Shamna Kasim | ഷംനയുടെ കുഞ്ഞിന് എട്ടു പേരുകൾ ചേർത്ത് വമ്പൻ പേരിടീൽ

നടിയും നർത്തകിയുമായ ഷംന കാസിം (Shamna Kasim) അമ്മയായിരിക്കുന്നു. കഴിഞ്ഞ ദിവസമാണ് ഷംന ഒരാൺകുഞ്ഞിനു ജന്മം നൽകിയത്. ആശുപത്രിയിലെ ഡോക്ടർമാർക്കും മറ്റുള്ളവർക്കുമൊപ്പം ചിത്രം പകർത്തി പോസ്റ്റ് ചെയ്താണ് ഷംന കുഞ്ഞിന്റെ വരവറിയിച്ചത്. ദുബായിയിലെ ബിസിനസുകാരനായ ഷാനിദ് ആസിഫ് അലിയാണ് ഷംനയുടെ ഭർത്താവ്. വിദേശത്തു വച്ചായിരുന്നു കുഞ്ഞിന്റെ ജനനം

വൈകുന്നേരത്തോടു കൂടി കുഞ്ഞിനെ അച്ഛനും അമ്മയും ഓമനിക്കുന്ന ഫാമിലി ചിത്രവും ഷംന പോസ്റ്റ് ചെയ്യുകയുണ്ടായി. സുഹൃത്തുക്കളും ആരാധകരും ഷംനയ്ക്ക് ആശംസയുമായി എത്തിക്കഴിഞ്ഞു. കടിഞ്ഞൂൽ കണ്മണിക്ക് ഷംന ഗംഭീര പേരാണ് നൽകിയത് (തുടർന്ന് വായിക്കുക)

കാൽനൂറ്റാണ്ടോളമായി ദുബായിയിൽ താമസക്കാരനാണ് ഷംനയുടെ ഭർത്താവ് ഷാനിദ് ആസിഫ് അലി. അതിനാൽ ദുബായ് കിരീടാവകാശിയുടെ പേരാണ് ഇദ്ദേഹം മകന് നൽകിയത്. എട്ടു പേരുകൾ ചേർന്ന വമ്പൻ പേരാണ് കുഞ്ഞിന്

ഷെയ്ഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂം എന്നാണ് കുഞ്ഞിന്റെ പേര്. നാട്ടിൽ കണ്ണൂർ സ്വദേശിയാണ് ഷംന കാസിം

2022 ജൂൺ മാസത്തിലായിരുന്നു ഷംനയുടെ നിക്കാഹ്. ഒക്ടോബർ മാസത്തിൽ വിവാഹ ചടങ്ങുകളും നടത്തി എന്നാണ് അവർ നൽകിയ വിവരം. നിക്കാഹിനു ശേഷം ഷംന സിനിമകളിൽ സജീവമായിരുന്നു

അടുത്തിടെ പുറത്തിറങ്ങിയ നാനി, കീർത്തി സുരേഷ് ചിത്രം 'ദസറ'യാണ് ഷംനയുടെ ഏറ്റവും പുതിയ സിനിമ. ഇതിന്റെ ഷൂട്ടിംഗ് വേളയിൽ ഷംന ഗർഭിണിയായിരുന്നു

ഗർഭകാലത്തെ ചടങ്ങുകൾ നടത്തിയ വേളയിൽ ഉമ്മയ്‌ക്കൊപ്പം ഷംന കാസിം