Shamna Kasim | ഏഴാം മാസത്തിൽ കണ്ണൂർ സ്റ്റൈൽ ആചാരം ഇങ്ങനെ; ഷംന കാസിം കുടുംബസമേതം

നടി ഷംന കാസിമിന്റെ (Shamna Kasim) വിവാഹവും, ഗർഭധാരണവും മറ്റു വിശേഷങ്ങളുമെല്ലാം ആരാധകർ സോഷ്യൽ മീഡിയയിലൂടെ അറിഞ്ഞുകാണും. ദുബായിയിലെ മലയാളി വ്യവസായിയാണ് ഷംനയുടെ ഭർത്താവ്. കുറച്ചുനാൾ മുൻപ് ഷംന തന്റെ വളകാപ്പു ചടങ്ങുകൾ നടത്തിയ ചിത്രങ്ങളുമായി ഇൻസ്റ്റഗ്രാമിൽ എത്തിയിരുന്നു. വീണ്ടും മറ്റൊരു ചടങ്ങിന്റെ വിശേഷം ഷംന പങ്കിടുന്നു

നടി കണ്ണൂർകാരിയാണ് എന്ന് എത്രപേർക്ക് അറിയാമെന്നറിയില്ല, പക്ഷെ അവിടുത്തെ ഒരു സ്‌പെഷൽ ഗർഭകാല ചടങ്ങുമായാണ് താരത്തിന്റെ വരവ്. സകുടുംബം ഈ ചടങ്ങിൽ ഷംന പങ്കെടുക്കുന്നു. ഏഴാം മാസത്തിൽ നടത്തുന്ന ചടങ്ങെന്ന് ക്യാപ്‌ഷനിൽ പറഞ്ഞിട്ടുണ്ട്. അതും തനി കണ്ണൂർ സ്റ്റൈലിൽ. വളരെ ലളിതമാണ് ഈ ചടങ്ങ് (തുടർന്ന് വായിക്കുക)

ഷംനയുടെ ചിത്രങ്ങൾ കണ്ടവർക്ക് മനസിലാകും, ഗർഭിണി ധരിച്ച വസ്ത്രത്തിനു മീതെ ഒരു മുണ്ട് കൂടി കണ്ടുകാണും

ചിത്രങ്ങൾക്കൊപ്പം ഒരു വീഡിയോ കൂടി പോസ്റ്റ് ചെയ്ത് ആ രീതി എന്തെന്ന് ഷംന വ്യക്തമാക്കിയിട്ടുണ്ട്. മുണ്ട് മാത്രമല്ല, ഒരു ചരടും കൂടിയുണ്ട്

മുതിർന്ന സ്ത്രീകളിൽ ഒരാൾ ഷംനയുടെ നിറവയറിന് മീതെ ഒരു വെള്ള മുണ്ടുടുപ്പിക്കുന്നു. ശേഷം അതിനു മേലെ കൊച്ചുകുഞ്ഞുങ്ങൾക്ക് അരയിൽ കെട്ടുന്നതുപോലൊരു കറുത്ത ചരട് നീളത്തിൽ ചുറ്റി കെട്ടുന്നുണ്ട്

ശേഷം ഈ വേഷം ധരിച്ചുള്ള ചിത്രങ്ങളാണ് ഷംന പോസ്റ്റ് ചെയ്തത് മുഴുവനും. അടുത്തിടെ പ്രസവത്തിനായി ദുബായിയിൽ ഭർത്താവിന്റെ അടുത്തേക്ക് പോയ വീഡിയോ ഷംന പോസ്റ്റ് ചെയ്തിരുന്നു

വീട് മുഴുവൻ വർണാഭമായ ബലൂണുകൾ കൊണ്ട് അലങ്കരിച്ചിരുന്നു. ഷാനിദ് ആസിഫ് അലിയാണ് ഷംനയുടെ ഭർത്താവ്

ഏഴാം മാസത്തെ ചടങ്ങിന് ശേഷം ഷംന കാസിം അമ്മയ്‌ക്കൊപ്പം. ഗർഭകാലത്തും ഷംന ഫോട്ടോഷൂട്ടുകളുമായി സജീവമാണ്

ഏഴാം മാസത്തിലെ വളകാപ്പ് ചടങ്ങിന് ശേഷം ഷംന കാസിം