Shakeela | പുഷ്പവൃഷ്‌ടിയോടെ ഷക്കീലയുടെ മാസ് എൻട്രി; മിനിസ്‌ക്രീനിൽ ശക്തമായ തിരിച്ചുവരവുമായി നടി

നടി ഷക്കീല (Shakeela) ഇനി മലയാളികളുടെ സ്വീകരണമുറികളിലേക്ക്. ഒരുകാലത്ത് സിനിമാ പ്രേക്ഷകരെ ഇളക്കിമറിച്ച താരം ടി.വി. സീരിയലിലൂടെ മലയാളത്തിലേക്ക് അതിശക്തമായ തിരിച്ചുവരവ് നടത്തുന്നു. സൂപ്പർസ്റ്റാറുകളുടെ സിനിമകൾക്ക് പോലും ഏറെ വെല്ലുവിളി ഉയർത്തിയ നടിയാണ് ഷക്കീല. ഇവർ മലയാളി അല്ലാതിരുന്നിട്ടും കേരളത്തിലെ ആരാധകരുടെ എണ്ണം വളരെക്കൂടുതലായിരുന്നു

മുൻപ് ചില ടി.വി. ഷോകളിലൂടെ ഷക്കീല സാന്നിധ്യമറിയിച്ചിരുന്നു. എന്നാലും ഒരു കഥാപാത്രമായി അവർ വരുന്നത് വളരെ വർഷങ്ങൾക്ക് ശേഷമാണ്. തിരിച്ചുവരവിൽ പുഷ്‌പവൃഷ്‌ടിയോടെയാണ് ഷക്കീല സ്‌ക്രീനിൽ മാസ് എൻട്രി നടത്തിയത്. ഷക്കീലയുടെ മടങ്ങിവരവിന്റെ കൂടുതൽ വിവരങ്ങളിലേക്ക് (തുടർന്ന് വായിക്കുക)

പട്ടുസാരി ചുറ്റി, ആഡംബര കാറിൽ വന്നിറങ്ങുന്ന ദൃശ്യത്തോടെയാണ് തുടക്കം. ചുറ്റും ബോഡിഗാർഡുകളുമുണ്ട്. ഊർമിള എന്നാണ് കഥാപാത്രത്തിന്റെ പേര്

മല്ലികാ സുകുമാരന്റെ പ്രകടനത്തിന്റെ പേരിൽ ജനപ്രിയ പരമ്പരയായി 'സുരഭിയും സുഹാസിനിയും' ആണ് ഷക്കീലയുടെ തിരിച്ചുവരവിന് വഴിയൊരുക്കിയത്. സുഹാസിനി എന്ന മല്ലികയുടെ കഥാപാത്രത്തിനൊപ്പം മത്സരിക്കുന്ന വേഷമാണ് ഷക്കീലയുടേത് എന്നാണ് സൂചന. ഫ്‌ളവേഴ്‌സ് ടി.വിയിലെ പരമ്പരയാണിത്

സുഹാസിനി എന്നാണ് മല്ലിക സുകുമാരന്റെ കഥാപാത്രത്തിന് പേര്. മലയാളം, തമിഴ്, തെലുങ്ക് ഭാഷകളിലെ ടി.വി. ഷോകളിൽ ഷക്കീല പലപ്പോഴും ഗസ്റ്റ് ആയും മത്സരാർഥിയായും പങ്കെടുത്തിരുന്നു

'ഷക്കീല 'എന്ന പേരിൽ അവരുടെ ജീവിതകഥ പറഞ്ഞ ചിത്രം റിലീസ് ചെയ്തിരുന്നു. നടി റിച്ച ഛദ്ദയാണ് ഷക്കീലയായി സ്‌ക്രീനിൽ വേഷമിട്ടത്. ഒരു ചെറിയ അതിഥിവേഷത്തിൽ ഷക്കീല ഈ സിനിമയിൽ അഭിനയിച്ചിരുന്നു

താൻ ജീവിച്ചിരിക്കെ സ്വന്തം ബയോപിക് കാണാൻ അവസരം ലഭിച്ചതിൽ സന്തോഷവതിയാണ് എന്ന് ഷക്കീല പറഞ്ഞിരുന്നു. ഇന്ദ്രജിത് ലങ്കേഷ് ആണ് സിനിമ സംവിധാനം ചെയ്തത്