഞ് പിറന്ന ശേഷവും ലക്ഷ്മി ചില വീഡിയോകളിൽ അഭിനയിച്ചു. ഗർഭകാലത്തും ലക്ഷ്മിക്ക് കൈകാര്യം ചെയ്യാവുന്ന തരം വേഷങ്ങൾ ഉൾപ്പെടുത്തിയ വീഡിയോകളാണ് അക്കാലങ്ങളിൽ ചെയ്തത്

'ഒരു തെക്കൻ തല്ല് കേസ്' എന്ന ബിജു മേനോൻ സിനിമയിൽ രസകരമായ ഒരു വേഷം ലക്ഷ്മി ചെയ്തിരുന്നു