പൂളിനരികിൽ ഹോട്ട് ലുക്കിൽ ഒരു 'താടിക്കാരൻ'; വൈറൽ ചിത്രത്തിന് പിന്നിലെന്തെന്നു നോക്കൂ

ഹോമി അദാജാനിയ എന്ന സംവിധായകന്റെ ജന്മദിനത്തിന് അദ്ദേഹം തന്നെ ക്ലിക്ക് ചെയ്ത ഒരു ഫോട്ടോ വച്ച് പിറന്നാൾ ആശംസ നേർന്നാൽ എങ്ങനെയുണ്ടാകും? എന്നാൽ കണ്ടോ. ആ ഫോട്ടോ തന്നെയാണിത്. ഇതെന്താപ്പാ ഇങ്ങനെ എന്ന് ചിലരെങ്കിലും ചിന്തിക്കാതിരിക്കില്ല. അതാണ് ഈ ആശംസയിൽ പലരുടെയും കണ്ണുടക്കാൻ കാരണവും

പൂളിനരികിൽ ഹോട്ട് ലുക്കിൽ വെള്ളത്തിലേക്ക് പാതിയിറങ്ങിയ മട്ടിൽ ഒരു 'താടിക്കാരൻ'. അതെല്ലേ നിങ്ങൾ ആദ്യ ചിത്രത്തിൽ കണ്ടത്. ഒപ്റ്റിക്കൽ ഇല്ല്യൂഷൻ ഒന്നുമല്ല. പക്ഷെ കക്ഷി മറ്റവനാണ്. ഫിൽറ്റർ. ആ താടിയും മീശയും മാറ്റിയാൽ ആൾ ആരെന്നു മനസിലാകും (തുടർന്ന് വായിക്കുക)

തന്റെ ഉള്ളിലെ സ്ത്രീത്വം വിളിച്ചോതുന്ന ചിത്രം പകർത്തിയ ഫോട്ടോഗ്രാഫർക്ക് നന്ദി പറഞ്ഞാണ് ഇൻസ്റ്റഗ്രാം സ്റ്റോറിയിൽ പിറന്ന പിറന്നാൾ ആശംസ

സെയ്ഫ് അലി ഖാന്റെ മൂത്ത പുത്രി സാറ അലി ഖാൻ ആണ് 'താടിക്കാരനായ' ആ സുന്ദരി. താടിയും മീശയും ഫിൽറ്റർ ആണ്. ഫോട്ടോയിൽ റിഫ്ലക്ഷൻ ആയി ഹോമിയെ കാണാനും സാധിക്കും. ഹോമിക്ക് യുവത്വവും, ആരോഗ്യവും, ആയുസും നേർന്നാണ് പിറന്നാൾ ആശംസ

താനും ഹോമിയും ഒരുമിച്ച് പുഷ്അപ്പുകൾ ചെയ്യുന്ന ഒരു ചെറിയ വീഡിയോയും സാറ പോസ്റ്റ് ചെയ്‌തു

മർഡർ മുബാറക്ക് എന്ന് പേരിട്ടിരിക്കുന്ന ഹോമിയുടെ അടുത്ത ചിത്രത്തിൽ സാറ അഭിനയിക്കുന്നുണ്ട്. വിക്കി കൗശലിന്റെ പേരിടാത്ത അടുത്ത ചിത്രത്തിന്റെ ഷൂട്ടിംഗും അവർ പൂർത്തിയാക്കിയതായി റിപ്പോർട്ടുണ്ട്. 'ഏ വതൻ മേരെ വതൻ' ആണ് മറ്റൊരു ചിത്രം