അന്ന് പൊന്നുമ്മാന്റെ കയ്യിലിരിക്കുന്ന കുഞ്ഞ് സിനിമാ നടൻ ആകുമെന്നറിഞ്ഞിരുന്നോ? സ്നേഹാശംസയുമായി മകൻ

മക്കൾ പലരും വെള്ളിത്തിരയിലെ മിന്നും താരങ്ങളായിരിക്കുമ്പോഴും, ആ വെള്ളിവെളിച്ചത്തിന്റെ തരി പോലും ഏൽക്കാതെ അവരുടെ മാതാപിതാക്കൾ എവിടെയെങ്കിലും മാറി നിൽക്കുകയാവും. സൂപ്പർ താരങ്ങളായ മോഹൻലാൽ, മമ്മൂട്ടി എന്നിവരുടെ അമ്മമാർ ഉൾപ്പെടെ അങ്ങനെ തന്നെയായിരുന്നു എന്ന് നിസംശയം പറയാം. പൊന്നുമ്മാന്റെ പിറന്നാളിന് കുട്ടിക്കാലത്തെ ഓർമകളുമായി ആ ഉമ്മയുടെ മകനായ താരം എത്തുന്നു

കുഞ്ഞുനാളിലെ മുഖം നോക്കി അതാരെന്ന് കണ്ടുപിടിക്കുക അത്ര എളുപ്പമല്ല. പക്ഷെ മുതിർന്നപ്പോൾ, മകന് കിട്ടിയ മുഖഛായ അച്ഛന്റേതാണ്. കേവലം രണ്ടേ രണ്ടു സിനിമകൾ കൊണ്ട് ശ്രദ്ധ നേടിയ താരമാണിത് (തുടർന്ന് വായിക്കുക)

വർഷങ്ങൾ കഴിഞ്ഞിട്ടും അമ്മയുടെ മുഖത്തു നിന്നും ആ സുന്ദരിയായ യുവതി എങ്ങും പൊയ്‌പ്പോയിട്ടില്ല. നടൻ സർജാനോ ഖാലിദിന്റെ അമ്മയാണിത്

'ജൂൺ,' ബിഗ് ബ്രദർ' തുടങ്ങിയ സിനിമകളാണ് സർജാനോ ഖാലിദിനെ ശ്രദ്ധേയനാക്കിയത്. ഇതിൽ 'ജൂൺ' സർജാനോ ആദ്യമായി നായകവേഷം ചെയ്ത ചിത്രമാണ്

പേരുകൊണ്ട് വളരെ വ്യത്യസ്‍തനായ താരം കൂടിയാണ് സർജാനോ. ബിസിനസ്സുകാരൻ ഖാലിദ് അബൂബക്കറിന്റെ മകന് ജനിച്ചപ്പോൾ മറ്റൊരു പേരായിരുന്നു. ഒന്നാം ക്‌ളാസിൽ ചേർക്കുമ്പോൾ മറ്റൊരു പേരിടുകയായിരുന്നു

'ക്രിയേറ്റിവിറ്റി' എന്നർത്ഥം വരുന്ന പേരാണ് സർജാനോ. അടുത്തിടെ റിലീസ് ചെയ്ത 'ഫോർ ഇയേഴ്സ്' എന്ന സിനിമയിലാണ് സർജാനോ ഏറ്റവും ഒടുവിൽ നായകവേഷം ചെയ്ത്. ക്യാമ്പസ് പ്രണയം പ്രമേയമാക്കിയ ചിത്രമായിരുന്നു ഇത്

പിതാവിന്റെ ചെറുപ്പകാലത്തെ ഒരു ചിത്രം പോസ്റ്റ് ചെയ്താണ് കുറച്ചു ദിവസങ്ങൾക്കു മുൻപ് സർജാനോ അദ്ദേഹത്തിന് പിറന്നാൾ ആശംസിച്ചത്. നടന്റെ അതേപകർപ്പായിരുന്നു പിതാവെന്ന് ചിത്രം കാണുന്നവർക്ക് പറയാതിരിക്കാൻ സാധിച്ചില്ല