Shamna Kasim | ഷംനയ്ക്ക് സിസേറിയനായിരുന്നോ നോർമൽ ഡെലിവറി ആയിരുന്നോ? കുഞ്ഞാവ എവിടെ? ചോദ്യങ്ങൾക്ക് മറുപടിയുമായി താരം

ഷംനയുടെ (Shamna Kasim) കുഞ്ഞുവാവ പിറന്നത് മുതൽ അവന്റെ വിശേഷങ്ങൾ അറിയാൻ കാത്തിരിപ്പാണ് താരത്തിന്റെ ആരാധകർ. ഒരു വലിയ പേരാണ് ഷംനയുടെ മകന്. അത് ചുരുക്കി ഹംദാൻ എന്നും ഹംദു എന്നും ഷംന വിളിക്കുന്നു. തുടക്കത്തിൽ ആശുപത്രിയിലെ തന്റെ പ്രിയപ്പെട്ട ഡോക്‌ടർക്കും ആരോഗ്യപ്രവർത്തകർക്കും ഒപ്പമുള്ള ചിത്രങ്ങളാണ് ഷംന പോസ്റ്റ് ചെയ്തത്

ഇപ്പോൾ കുറച്ചാഴ്ചകൾ പിന്നിട്ട വേളയിൽ മകന്റെ കൂടുതൽ വിശേഷങ്ങളുമായി ഷംന 'മൈസെൽഫ് ചിന്നാറ്റി' എന്ന തന്റെ യൂട്യൂബ് ചാനലിൽ വരികയാണ്. കുഞ്ഞാവയ്ക്കു ഒരു ക്യൂട്ട് ഫോട്ടോഷൂട്ട് കൂടി ഷംന നടത്തിയിട്ടുണ്ട്. പിന്നെ പ്രസവം സിസേറിയനാണോ നോർമൽ ഡെലിവറി ആണോ എന്നുള്ള ചോദ്യത്തിനും ഷംന മറുപടി നൽകി (തുടർന്ന് വായിക്കുക)

പലർക്കും തീരെ കൊച്ചുകുഞ്ഞുങ്ങളുടെ മുഖം ക്യാമറയിൽ പതിയുന്നത് ഇപ്പോഴും രസമുള്ള കാര്യമല്ല. ഷംനയോടും പലരും ഇക്കാര്യം ചൂണ്ടിക്കാട്ടി. എന്നാലും തന്റെ ആഗ്രഹ പ്രകാരമാണ് ഹംദുവിന് ഫോട്ടോഷൂട്ട് നൽകിയതെന്ന് ഷംന

ഒരു വനിതാ ഫോട്ടോഗ്രാഫർ എത്തി ഹംദുവിനെ മിനുമിനുത്ത തുണിയിൽ പൊതിഞ്ഞ്, തുറന്ന കൊട്ടയിൽ വച്ചാണ് ഫോട്ടോഷൂട്ട്. ഒപ്പം അവന്റെ അമ്മയായ ഷംനയുമുണ്ട്. വളരെ ലളിതമായ ഷൂട്ടാണ് ഷംന ഒരുക്കിയത്

ഭർത്താവ് ഷാനിദ് ആസിഫ് അലി ഇവിടെ സജീവമല്ല. കുഞ്ഞുവാവയുടെ മുഖം സ്മൈലി കൊണ്ട് മറച്ചു പിടിച്ചാണ് ഷംന വീഡിയോ പോസ്റ്റ് ചെയ്തിട്ടുള്ളത്. അൽപ്പം കൂടി വലുതായ ശേഷം ഷംന മകനെ ആരാധകർക്ക് പരിചയപ്പെടുത്തുമായിരിക്കും

ഷംനയുടെയും ഡോ: ഷാനിദ് ആസിഫ് അലിയുടെയും കടിഞ്ഞൂൽ കണ്മണിയാണ് ഹംദാൻ. ദുബായിയിൽ വച്ചായിരുന്നു ഷംനയുടെ പ്രസവം

ഷംനയുടേത് നോർമൽ ഡെലിവറി ആയിരുന്നു. അതിന്റെ വിശേഷങ്ങളുമായി താൻ പിന്നീട് എത്തിച്ചേരും എന്ന് ഷംന അറിയിച്ചിരിക്കുന്നു