'സുതാര്യമായതിനാൽ വെള്ള ഷർട്ട് പോലും ധരിക്കാൻ അനുവദിച്ചിരുന്നില്ല'; ഷാരൂഖ് ഖാന്റെ പൊസസ്സീവിനെ കുറിച്ച് ഗൗരി

ബോളിവുഡിലെ ഏറ്റവും ജനപ്രിയരായ ദമ്പതികളാണ് ഷാരൂഖ് ഖാനും ഗൗരി ഖാനും. ഷാരൂഖും ഗൗരിയും തമ്മിലുള്ള പ്രണയവും ആദ്യകാല ജീവിതവുമെല്ലാം ആരാധകർക്ക് മനപാഠമാണ്.

1991 ലായിരുന്നു ഷാരൂഖും ഗൗരിയും തമ്മിലുള്ള പ്രണയ വിവാഹം. വിവാഹം കഴിഞ്ഞ് ആദ്യനാളുകളിൽ ഷാരൂഖ് ഖാൻ കടുത്ത പൊസസ്സീവ് ആയിരുന്നുവെന്ന് പറയുന്ന ഗൗരി ഖാന്റെ വീഡിയോ ഇപ്പോൾ സോഷ്യൽമീഡിയയിൽ വൈറലാണ്.

1997 ൽ സ്മൃതി ഗേർവാളിനൊപ്പം ഷാരൂഖ് ഖാനും ഗൗരിയും നൽകിയ അഭിമുഖത്തിലാണ് ഷാരൂഖിന്റെ സ്വഭാവത്തെ കുറിച്ച് പറയുന്നത്. ഈ വീഡിയോ ഇപ്പോൾ റെഡിറ്റിൽ വൈറലായിരിക്കുകയാണ്.

സഹിക്കാൻ കഴിയാത്ത വിധം ഷാരൂഖ് പൊസസ്സീവ് ആയിരുന്നുവെന്നാണ് അഭിമുഖത്തിൽ ഗൗരി ഖാൻ പറയുന്നത്. സുതാര്യമായതിനാൽ വെള്ള ഷർട്ട് ധരിക്കാൻ പോലും സമ്മതിച്ചിരുന്നില്ലെന്നും ഗൗരി പറയുന്നു. ഇതെല്ലാം താൻ ചെയ്തിരുന്നുവെന്ന് ഷാരൂഖും സമ്മതിക്കുന്നു.

വളരെ മോശം സ്വഭാവമായിരുന്നു തനിക്കുണ്ടായിരുന്നതെന്ന് അഭിമുഖത്തിൽ ഷാരൂഖ് ഖാനും സമ്മതിക്കുന്നുണ്ട്. ദാമ്പത്യത്തിൽ പരസ്പരം അവകാശങ്ങൾ ഉണ്ട‌ായിരിക്കണം.

എന്നാൽ വിവാഹ ജീവിതത്തിന്റെ ആദ്യഘട്ടത്തിൽ താൻ അത് നേടാൻ വല്ലാതെ ശ്രമിച്ചു. തന്റെ ശ്രമങ്ങൾ വില കുറഞ്ഞതായിരുന്നുവെന്നും ഷാരൂഖ് പറയുന്നു.

ഭർത്താവിന്റെ പൊസസ്സീവ്നെസ്റ്റ് എങ്ങനെയാണ് കൈകാര്യം ചെയ്തത് എന്ന ചോദ്യത്തിന് ഗൗരിയുടെ മറുപടി ഇങ്ങനെയായിരുന്നു. അത്തരം പെരുമാറ്റമുണ്ടാകുമ്പോൾ, “ഞാൻ അവനെ ചവിട്ടുകയും വളരെക്കാലമായി ഉപേക്ഷിക്കുകയും ചെയ്തു. 'ശരി, ബൈ. അല്ലെങ്കിൽ ഇനിയൊരിക്കലും നീ എന്നെ കാണില്ല.'' എന്നു പറഞ്ഞു.