Shalini Ajithkumar | ശാലിനി അജിത്കുമാർ ഇൻസ്റ്റഗ്രാമിലെത്തി; ആദ്യ പോസ്റ്റുകൾ അജിത്തിനൊപ്പം

നടൻ അജിത്കുമാറിന്റെ (Ajithkumar) ഭാര്യയായ ശേഷം സിനിമാലോകത്തു നിന്നും ഇടവേളയെടുത്ത നടിയാണ് മലയാളികളുടെ സ്വന്തം ബേബി ശാലിനിയായ ശാലിനി അജിത്കുമാർ (Shalini Ajithkumar). പിന്നീട് രണ്ടു മക്കളുടെ അമ്മയായി, കുടുംബിനിയുടെ റോളിലേക്ക് പ്രവേശിച്ച ശാലിനി സിനിമയിലേക്ക് എപ്പോൾ മടങ്ങിയെത്തും എന്ന ചോദ്യത്തിന് മറുപടി നൽകിയില്ല

സോഷ്യൽ മീഡിയയിൽ പോലും ശാലിനി സജീവമല്ലാതായി. എന്നാൽ അനുജത്തി ശ്യാമിലി അപ്പോഴും ചേച്ചിയുടെയും മക്കളുടെയും ചിത്രങ്ങളുമായി എപ്പോഴും ഇൻസ്റ്റഗ്രാമിൽ നിറഞ്ഞുനിന്നു. ഇപ്പോൾ ശാലിനി തന്റെ ഔദ്യോഗിക ഇൻസ്റ്റാഗ്രാം അക്കൗണ്ട് തുറന്നു കഴിഞ്ഞു (തുടർന്ന് വായിക്കുക)

ആകെ രണ്ടു ചിത്രങ്ങളാണ് ശാലിനി പോസ്റ്റ് ചെയ്തിട്ടുള്ളത് രണ്ടിലും ഭർത്താവ് തല അജിത്തിനൊപ്പമാണ് ശാലിനി. മുകളിൽ കണ്ട ചിത്രങ്ങളാണ് അവ. ഇതിൽ ഒരെണ്ണം കുടുംബവുമായി ചേർന്ന് നടത്തിയ ജന്മദിനാഘോഷങ്ങളിൽ നിന്നുമാണെന്നു പറയപ്പെടുന്നു

രണ്ടാമത്തെ ചിത്രത്തിൽ ഒരു ബ്ലൂ ഫ്ലോറൽ ഡ്രസ്സ് അണിഞ്ഞ ശാലിനിയാണുള്ളത്. അജിത്തിന്റെ നെഞ്ജോട് ചേർന്ന് നിൽക്കുന്ന ചിത്രം ഫ്രാൻസിൽ നിന്നും പകർത്തിയതാണ്

ശാലിനിയും അജിത്തും വ്യക്തി ജീവിതം തീർത്തും സ്വകാര്യമായി സൂക്ഷിക്കുന്നവരാണ്. മാധ്യമങ്ങളിലോ മറ്റും ഇതേക്കുറിച്ച് അജിത്തോ ശാലിനിയെ ഒന്നും പറയാറില്ല. കഴിവതും മീഡിയയുടെ മുന്നിൽ നിന്നും അകന്നു കഴിയുന്നവരാണിവർ

സിനിമ വിട്ടിട്ട് രണ്ട് പതിറ്റാണ്ട് പിന്നിട്ടെങ്കിലും, ഇവരുടെ ആരാധകരുടെ കാര്യത്തിൽ തീർത്തും കുറവില്ല എന്നതിന് തെളിവാണ് ഈ അക്കൗണ്ടിലെ പോസ്റ്റുകളിൽ പ്രത്യക്ഷപ്പെട്ട കമന്റുകൾ. @shaliniajithkumar2022 എന്നാണ് ശാലിനിയുടെ ഇൻസ്റ്റഗ്രാം ഹാൻഡിൽ