Armaan Malik | ഗർഭിണികളിൽ രണ്ടാം ഭാര്യ ആദ്യം പ്രസവിച്ചു; അർമാൻ മാലിക് വീണ്ടും അച്ഛനായി

ഒരേസമയം ഗർഭിണികളായ ഭാര്യമാരുടെ വിശേഷം യൂട്യൂബർ അർമാൻ മാലിക് (Armaan Malik) പുറത്തുവിട്ടിരുന്നു. പായൽ ആണ് ആദ്യ ഭാര്യ, രണ്ടാം ഭാര്യ കൃതികയും. ആദ്യ വിവാഹത്തിൽ അർമാൻ മാലിക്കിന് ഒരു മകനുണ്ട്. ഒരേസമയം ഗർഭം ധരിച്ചതിനാൽ ഇവർ ഒന്നിച്ചുള്ള ചില വീഡിയോകളും സോഷ്യൽ മീഡിയയിൽ തരംഗം തീർത്തിരുന്നു. ഇപ്പോൾ രണ്ടാം ഭാര്യ കൃതിക ആദ്യം പ്രസവിച്ചു എന്ന വിവരം പുറത്തുവന്നുകഴിഞ്ഞു

ആശുപത്രിയിൽ നിന്നുള്ള വീഡിയോ പോസ്റ്റ് ചെയ്‌തും, ഇൻസ്റ്റഗ്രാം ചിത്രമിട്ടുമാണ് അർമാൻ ഇക്കാര്യം വെളിപ്പെടുത്തിയത്. എല്ലാവരും ചേർന്ന് കുഞ്ഞിന്റെ ജനനം കെങ്കേമമാക്കുന്നതാണ് വീഡിയോയിലെ കാഴ്ച. അമ്മയും കുഞ്ഞും സുഖമായിരിക്കുന്നു (തുടർന്ന് വായിക്കുക)

രണ്ടാമത്തതും മകനാണ്. ആദ്യ ഭാര്യ പായലും മറ്റു കുടുംബാംഗങ്ങളും ചേർന്നാണ് ആശുപത്രിയിൽ ആഘോഷനൃത്തം ചവിട്ടിയത്. ഇനി പായലിന്റെ കുഞ്ഞിനായുള്ള കാത്തിരിപ്പാണ്

കുഞ്ഞിന്റെ പിറവിയെത്തുടർന്ന് ഫാൻസും ഫോളോവേഴ്‌സും അർമാൻ മാലിക്കിനും കുടുംബത്തിനും ആശംസ അറിയിച്ചു. ഇരുവരും ഒന്നിച്ചു ഗർഭിണികളായ വേളയിൽ അർമാൻ ഒരു പ്രാങ്ക് ഒപ്പിക്കുകയും ചെയ്തിരുന്നു

താൻ മൂന്നാമതും ഒരു യുവതിയെ വിവാഹം ചെയ്തു എന്ന് പറഞ്ഞ്, മറ്റൊരു സ്ത്രീയെ പൂമാലയുമായി വീട്ടിൽ അവതരിപ്പിക്കുകയാണ് അർമാൻ ചെയ്തത്. നടക്കാൻ പോയി തിരികെ വന്ന മറ്റു രണ്ടു ഭാര്യമാരും ഇതിൽ ക്ഷുഭിതരായി അർമാനോട് തട്ടിക്കയറുകയും ചെയ്തു

ഒടുവിൽ കാര്യങ്ങൾ കൈവിട്ടു പോകും എന്ന നിലയിലെത്തിയതും, അർമാൻ സത്യം തുറന്നു പറയുകയായിരുന്നു. പായലും കൃതികയും അതിരൂക്ഷമായാണ് ആ സാഹചര്യത്തിൽ പ്രതികരിച്ചത്

ഭാര്യമാർക്കും മൂത്തമകനുമൊപ്പം അർമാൻ മാലിക്