സുഹൃത്തുക്കളുടെ നൃത്ത വീഡിയോയ്ക്ക് പിന്നിൽ ചൂടൻ രംഗങ്ങൾ; ഇന്റർനെറ്റിനെ ഇളക്കിമറിച്ച് വൈറൽ വീഡിയോ

വൈറൽ വീഡിയോയ്ക്ക് പശ്ചാത്തലം തീർത്ത് ചൂടൻ രംഗങ്ങൾ. കഴിഞ്ഞ ദിവസങ്ങളിൽ സോഷ്യൽ മീഡിയയിൽ, പ്രത്യേകിച്ചും ടിക്ടോക്കിൽ ,വൈറലായ വീഡിയോയുടെ പശ്ചാത്തലത്തിലാണ് രണ്ട് പേർ കിടക്കയിൽ ശാരീരിക ബന്ധത്തിൽ ഏർപ്പെടുന്ന ദൃശ്യം കടന്നു കൂടിയത്. സ്ഥിരമായി ഇന്റർനെറ്റ് വീഡിയോകൾ ചെയ്യുന്ന ഒരു സംഘമാണ് ഈ വീഡിയോ പോസ്റ്റ് ചെയ്തത്

പ്രത്യക്ഷത്തിൽ മൂന്നു പേർ ചേർന്ന് ചെയ്യുന്ന നൃത്തമാണിത്. യുവതീയുവാക്കൾ വീടിനു പുറത്തേക്കിറങ്ങി മുറ്റത്തു പാട്ടിട്ടുകൊണ്ട് നൃത്തം ചെയ്യുന്ന വീഡിയോ  കാണാം. എന്നാൽ ഇവർ നൃത്തം ചെയ്യുമ്പോൾ അയൽ വീട്ടിലെ സുതാര്യമായ ജനൽ അടയ്ക്കാത്ത നിലയിലാണ്. അതോടെ ഈ രംഗം ഇവരുടെ നൃത്തത്തിനെക്കാൾ ശ്രദ്ധനേടുന്ന  നിലയിലായി

അയർലണ്ടിലെ ഡബ്ലിനിൽ വീഡിയോകൾ ചെയ്യാൻ വേണ്ടി മാത്രം വീട് വാടകയ്‌ക്കെടുത്ത് വന്നവരാണിവർ. അതിനായി ഒരു ആഡംബര വസതി തന്നെയാണ് ഇവർ ബുക്ക് ചെയ്തത്. ആറാഴ്ചകൾക്കു മുൻപാണ് ഇവിടേയ്ക്ക് താമസം മാറിയത്. എന്നാൽ ഈ വീഡിയോ വന്നതോടെ കാര്യങ്ങൾ മാറിമറിഞ്ഞു, ടിക്ടോക്കുകാർക്ക് നേരെ ആരോപണമുയർന്നു

ശ്രദ്ധ പിടിച്ചുപറ്റാൻ വേണ്ടി ഇവർ മനഃപൂർവം ഈ ചൂടൻ രംഗങ്ങൾ പറഞ്ഞുറപ്പിച്ചു തിരുകിക്കേറ്റിയതാണെന്നായിരുന്നു പ്രധാന ആരോപണം. അങ്ങനെയല്ല, തീർത്തും യാദൃശ്ചികമായി കടന്നു കൂടിയതാണെന്നു ഇവർ ആണയിട്ടു പറഞ്ഞു. എങ്കിൽ പോലും പലരും അത് വിശ്വസിക്കാതെയായി. മാത്രമല്ല, മറ്റൊരു വിധത്തിൽ അത് അവരുടെ ജീവിതത്തെയും ബാധിച്ചു

@gohousedublin എന്ന ഹാന്ഡിലിൽ വീഡിയോ ചെയ്യുന്നവരാണിവർ. പത്തു പേർ അടങ്ങുന്ന സംഘമാണ് പോഷ് വീട് വാടകയ്ക്കെടുത്തത്. ഈ സംഭവം വിവാദമായതോട് കൂടി ഇവരോട് വീടൊഴിയാൻ ഉടമസ്ഥർ ചട്ടംകെട്ടി. ശേഷം ഇവർ തങ്ങളുടെ സാമാനങ്ങളുമായി വീടൊഴിഞ്ഞ് കൊടുക്കുകയും ചെയ്തു. സ്വന്തമായി ഒരു ഷെഫ് ഉൾപ്പെടെയുള്ള  സൗകര്യത്തിൽ ജീവിക്കുകയായിരുന്നു അവരിവിടെ

വീഡിയോ പ്രത്യക്ഷപ്പെട്ടത് ടിക്‌ടോക്കിലാണെങ്കിലും, അതിന്റെ പകർപ്പ് ട്വിറ്റർ ഉൾപ്പെടെയുള്ള പല സമൂഹ മാധ്യമങ്ങളിലും പ്രത്യക്ഷപ്പെട്ടു. മൂന്നു ദശലക്ഷം പേരെങ്കിലും ഇതിനോടകം വീഡിയോ കണ്ടു കഴിഞ്ഞു എന്നാണ് കണക്ക്. അതുപോലെ തന്നെ വീഡിയോയ്ക്ക് പല തരത്തിലുള്ള കമന്റുകളും വന്നുചേർന്നിട്ടുണ്ട്